Chapter Title : ഉത്സവകാലം ഭാഗം 5 [ജർമനിക്കാരൻ]

ഞാൻ : നിന്നോട് പറയാൻ പറഞ്ഞത് അതല്ല

ഫർസാന : രണ്ടും ഒന്ന് തന്നെ അല്ലെ

ആവണി : പക്ഷെ റിൻസി എന്തിനാ അങ്ങനെ മെസ്സേജ് അയച്ചേ

ഞാൻ : അവക്ക് പ്രാന്ത്

ഫർസാന : എടാ ഇവളോട് പറയാം

ആവണി എന്നെ നോക്കി ഞാൻ അവളേം അവളുടെ നോട്ടത്തിൽ ദേഷ്യമാണോ അതോ സങ്കടമാണോ എന്നറിയാൻ പറ്റാത്ത ഭാവം ഞാൻ കണ്ടു. ഞാൻ ഒന്ന് ചിരിച്ചു

ഞാൻ : അത് വേണോ

ഫർസാന : വേണം,

അവൾ ആവണിയോട് ഞങ്ങളുടെ കോളേജ് പ്രേമം പ്ലാൻ പറഞ്ഞു.

ആവണി അന്തം വിട്ട് ഇരുന്നു

ഫർസാന : കുറെ തല വേദന അങ്ങനെ ഒഴിയും മോളെ അതോണ്ടാണ്

ആവണി : എന്നാലും ഉമ്മ ഇങ്ങനെ ഒക്കെ പറഞ്ഞോ

ഫർസാന : ഉമ്മാടെൽ കൊടുക്കണോ വിശ്വാസം വരാൻ

ആവണി : വേണ്ട വേണ്ട.

ഫർസാന: ഒന്ന് ചിരിച്ചു  എന്താ പരുപാടി രണ്ടും

ഞാൻ : തോട്ടത്തിൽ പോകുന്നു. കുറച്ചു പണി ഉണ്ട്.

ഫർസാന : നീ വല്ലതും പഠിക്കുന്നുണ്ടോ?

ആവണി : ഉണ്ട്, ഞങ്ങളെ പഠിപ്പിക്കുന്നുണ്ട് കുറെ കാര്യങ്ങൾ.

ഫർസാന : ആവണി ഒരു വഹ അവനു അറിയില്ല കെട്ടോ? പറ്റുവാണേ നേരത്തെ കോയമ്പത്തൂർക്ക് കേറ്റി വിട് എന്തേലും ഒക്കെ പറഞ്ഞു കൊടുക്കാം

ആവണി : നോക്കട്ടെ.

ഫർസാന : ശരി, എങ്കിൽ നടക്കട്ടെ എനിക്ക് കുറച്ചു തിരക്കുണ്ട്

ഫോൺ കട്ടായി ഞാൻ അവളെ നോക്കി ചിരിച്ചു. ആകെ ചമ്മിയ അവൾ എന്നെ അടിക്കാൻ തുടങ്ങി

ഞാൻ : ആ തല്ലല്ലേ, നിന്നെ വിശ്വസിപ്പിക്കാൻ ഇതേ വഴി ഒള്ളു

ആവണി : നിന്റെയൊക്കെ പ്ലാൻ. അവസാനം കളി കാര്യമായി അവളെ എങ്ങാനും വിളിച്ചോണ്ട് വന്നാൽ. രണ്ടിന്റേം മണ്ട അടിച്ചു പൊട്ടിക്കും ഞാൻ

ഞാൻ : അതെന്തായാലും ഉണ്ടാകില്ല പേടിക്കണ്ട.

ആവണി : എങ്കി നിനക്ക് നല്ലത്

കുറച്ചു നേരം മിണ്ടാതെ ഇരുന്ന ശേഷം

ആവണി : എടാ

ഞാൻ : എന്താ അടുത്തത്

ആവണി : നിനക്ക് അവളും ഞാനും ഒരു പോലെ