ട്വിൻ ഫ്ലവർസ് 4 [Eros - God of Lust]

പക്ഷേ എന്നാലും ഇതില്‍ നിന്റെ വാക്കാണ് ഫൈനല്‍. നിന്റെ അഭിപ്രായം അറിഞ്ഞിട്ട് ബാക്കി മതി എന്നാണ് ഞങ്ങൾ എട്ടുപേരും ഒരുപോലെ തീരുമാനിച്ചിരുന്നത്.” അഭിനവ് പറഞ്ഞു.

“നിങ്ങൾ രണ്ടു ദിവസം മുമ്പ്‌ ഫോണിലൂടെ ടീ ഫാക്ടറിയുടെ കാര്യം സൂചിപ്പിച്ചതും എനിക്ക് വേണ്ടപ്പെട്ട  ചിലരോട് മൊത്തം കാര്യങ്ങളെ കുറിച്ചും വിശദമായി തന്നെ ഞാൻ ചോദിച്ചു മനസ്സിലാക്കിയിരുന്നു.”

“ഏഹ്... സത്യമോ...!?” രാഹുല്‍ ആശ്ചര്യപ്പെട്ടു.

“എന്നാൽ അന്വേഷിച്ച് മനസ്സിലാക്കിയ കാര്യം ഞങ്ങളോട് പറ ബ്രോ...” അഭിനവ് തിടുക്കം കൂട്ടി.

“പുതിയ ഫാക്ടറി തുടങ്ങാൻ ഉണ്ടാവുന്ന ചിലവിനെ കുറിച്ചും, പിന്നെ സ്ഥലവും ഫാക്ടറിയും എക്യുപ്മെൻസ് ഉള്‍പ്പെടെ വിൽക്കാന്‍ കിടക്കുന്ന സെക്കന്‍ഡ് ഹാന്‍ഡ് ഫാക്ടറികളേ കുറിച്ചുമൊക്കെ ഞാൻ അന്വേഷിച്ചായിരുന്നു.” ഞാൻ പറഞ്ഞതും എട്ടു മുഖങ്ങളില്‍ ആശ്ചര്യം നിറയുന്നത് കണ്ട് അങ്കിളും വലിയച്ഛനും ചിരിച്ചു.

“ഇത്ര പെട്ടന്ന് ബ്രോ അതിനെ കുറച്ചൊക്കെ അന്വേഷിച്ച് കഴിഞ്ഞോ...!!!” അന്‍സാര്‍ വായും പൊളിച്ച് എല്ലാവരെയും നോക്കി.

“ആശ്ചര്യം ഒന്നും വേണ്ട. പണ്ടു തൊട്ടേ റൂബി അങ്ങനെയാണ്.” വലിയച്ഛന്‍ ഉറക്കെ ചിരിച്ചു. “അവന് ഇഷ്ടമുള്ള ആരെങ്കിലും എന്തെങ്കിലും ചെറിയ കാര്യം അവനോട് വെറുതെ സൂചിപ്പിച്ചാൽ പോലും അവന്‍ അതിന്റെ A ടൂ Z വരെയുള്ള കാര്യങ്ങളെ കുറിച്ച് പൂര്‍ണമായി അന്വേഷിച്ച് കഴിയാതെ ഉറങ്ങില്ല.”

“എന്നാ ചേട്ടൻ ആ ഡീറ്റയിൽസ് ഒക്കെ പറയൂ, ചേട്ടന് പറയാനുള്ളതാണ് ഞങ്ങൾക്ക് കേള്‍ക്കേണ്ടത്. ചേട്ടന്റെ അഭിപ്രായവും ഉപദേശവും മാത്രം ഞങ്ങൾക്ക് മതി.” അശ്വതി പറഞ്ഞു.

“സ്ഥലം വാങ്ങിച്ച്, ഫാക്ടറി കെട്ടി, എല്ലാ സംവിധാനങ്ങളോടും കൂടെ പുതിയ ഫാക്ടറി റണ്ണിങ് കണ്ടിഷണിൽ  എത്തിക്കാൻ മാക്സിമം 73 ലക്ഷം കൊണ്ട്‌ ശെരിയാക്കി തരാമെന്ന് എനിക്ക് അറിയാവുന്ന ഒരു ടീം ഏറ്റിട്ടുണ്ട്.  ലൈസൻസ് എടുക്കാനുള്ള ചിലവും, പിന്നെ അവരുടെ ഫീ പോലും ഉൾപ്പെടുത്തിയാണ് അവർ ഈ തുക എന്നോട് പറഞ്ഞത്. നിങ്ങളുടെ കൂടെ നിന്ന് ഫാക്ടറി പൂര്‍ത്തിയാക്കാനും, ഏതു തടസ്സങ്ങളും ഒഴിവാക്കി ലൈസൻസും മറ്റ് എല്ലാ ഡോക്യുമെന്റസും നിയമപരമായി റെഡിയാക്കി തരുന്ന കാര്യവും അവർ തന്നെ നോക്കിക്കോളും.” ഞാൻ പറഞ്ഞു.

അതൊക്കെ കേട്ട് അവർ എട്ടുപേരും അന്തിച്ചു പോയി. അവരുടെ ഇരുപ്പ് കണ്ടിട്ട് ഡാലിയ ഒരു കുഞ്ഞ് അഹങ്കാരത്തോടെ ചിരിച്ചു. “എല്ലാവരോടും ഇങ്ങനെ കളിച്ചു ചിരിച്ച് നടക്കുന്നത് കൊണ്ട്‌ റൂബി ചേട്ടനെ നിസ്സാരമായി നിങ്ങൾ കരുതി, അല്ലേ...?” അവള്‍ ചോദിച്ചു.

“എടി....” ചിരിച്ചുകൊണ്ട് ഞാൻ അവളുടെ തുടയിൽ പതിയെ ഒരു അടി കൊടുത്തു.

“അപ്പോ മാക്സിമം 73 ലക്ഷം കൊണ്ട്‌ എല്ലാം റെഡിയാകുമെന്ന് ഉറപ്പാണോ ബ്രോ...?” വിശ്വസിക്കാനാവാതെ അഭിനവ് ചോദിച്ചു.

“ഞങ്ങൾ വിചാരിച്ചതിനേക്കാൾ 17 ലക്ഷം മുതല്‍ 32 ലക്ഷം വരെ കുറച്ചാണല്ലോ ചേട്ടൻ പറയുന്നത്. ശെരിക്കും ഇത്ര കുറഞ്ഞ തുകയ്ക്ക് എല്ലാം ശെരിയാക്കി കിട്ടുമോ...?” ഷാഹിദ ആശ്ചര്യത്തോടെ ചോദിച്ചു.

“അവരേ നമുക്ക് വിശ്വസിക്കം, അല്ലേ...!!” അസ്വസ്ഥതയോടെ ഫ്രാന്‍സിസ് ചോദിച്ചു. ഉടനെ മറ്റുള്ളവരുടെ മുഖത്തും അല്‍പ്പം അസ്വസ്ഥത പടർന്നു പിടിച്ചു.

“എന്നെ വിശ്വസം ഉണ്ടെങ്കിൽ മാത്രം നിങ്ങൾ സമ്മതിച്ചാല്‍ മതി. പേടി ഉണ്ടെങ്കിൽ നിങ്ങള്‍ക്ക് ഇഷ്ടമുള്ള പോലെ ചെയ്യാം. അപ്പോഴും എന്റെ ആവശ്യം