Chapter Title : ഉമ്മയും അമ്മയും പിന്നെ ഞങ്ങളും 9 [Kumbhakarnan]

മേനോനും ശാരദയും. ഉള്ളിൽ ചിരിച്ചുകൊണ്ട് ശാലു അത് വായിലേക്കിട്ടു. അപ്പോൾ മേനോനും ശാരദയും പരസ്പരം നോക്കി പുഞ്ചിരിക്കുകയായിരുന്നു. ആദ്യ ഘട്ടം വിജയിച്ച സന്തോഷമായിരുന്നു അവർക്ക്.

"അയ്യോ...ഗ്യാസ് ഓഫ് ചെയ്യാൻ മറന്നു..."
അതും പറഞ്ഞ് ശാലു കിച്ചണിലേക്ക് പോയി.

വായിൽ കിടന്ന ചോക്ലേറ്റ് ഡസ്റ്റ് ബിന്നിൽ ഇട്ടിട്ട് അവൾ വായിൽ വെള്ളമൊഴിച്ചു തുപ്പി. കിച്ചൻ ക്യാബിനറ്റിൽ നിന്ന് ഒരു തുണ്ട് ശർക്കരയെടുത്ത്‌ വായിലിട്ടിട്ട് ഒന്നുമറിയാത്ത ഭാവത്തിൽ അവൾ ഇറങ്ങിവന്നു. ശാലു കിച്ചണിലേക്ക് പോയതിൽ അൽപ്പം ഡൗട്ട് മേനോന് തോന്നാതിരുന്നില്ല. എന്നാൽ തിരികെ വന്നപ്പോഴും അവൾ വായിലിട്ട് നുണയുന്നത് ചോക്ലേറ്റാണെന്ന വിശ്വാസത്തിൽ ആ ഡൗട്ട് ക്ളീയറായി.

"അപ്പോൾ എല്ലാവർക്കും ഗുഡ് നൈറ്റ്.." കൈയുയർത്തി എല്ലാവർക്കും ആശംസകൾ നേർന്നിട്ട് ജിത്തു പടികയറി മുകളിലേക്ക് പോയി.

രാഹുലും രേവതിയും കുട്ടിയും അവർക്കുള്ള മുറിയിലേക്കും ശാരദ തന്റെ മുറിയിലേക്കും പോയി. മേനോനും ശാലുവും അവിടെ അവശേഷിച്ചു.

"വാ ചേട്ടാ....ഉറക്കം ....വരുന്നു. തലക്ക് എന്തോ...ഭാരം പോലെ.."

"അത് ഇന്നത്തെ ജോലിക്കൂടുതൽ കൊണ്ടാവും. എന്തായാലും കിടന്നേക്കാം. "

മേനോൻ അത് പറഞ്ഞപ്പോൾ ശാലു മുറിയിലേക്ക് നടന്നു. നടക്കുമ്പോൾ അവളുടെ ചുവടുകൾ ഉറയ്ക്കുന്നില്ല. അത് കണ്ടപ്പോൾ മേനോന് സന്തോഷമായി. ചോക്ലേറ്റ് പണി പറ്റിച്ചു. അയാളുടെ ചുണ്ടിൽ ഒരു പുഞ്ചിരി വിരിഞ്ഞു. കട്ടിലിൽ കിടക്കുകയല്ല വീഴുകയാണ് അവൾ ചെയ്തത്. കിടന്ന് അൽപ്പം കഴിഞ്ഞപ്പോൾ തന്നെ അവൾ ഗാഢനിദ്രയിലായി.  മേനോൻ അവളെ നന്നായി ഒന്നു പിടിച്ചു കുലുക്കിയിട്ട് വിളിച്ചു.

"ശാലൂ....എടി ശാലൂ...."

എവിടെ !!! കിളി പോയി കിടക്കുകയാണ് പാവം.

കുറച്ചു നേരം കൂടി അയാൾ അവൾക്കരികിൽ ഇരുന്നു.  പിന്നെ  എഴുന്നേറ്റ്