ട്വിൻ ഫ്ലവർസ് 4 [Eros - God of Lust]

എത്തിയതും അങ്കിള്‍ സംസാരം നിര്‍ത്തി. അസ്വസ്ഥതയോടെ ഞാനും അവരുടെ കൂടെ ബേക്കറിയിൽ പോയി. അങ്കിളും വല്യച്ചനും ഒരുപാട്‌ സാധനങ്ങള്‍ അവിടെ നിന്നും വാങ്ങി. അധികവും കുട്ടികള്‍ക്ക് വേണ്ടിയാണ് അവർ വാങ്ങിക്കുന്നതെന്ന് എനിക്ക് അറിയാമായിരുന്നു.

ഒടുവില്‍ എല്ലാം വാങ്ങിച്ചു കൊണ്ട്‌ ഞങ്ങൾ വണ്ടിയില്‍ വന്നു കേറി. വണ്ടി നീങ്ങാന്‍ തുടങ്ങിയതും അങ്കിള്‍  തുടർന്നു...,

“നീയും ഡെയ്സിയും കല്യാണം കഴിച്ച ശേഷം ഡാലിയയുടെ മനസ്സ് മാറ്റി അവളെ കൊണ്ട്‌ വിവാഹം കഴിപ്പിക്കാനായി, ഞാനും, നിന്റെ ആന്റിയും, വല്യച്ചനും, വല്യമ്മയുമെല്ലാം ഒരുപാട്‌ ശ്രമിച്ചു നോക്കിയതാണ്. പക്ഷേ ഈ ഒരു കാര്യത്തിൽ അവളുടെ പിടിവാശി ഭയങ്കരമായിരുന്നു. ഇനി വിവാഹ കാര്യവും പറഞ്ഞ്‌ ആരെങ്കിലും ചെന്നാല്‍ ഈ വീടും നാടും വിട്ട് അവള്‍ പോകുമെന്ന് പറഞ്ഞപ്പോ പിന്നേ ഞങ്ങൾ നാലു പേര്‍ക്കും അവളോട് വിവാഹ കാര്യത്തെ കുറിച്ച് സംസാരിക്കാനുള്ള ധൈര്യം വന്നതേയില്ല.”

അത്രയും പറഞ്ഞിട്ട് അങ്കിള്‍ ഒന്ന് നിര്‍ത്തിയ ശേഷം നിറഞ്ഞിരുന്ന കണ്ണുകൾ തുടച്ചു.

ഞാൻ ശെരിക്കും അന്തംവിട്ടിരുന്നു. ഇങ്ങനെയൊക്കെ നടന്നത് ഒന്നും എനിക്ക് അറിയില്ലായിരുന്നു. ഡാലിയയെ വിചാരിച്ച് എനിക്ക് വല്ലാത്ത സങ്കടം വന്നു. ഉള്ളില്‍ വല്ലാത്ത നീറ്റലും അനുഭവപ്പെട്ടു.

കണ്ണുകൾ തുടച്ച ശേഷം അങ്കിള്‍ പിന്നെയും തുടർന്നു...,

“പിന്നീട് ഡെയ്സി നമ്മൾ എല്ലാവരെയും വിട്ടു പോയി.”അങ്കിള്‍ ഭയങ്കര വിഷമത്തോടെ പറഞ്ഞു.  “എല്ലാവരെയും പോലെ ഡാലിയക്കും ഡെയ്സി പോയതില്‍ വിഷമം ഉണ്ടെന്ന് ഞങ്ങൾക്ക് അറിയാം, പക്ഷെ അവള്‍ക്ക് നിന്നെ കിട്ടുമെന്ന പ്രതീക്ഷ കൂടി ഉണ്ടായിരുന്നു എന്നും ഞങ്ങൾക്ക് അറിയാമായിരുന്നു.”

അങ്കിള്‍ ഒരിക്കല്‍ കൂടി നിര്‍ത്തി. ശേഷം പുഞ്ചിരിച്ചു. എന്നിട്ട് അല്‍പ്പനേരം പുറത്ത്‌ നോക്കിയിരുന്നിട്ട് പിന്നെയും എന്റെ മുഖത്ത് കണ്ണുകൾ നട്ടു.

“നിന്നോടുള്ള ഇഷ്ട്ടം തുറന്നു പറയാനുള്ള ധൈര്യം അവള്‍ക്ക് ഇല്ലായിരുന്നു. അവള്‍ക്കുവേണ്ടി നിന്നോട് സംസാരിക്കാനുള്ള ധൈര്യം ഞങ്ങള്‍ക്കും ഇല്ലായിരുന്നു. അതുകൊണ്ട്‌ ഞങ്ങൾ എല്ലാം വിധി പോലെ നടക്കട്ടെ എന്ന് കാത്തിരുന്നു. ഈ ഓണത്തിന് നി നാട്ടില്‍ വന്ന ശേഷം മുതല്‍ നിന്റെ ദുഃഖം കുറച്ചൊക്കെ കുറഞ്ഞു വരുന്നത് ഞങ്ങൾ എല്ലാവരും കാണുന്നുണ്ടായിരുന്നു. നിന്നില്‍ സംഭവിക്കുന്ന മാറ്റങ്ങൾ എല്ലാം ഞങ്ങൾ നാലുപേരും നല്ലതുപോലെ നിരീക്ഷിച്ചു കൊണ്ടുമിരുന്നു.”

നിരീക്ഷിക്കുന്ന കാര്യം പറഞ്ഞപ്പോ ഞാൻ ഒന്ന് വിരണ്ടു. ഈശ്വരാ... ഞാൻ ഡാലിയയെ ചെയ്തതും എല്ലാവരും അറിഞ്ഞു കാണുമോ...!!?

പക്ഷേ പെട്ടന്ന് ഞാൻ മനസ്സിൽ ചിരിച്ചു. ഡാലിയയെ കാണുമ്പോള്‍ എന്റെ മുഖത്തും കണ്ണിലും ഉണ്ടാവുന്ന ഭാവ വ്യത്യാസങ്ങള്‍ കണ്ടാണ് എന്നിലെ മാറ്റങ്ങൾ അവർ നിരീക്ഷിച്ച് മനസ്സിലാക്കിയത്. അല്ലാതെ ഞങ്ങൾ എന്തു ചെയ്യുന്നു എന്ന് ഒളിച്ചിരുന്ന് നിരീക്ഷിക്കുന്ന ടൈപ്പ് ഒന്നുമല്ല അവരൊക്കെ.

“പണ്ടു തൊട്ടേ ഡാലിയയോടും നിനക്ക് ഒരു പ്രത്യേക ഇഷ്ട്ടം ഉണ്ടായിരുന്നു എന്ന് ഞങ്ങൾക്ക് അറിയാമായിരുന്നു, പക്ഷേ അപ്പോഴൊന്നും നിന്റെ ആ ഇഷ്ടത്തിൽ പ്രണയമോ വേറെ തെറ്റായ ഇഷ്ട്ടമോ ഞങ്ങൾ കണ്ടിട്ടില്ലായിരുന്നു. എന്നാൽ ഇപ്പൊ അവളോടുള്ള നിന്റെ ഇഷ്ട്ടത്തിൽ പ്രണയം കലര്‍ന്നിരിക്കുന്നത് ഞങ്ങൾക്ക് കാണാന്‍ സാധിക്കുന്നു.”

അത്രയും പറഞ്ഞിട്ട് അങ്കിള്‍ ഒന്ന് നിര്‍ത്തി.

“അങ്കിള്‍—”

“വേണ്ട നി ഒന്നും പറയണ്ട.” പെട്ടന്ന് അങ്കിള്‍ എന്നെ വിലക്കി.

അതുകൊണ്ട്‌ ഒന്നും മിണ്ടാതെ