ട്വിൻ ഫ്ലവർസ് 4 [Eros - God of Lust]

കെട്ടിപിടിച്ചു കൊണ്ട്‌ നിന്നു.

ആന്റിയുടെ മുഖത്തും സങ്കടം വന്നെങ്കിലും ആന്റി ചേട്ടനെ ചേര്‍ത്തു പിടിച്ചുകൊണ്ട് പുഞ്ചിരിച്ചു.

ഒടുവില്‍ ചേട്ടൻ ആന്റിയെ വിട്ടിട്ട് അങ്കിളെ ഒരു കൈ കൊണ്ട്‌ ചേര്‍ത്തു പിടിച്ചു. ശേഷം എന്റെ അച്ഛനഞയും അതുപോലെ ചേര്‍ത്തു പിടിച്ചു. അവസാനമായി ചേട്ടൻ എന്റെ അമ്മക്ക് മുന്നിൽ ചെന്നതും അമ്മ ചേട്ടനെ ചേര്‍ത്തു പിടിച്ച് നെറ്റിയിലും കവിളിലും മുത്തം കൊടുത്തു. എന്നിട്ട് അമ്മ ചേട്ടന്റെ എന്തോ രഹസ്യമായി പറഞ്ഞതും ചേട്ടൻ പുഞ്ചിരിച്ചു.

“പിന്നേ മോനെ, അവള്‍ക്ക് ലീവ് കിട്ടും പോലെ ഡാലി  മോളേയും കൂട്ടിക്കൊണ്ടു ഞങ്ങളെയും കാണാൻ നി വരണം, കേട്ടല്ലോ.” അമ്മ ചേട്ടനോട് സീരിയസ്സായി പറഞ്ഞു.

“തീര്‍ച്ചയായും വരും, ആന്റി.”

ഒടുവില്‍ ഒരോ കുടുംബവും അവരവരുടെ വണ്ടിയില്‍ കേറി. ഞാൻ എന്റെ ചേട്ടന്റെ കൂടേയും.

വണ്ടിയില്‍ കേറി ഞാൻ ഗൗരവത്തിൽ തന്നെ ചേട്ടനെ നോക്കാതെ ഇരുന്നു. ചേട്ടൻ വണ്ടി എടുത്തതും മറ്റ് നാല് കാറുകളും ഞങ്ങളെ പിന്തുടർന്നു വന്നു.

പത്തു മിനിറ്റ് വണ്ടി ഓടിക്കുന്നതിനിടെ ചേട്ടൻ ഏഴു പ്രാവശ്യം എന്നെ പാളി നോക്കുന്നത് ഞാൻ ശ്രദ്ധിച്ചു. പക്ഷേ ഞാൻ മൈന്റ് ചെയ്യാതെ ഇരുന്നു.

ഇരുപത് മിനിറ്റ് കഴിഞ്ഞ് ഷാഹിദ എനിക്ക് കോൾ ചെയ്ത് ആദ്യം വരുന്ന പമ്പിൽ നിര്‍ത്താന്‍ പറഞ്ഞു. ഞാൻ സ്പീക്കര്‍ ഓണാക്കിയിരുന്നത് കൊണ്ട്‌ ചേട്ടനും അത് കേട്ടു.

അങ്ങനെ വിഴിഞ്ഞം പമ്പിൽ നിര്‍ത്തി അഞ്ച് വണ്ടിയും ഫുൾ ചെയ്ത ശേഷം പിന്നെയും ഞങ്ങൾ യാത്രയായി.

“എടി...!!” ചേട്ടൻ വിളിച്ചു. അപ്പോ എന്റെ മനസ്സിൽ കുളിര് കോരി.

ഇത്രയും നേരമായി ചേട്ടൻ വിളിക്കുന്നതും കാത്താണ് ഞാൻ ഇരുന്നതെങ്കിലും ചേട്ടൻ വിളിച്ചപ്പോ ഞാൻ മൈന്റ് ചെയ്തില്ല.

ശെരിക്കും എനിക്ക് അഹങ്കാരം തന്നെയാ...! ഞാൻ ഉള്ളില്‍ പറഞ്ഞു കൊണ്ട്‌ ചിരിച്ചു.

“ഡാലിയ...!!”

എന്റെ പേര്‌ വിളിച്ചത് കേട്ടിട്ട് ഞാൻ പിന്നെയും മൈന്റ് ചെയ്തില്ല.

“ഡാലി...” ചേട്ടൻ വിളിച്ചു. ആ വിളിയിൽ എന്നെ മയക്കുന്ന സ്നേഹം ഉണ്ടായിരുന്നു. എനിക്ക് ചേട്ടന് ഉമ്മ കൊടുക്കാന്‍ തോന്നി. പക്ഷെ എന്നിട്ടും ഞാൻ നേരെ നോക്കി തന്നെയിരുന്നു.

പണ്ടു തൊട്ടേ, ചക്കരെ, പൊന്നേ, എന്നുള്ള പുന്നാര വാക്കുകൾ ഒന്നും ചേട്ടൻ ഡെയ്സിയോടോ എന്നോടോ പറഞ്ഞിട്ടില്ല. അങ്ങനെയുള്ള പുന്നാര വാക്കുകൾ ഒന്നും ചേട്ടനും ഇഷ്ട്ടമല്ല ഞങ്ങൾക്കും ഇഷ്ട്ടമല്ലായിരുന്നു. ചേട്ടൻ ‘എടി’ എന്നും ‘ഡാലി’ എന്നും വിളിക്കുമ്പോ തന്നേ വല്ലാത്തൊരു ലഹരിയാണ് എനിക്ക് ഉണ്ടാവാറുള്ളത്. ഡാലി എന്ന് ചേട്ടൻ വിളിക്കുന്ന ആ സ്റ്റൈല്‍ തന്നെ വേറെയാണ്... എടി എന്നും ഡാലി എന്നും ചേട്ടൻ വിളിക്കുമ്പോ ഞാൻ ശെരിക്കും ചേട്ടന്റെ ആ ശബ്ദത്തില്‍ അലിഞ്ഞു ചേര്‍ന്നു പോകുന്നത് പോലെ തോന്നും.

“എന്തിനാ ഈ പിണക്കം...?” ചേട്ടൻ ചോദിച്ചു.

ഞാൻ മറുപടി കൊടുത്തില്ല.

“എടി, കാര്യം പറഞ്ഞാൽ അല്ലേ എനിക്ക് അറിയൂ...!!”

സത്യമായും ഈ ചേട്ടനെ ഞാൻ കടിച്ചു പറിക്കും. ശെരിക്കും കാര്യം എന്താണെന്ന് ഈ ചേട്ടന് അറിയില്ലേ..?!

“നിന്റെ മുഖത്ത് ദേഷ്യം ഉണ്ടെങ്കിലും കാണാന്‍ നല്ല ഭംഗിയാ...”

ചേട്ടൻ പറഞ്ഞത് കേട്ട് എനിക്ക് നാണവും ചിരിയും വന്നു. പക്ഷേ