ട്വിൻ ഫ്ലവർസ് 2 [Eros - God of Lust]

“നന്നായി.” ഡാലിയ ചിരിച്ചു.

“സുഖമാണോ അക്കാ...” അന്നേരം അരുള്‍ ഡാലിയയോട് ചോദിച്ചു.

“സുഖം. പിന്നെ വിശേഷം ചോദിക്കുന്നത് അവിടെ ഇരിക്കട്ടെ.” ഡാലിയ അവനോട് അല്‍പ്പം ചൂടായി. “എടാ, നീയും ഞാനും തമ്മില്‍ ഒരു വയസ്സ് വിത്യാസമേയുള്ളു. എത്രവട്ടം എന്റെ പേര് വിളിക്കാൻ ഞാൻ പറഞ്ഞതാ, എന്താ നീ കേള്‍ക്കാത്തേ?”

“ഉങ്കള അക്കാ എന്ന് വിളിക്കാനാ എനിക്ക് ഇഷ്ട്ടം.” അരുള്‍ ചിരിച്ചു. എന്നിട്ട് എന്നെ നോക്കി. “നാല് ടൂറിസ്റ്റ് നമ്മ കാര്‍ ബുക്ക് പണ്ണിയിരുന്താങ്ക, ഇന്ന്‌ എട്ടര മണിക്ക് അവങ്ക നമ്മ ഓഫീസുക്ക് വരുവാങ്ക. അതിന്റെ കുറച്ച് ജോലി എനക്ക് ഇരുക്ക്. വേറെയും നെറയ ജോലി ഇരുക്ക്. അതനാല ഞാൻ പോട്ടെ അണ്ണാ.” അവന്‍ ചോദിച്ചു.

അരുള്‍ എപ്പോഴും അവന്റെ ജോലി മാത്രമല്ലാ ചെയ്യാറുള്ളത്. അവന്റെ ജോലി കൂടാതെ ഓഫീസിൽ അവന് അറിയാവുന്ന എന്ത് ജോലിയും അവന്‍ ചെയ്യും. അതിന്‌ അനുസരിച്ചുള്ള ശമ്പളവും ഞാൻ കൊടുക്കാറുണ്ട്. അതൊന്നും കൂടാതെ അവന്‍ പാര്‍ട്ട് ടൈമായി ടെക്നിക്കല്‍ കോർസും ചെയ്യുന്നുണ്ട്.

“എന്നാ ചെല്ല്.” ഞാൻ പറഞ്ഞതും അവന്‍ ഡാലിയയ്ക്ക് ഒരിക്കല്‍ കൂടി പുഞ്ചിരി കൊടുത്തിട്ട് വേഗം പോയി.

“ശെരി, ഞാൻ ചെന്ന് കുളിച്ച് ഫ്രെഷായിട്ട് വരാം. എന്നിട്ട് മൂന്ന്‌ പേര്‍ക്കും ഹോട്ടലിൽ ചെന്ന് ബ്രേക്ക് ഫാസ്റ്റ് കഴിക്കാം.”

ഹോട്ടലിൽ ചെന്ന് കഴിക്കുന്ന കാര്യം പറഞ്ഞതും അല്ലി മുഖം ചുളിച്ചു. വീട്ടില്‍ ഉണ്ടാക്കി കഴിക്കുന്നതാണ് അവള്‍ക്ക് കൂടുതൽ ഇഷ്ട്ടം.

“വീട്ടില്‍ ഉണ്ടാക്കും വരെ നിൽക്കാൻ എനിക്ക് സമയമില്ല, അല്ലി. ഒരുപാട്‌ ജോലി പെൻഡിങ് ആണ്‌. എനിക്ക് ഉടനെ പോണം. നാല്‌ മണിക്ക് മുന്നേ ഞാൻ തിരിച്ചു വരും.”

“ശെരി, ഞാൻ വേഗം റെഡിയായി വരാം. ഇനി ഞങ്ങൾ കാരണം ചേട്ടന്റെ ജോലി ഒന്നും മുടങ്ങണ്ട.” അവളെ പുതിയ സ്ഥലത്ത് കൊണ്ടു വിട്ടിട്ട് ഞാൻ ഉടനെ എങ്ങോട്ടോ പോകുന്ന എന്ന കുറ്റപ്പെടുത്തൽ ഡാലിയയുടെ ധ്വനിയിൽ ഉണ്ടായിരുന്നു. കൂടാതെ രാത്രി അവള്‍ക്ക് പേടിച്ചു കിടക്കേണ്ടി വന്നതിന്റെ ദേഷ്യവും ഇതുവരെ മാറിയിട്ടില്ല.

അവളുടെ ചുണ്ട് കൊട്ടി, മുഷ്ടി ചുരുട്ടി പിടിച്ച്, മുഖവും വീർപ്പിച്ചുള്ള നില്‍പ്പും വാശിയും കണ്ടിട്ട്.. എന്നെയും അറിയാതെ എന്റെ ഉള്ളില്‍ എവിടെയോ അവളോട് കൂടുതലായി സ്നേഹം വര്‍ധിക്കുന്നത് ഞാൻ അറിഞ്ഞു. പക്ഷേ വേഗം ഞാൻ ആ ചിന്ത മാറ്റി.

ഞാൻ ഒന്നും മിണ്ടാതെ വേഗം എന്റെ റൂമിൽ ചെന്ന് ബാത്റൂമിൽ കേറി. വെള്ളത്തിന് നല്ല തണുപ്പ് ഉണ്ടായിരുന്നു. വാട്ടർ ഹീറ്റ്ർ ഉണ്ടെങ്കിലും ഞാൻ അതിനെ ഓണാക്കിയില്ല. ഷവറിന് താഴെ നല്ല തണുത്ത വെള്ളത്തില്‍ വിറച്ചു കൊണ്ടാണ് കുളിച്ചത്. ചുട്ടു പൊള്ളുന്ന എന്റെ ശരീരത്തിന് അത് ആവശ്യമായിരുന്നു.

കുളി കഴിഞ്ഞ് ജീൻസ് പാന്റും ഫുൾ കൈ ഷർട്ടിൽ കൈയും മടക്കി വച്ച് ഞാൻ പുറത്തു ഹാളില്‍ ചെന്നപ്പോ അവർ രണ്ടുപേരുടെ സംസാരവും ചിരിയും മുറ്റത്ത്‌ നിന്ന് വരുന്നത് കേട്ടു.

പുറത്ത്‌ ഡാലിയ അല്ലിയുടെ സ്ക്കൂട്ടി മെല്ലെ വട്ടത്തില്‍ ഓടിക്കുന്നത് കണ്ടപ്പോ ഞാൻ അതും നോക്കി പുഞ്ചിരിയോടെ നിന്നു. പണ്ട്‌ ഡെയ്സിക്കും ഡാലിയക്കും സ്ക്കൂട്ടി ഓടിച്ചു പഠിപ്പിച്ച