ട്വിൻ ഫ്ലവർസ് 4 [Eros - God of Lust]

ശേഷം ആ ഫോട്ടോസ് ഞാൻ സാമുവേല്‍ അണ്ണന് അയച്ചു കൊടുത്തു. ശേഷം സുമ ഇപ്പൊ അയച്ചു തന്ന വീഡിയോ ക്ളിപ്പ് ഞാൻ പ്ലേ ചെയ്തു. അതിൽ ഡാലിയ എഗ്രിമെന്റ് സൈൻ ചെയ്യാൻ പോയത് മുതൽ തിരികെ വരുന്നത് വരെയുള്ള സിസിടിവി ഫുട്ടേജ് ഞാൻ വിശദമായി കണ്ടു. അതിൽ ക്ഷമ ചോദിക്കും പോലെ സന്തോഷ് ഡാലിയയും കൂട്ടുകാരികളോടും കൈ കൂപ്പി കാണിക്കുന്നത് ഞാൻ സൂക്ഷ്മമായി നോക്കി പരിശോധിച്ചു. അവന്റെ മുഖവും ശരീരം ഘടനയൂം കണ്ണുകളും എല്ലാം ഞാൻ പലവട്ടം റിപ്പീറ്റ് ചെയ്തു നോക്കി.

ഇല്ല, സന്തോഷ് കുഴപ്പക്കാരനല്ല. പക്ഷേ എന്നാലും എന്റെ മനസ്സിൽ എന്തോ അസ്വസ്ഥത പിടിപെട്ട് കിടന്നു. അതുകൊണ്ട്‌ തല്‍കാലം അവനെ അവന്റെ കൂട്ടുകാരുടെ കൂട്ടത്തില്‍ തന്നെ പെടുത്താൻ ഞാൻ തീരുമാനിച്ചു.

പെട്ടന്ന് മൊബൈൽ റിംഗ് ആയതും ഞാൻ നോക്കി. ഡാലിയ ആയിരുന്നു. ഉടനെ പുഞ്ചിരി താനേ എന്റെ ചുണ്ടില്‍ വിടര്‍ന്നു. ലാപ്ടോപ്പ് ഓഫ് ചെയ്തിട്ട് കോൾ എടുത്തു. പക്ഷേ സംസാരിച്ചത് ഗായത്രി ആയിരുന്നു.

“പോയിട്ട് രണ്ടര മണിക്കൂര്‍ കഴിഞ്ഞു. ചേട്ടൻ അവിടെ എന്തെടുക്കുവാ...” ഗായത്രി ചോദിച്ചു.

അതുശെരി...!! അപ്പൊ ഡാലിയ ശെരിക്കും പിണങ്ങി ഇരിക്കുകയാണല്ലേ..???!!

“ഞാൻ വരാം ഗായത്രി.” വേഗം പുറത്തേക്ക്‌ നടന്നു കൊണ്ട്‌ ഞാൻ പറഞ്ഞു.

“എപ്പോ വരും...?” ഗായത്രി ചോദിച്ചു. അന്നേരം ഞാൻ വണ്ടിയില്‍ കേറി സ്റ്റാര്‍ട്ട് ചെയ്ത ശബ്ദം അവളും കേട്ടു. “ഓ... അപ്പോ ഓക്കെ.. ചേട്ടൻ അവിടെ നിന്നും ഇറങ്ങി, അല്ലേ..!”

“അതേ ഇറങ്ങി. ഒരു മിനുട്ട് കൊണ്ട്‌ എത്തും.” പറഞ്ഞിട്ട് ഞാൻ വച്ചു.

ആന്റിയുടെ വീട്ട് മുറ്റത്ത്‌ വണ്ടി നിർത്തി ഞാൻ ഇറങ്ങി. ഞാൻ അകത്തേക്ക് കേറി ചെന്നപ്പോ എല്ലാവരും ഹാളില്‍ തന്നെ ഭയങ്കര ചർച്ചയിൽ ആയിരുന്നത് കണ്ടു. എന്നെ കണ്ടതും ഡാലിയയുടെ കണ്ണുകൾ തിളങ്ങിയെങ്കിലും അവൾ മുഖം വീർപ്പിച്ചു കൊണ്ട്‌ മുഖം വെട്ടി തിരിച്ചു. മറ്റുള്ളവർ ഒന്ന് പുഞ്ചിരിച്ച ശേഷം ചർച്ച തുടർന്നു.

അവരുടെ ചർച്ച ഞങ്ങളുടെ രാത്രിയിലുള്ള യാത്രയെ കുറിച്ചായിരുന്നു. ഞാൻ ആന്റിയുടെ അപ്പുറത്ത് ചുമരിനോട് ചേര്‍ന്ന് ഒഴിഞ്ഞു കിടന്ന കസേരയില്‍ ചെന്നിരുന്നു.

കുറച്ചുനേരം കൂടി അവരൊക്കെ ചർച്ച ചെയ്തു. ഞാൻ മിണ്ടാതെ എല്ലാം കേട്ടുകൊണ്ടിരുന്നു. ഇടക്കിടയ്ക്ക് ഞാൻ ഡാലിയയെ പാളി നോക്കി. അവള്‍ മൈന്റ് ചെയ്യാതെ മൊബൈലില്‍ എന്തോ കുത്തി കൊണ്ടിരുന്നു.

ഒടുവില്‍ മൂന്നരക്ക് ചർച്ച മതിയാക്കി ഞങ്ങൾ ഫുഡ് കഴിച്ചിട്ട് ഹാളില്‍ തന്നെ വന്നു.

“രാത്രി ഒന്‍പത് മണിക്ക് പോകേണ്ടത് അല്ലേ, രാത്രി മുഴുവനും ഉറക്കമിളച്ച് വണ്ടിയും ഓടിക്കണം. അതുകൊണ്ട്‌ എല്ലാവരും കുറച്ചു നേരം ചെന്ന് റസ്റ്റ് എടുക്ക്.” വല്യമ്മ പറഞ്ഞു.

അതാണ്‌ നല്ലതെന്ന് എല്ലാവർക്കും തോന്നിയത്‌ കൊണ്ട്‌ ഫ്രാന്‍സിസും മറ്റ് മൂന്നുപേരും അവരുടെ ഭാര്യമാരേ കൂട്ടിക്കൊണ്ടു മുകളിലേക്ക് പോയി. കുട്ടികൾ താഴേ തന്നെ വല്യച്ചനും അങ്കിളിന്റെ കൂടെയും കളിച്ചു കൊണ്ടിരുന്നു.

“ഞാനും കുറച്ചുനേരം ചെന്ന് ഉറങ്ങട്ടെ...” ഡാലിയ ആരോടെന്നില്ലാതെ പറഞ്ഞിട്ട് എന്നെ നോക്കാതെ താഴത്തെ ഒരു മുറിയില്‍ കേറി ചെന്നു.

ഞാനെന്തു തെറ്റ് ചെയ്തിട്ടാണ് ഇവള്‍ എന്നോട് ദേഷ്യം കാണിക്കുന്നത്...?! ഒന്നും