Chapter Title : ഉമ്മയും അമ്മയും പിന്നെ ഞങ്ങളും 7 [Kumbhakarnan]

അമ്മയല്ലേ...?"

"എങ്കിൽ അടുത്തയാഴ്ചയല്ലേ ജിത്തൂന്റെ ബെർത് ഡേ. അതിന് അവരെ എല്ലാവരെയും ഇങ്ങോട്ട് ക്ഷണിച്ചാലോ.."

"അതൊരു നല്ലകാര്യമാണ് ചേട്ടാ. അവന്റെ മിക്കവാറും എല്ലാ ബെർത് ഡേയ്ക്കും ഞാനും അവനും മാത്രമല്ലേ ഉണ്ടാവാറുള്ളൂ. ഒന്നോ രണ്ടോ ബെർത് ഡേയ്ക്ക് മാത്രമാണ് ചേട്ടനും നാട്ടിൽ ഉണ്ടായിരുന്നത്. എന്തായാലും ഇത്തവണ ചേട്ടൻ നാട്ടിലുള്ളതുകൊണ്ട് നമുക്ക് ഈ ബെർത് ഡേ അടിച്ചുപൊളിക്കാം. ശാരദാമ്മയും രേവതിയും മോനും പിന്നെ റഫീക്കും ഉമ്മയും ജുനൈദായും... നമ്മളും. അത്രയും മതി..."

"ഓ കെ. അപ്പോൾ അത് നമ്മൾ ഫിക്സ് ചെയ്തിരിക്കുന്നു."

വർത്തമാനം പറഞ്ഞിരുന്ന് അവർ അത്താഴം കഴിച്ചു. പാത്രങ്ങളുമെടുത്ത് ശാലു അടുക്കളയിലേക്ക് പോയി. കൈ കഴുകിയിട്ട് മേനോനും റഫീക്കും സിറ്റൌട്ടിൽ കിടന്ന കസേരകളിലിരുന്നു. മഴ അപ്പോഴും തോർന്നിരുന്നില്ല. നാട്ടിൽ പണിയാൻ പോകുന്ന റിസോർട്ടിനെപ്പറ്റി മേനോൻ വിശദമായി സംസാരിച്ചു. അടുക്കളയിലെ ജോലിയൊക്കെ കഴിഞ്ഞ് ശാലുവും എത്തി അവരുടെ ചർച്ചയിൽ പങ്കെടുത്തു.

"ആഹാ...സംസാരിച്ചിരുന്ന് നേരം പോയതറിഞ്ഞില്ല. മണി പത്തരയായി.കിടക്കാം. വണ്ടിയോടിച്ച ക്ഷീണം ശരിക്കുണ്ട്."
ഇതു പറഞ്ഞ് മേനോൻ എഴുന്നേൽക്കാൻ തുടങ്ങി.

"അയ്യോ...ഒരു കാര്യം മറന്നു. നിങ്ങൾ ഇരിക്കണേ.. ഞാൻ ദേ വന്നു.."

അതും പറഞ്ഞ് ശാലു അകത്തേക്ക് കയറിപ്പോയി.

അൽപ്പം കഴിഞ്ഞപ്പോൾ ഒരു ട്രേയും കൈയിൽ പിടിച്ചുകൊണ്ട് അവൾ ഇറങ്ങിവന്നു .

"സർപ്രൈസ്... ഹഹഹ...!! തണുത്തുപോയി കേട്ടോ. എന്നാലും ടേസ്റ്റ് ഒട്ടും കുറയില്ല."

ചെറിയ ഗ്ളാസ്സ് ബൗളുകളിൽ വിളമ്പിയ പായസം രണ്ടുപേർക്കും കൊടുത്തിട്ട് ഒന്ന് അവളുമെടുത്തു.

"പായസം ചൂടോടെയല്ലേ കഴിക്കേണ്ടത് ? ഇത് ഒരുപാട് തണുത്തുപോയല്ലോ..."
പായസം സ്പൂണിൽ കോരിയെടുക്കുമ്പോൾ മേനോൻ പറഞ്ഞു.

"അതു സാരമില്ല... കുടിച്ചു നോക്ക്. എങ്ങനെയുണ്ടെന്ന്