ട്വിൻ ഫ്ലവർസ് 4 [Eros - God of Lust]

മൂന്ന്‌ ഗുണ്ടകളെ ഞാൻ തല്ലി തകര്‍ത്തതിനും കുഞ്ഞമ്മ എന്നെ തിരക്കി പിടിച്ചു പകരം വീട്ടാന്‍ ശ്രമിക്കുമെന്ന് ഉറപ്പായിരുന്നു. അതുകൊണ്ട്‌—”

“ചേട്ടാ, ഒരു സംശയം..! അരുളും അല്ലിക്കും മല്ലിക ചേച്ചിയെ കുറിച്ച് അറിയാമായിരുന്നോ..? സാമുവേല്‍ അണ്ണനേ കുറിച്ചും അവര്‍ക്ക് അറിയാമായിരുന്നോ...?” ഡാലിയ പിന്നെയും ഇടക്ക് കേറി ചോദിച്ചു.

“ഇല്ല, ഇവര്‍ക്ക്‌ അവരെ കുറിച്ചൊന്നും അറിയില്ലായിരുന്നു. മല്ലിക ചേച്ചി അവിടെ നിന്ന് രക്ഷപ്പെട്ട കാലം അല്ലി ജനിക്കുക പോലും ചെയ്തിട്ടില്ലായിരുന്നു. കൂടാതെ, മല്ലിക ചേച്ചി രക്ഷപ്പെട്ട കാര്യവും, സാമുവേല്‍ അണ്ണനെ കുറിച്ചുള്ള കാര്യങ്ങളും എല്ലാം വേശ്യാലയത്ത് ഇരകളായി കഴിയുന്നവരിൽ ആരും അറിയാതെ രഹസ്യമാക്കിയാണ് കുഞ്ഞമ്മയും കുടുംബവും അവരുടെ ഗുണ്ടകളും സൂക്ഷിച്ചിരുന്നത്. അതുകൊണ്ട്‌ അല്ലിയും അരുളിനും അവരെ കുറിച്ച് അറിയില്ലായിരുന്നു.”

“അപ്പോ പിന്നെ സാമുവേല്‍ അണ്ണനെ കുറിച്ച് ചേട്ടൻ എങ്ങനെയാ അറിഞ്ഞത്?” അവളുടെ അടുത്ത ചോദ്യം വന്നു.

“നി എന്നെ സംസാരിക്കാന്‍ അനുവദിക്കാതെ ഓരോ ചോദ്യങ്ങൾ ചോദിച്ചു കൊണ്ടിരിക്കുവല്ലേ... അപ്പോ പിന്നെ ഞാൻ എങ്ങനെ എല്ലാം പറയും..?” ഞാൻ കളിയാക്കി.

“പോ ചേട്ടാ...” ചുണ്ടും കോട്ടി എന്നെ കടിക്കാൻ കഴിയുമോ എന്ന് അവള്‍ നോക്കി. പക്ഷെ അത് ബുദ്ധിമുട്ടാണെന്ന് മനസ്സിലായതും ഡാലിയ കൈ നീട്ടി എന്റെ തുടയിൽ ഒരടി തന്നു.

അവളുടെ ആ കുസൃതിയും, ചുണ്ടുകള്‍ കോട്ടിയുള്ള ഇരുപ്പും കണ്ട് ഞാൻ ചിരിച്ചു.

“ചിരിച്ചത് മതി , കാര്യം പറ.”

“കുഞ്ഞമ്മയും കുടുംബവും എങ്ങനെയെങ്കിലും എന്നോടും അല്ലിയോടും അരുളോടുമൊക്കെ പകരം വീട്ടാന്‍ ശ്രമിക്കും. കൂടാതെ ഡെയ്സി പോലും ഇതിന്റെ ഇടയില്‍ പെട്ടു പോകുമെന്ന പേടിയുമാണ് എന്നെ ജാഗരൂകനാക്കിയത്. അതുകൊണ്ട്‌ ഞാൻ ചില മുന്‍കരുതലുകളൊക്കെ എടുത്തായിരുന്നു.”

“എന്തു മുന്‍കരുതലുകൾ.....?” ചോദിച്ചു കൊണ്ട്‌ ഡാലിയ വേഗം വായ് പൊത്തിപ്പിടിച്ചു. എന്നിട്ട് ചിരിച്ചു. “സോറി ചേട്ടാ.. ഇനി ഞാൻ ഇടക്ക് കേറി സംസാരിക്കില്ല.”

“അതൊന്നും സാരമില്ല. നി ഇങ്ങനെ ചോദ്യങ്ങൾ ചോദിക്കുന്നതും വാചാലമാകുന്നതുമൊക്കെ നല്ല രസമാണ്.  അതുകൊണ്ട്‌ സോറി ഒന്നും പറയണ്ട.” ഞാൻ അങ്ങനെ പറഞ്ഞതും ഡാലിയയുടെ കണ്ണുകൾ സന്തോഷത്തില്‍ വിടര്‍ന്നു.

“അപ്പോ വേഗം പറ, ചേട്ടൻ എന്തു മുന്‍കരുതലുകളാ എടുത്തത്..?”

“ഡെയ്സിയും, അല്ലിയും, അരുളിന്റേയും സംരക്ഷണത്തിനായി ഞാൻ ഞങ്ങളുടെ കോട്ടേജ് കോമ്പവുണ്ടിനകത്തു തന്നെ ഒരു കരാട്ടെ സ്കൂൾ പണികഴിപ്പിച്ചു.”

“സത്യം പറ ചേട്ടാ.” ഡാലിയ പിന്നെയും ഇടക്ക് കേറി സീരിയസ്സായി പറഞ്ഞു. “ചേട്ടന് വെറും രണ്ടോ മൂന്നോ ഡോജോ ഉണ്ടെന്നാണ് ആന്റിയും അങ്കിളും പറയുന്നത്. പക്ഷേ അതിൽ കൂടുതൽ ഉണ്ടെന്ന് എനിക്കറിയാം. ശെരിക്കും ചേട്ടന് എത്ര ഡോജോസ് ഉണ്ട്...?” ഡാലിയ ചോദിച്ചത്‌ കേട്ട് അല്‍പ്പം ചമ്മലോടെ ഞാൻ ചിരിച്ചു.

“സത്യത്തിൽ പല സ്ഥലങ്ങളിലായി മൊത്തം പതിനാല് ഡോജോസ് എനിക്കുണ്ട്.”

“ഏഹ്...” ഡാലിയ അതുകേട്ട് മിഴിച്ചിരുന്നു. “എന്നിട്ടാണ് രണ്ടോ മൂന്നോ കരാട്ടെ സ്കൂൾ മാത്രമേ ഉള്ളുവെന്ന് പറഞ്ഞു നടക്കുന്നത്, അല്ലേ..?!” ചിരിയോടെ അവള്‍ ചോദിച്ചു.

“ആരോടും എന്റെ ബിസിനസ്സിന്റെ യഥാർത്ഥ ഡീറ്റയിൽസ് പറയരുത് എന്നാണ് വല്യമ്മ എപ്പോഴും പറയാറുള്ളത്.. വല്യമ്മയോട് എന്റെ ബിസിനസ്സ് ഡീറ്റയിൽസ് ഞാൻ പറയാൻ തുടങ്ങുന്ന നേരം പോലും വല്യമ്മ എന്നെ പറയാൻ