Chapter Title : വക്കച്ചന്റെ വികൃതികൾ 3 [നീലാണ്ടൻ]

വക്കച്ചനും ചാക്കോയും നീലാണ്ടനുമെത്തി.
"അവര് വന്നില്ലേ......" സരളയാണ് ചോദിച്ചത്.
"വീട്ടിലൊണ്ട് കൊച്ചുങ്ങളൊറങ്ങീട്ട് അവര് വന്നോളും....." നീലാണ്ടൻ പറഞ്ഞു.
"ടാ.....ആ കവറെല്ലാമിങ്ങെടുക്ക്....." വക്കച്ചൻ നീലാണ്ടനോട് പറഞ്ഞു.അൻപത്കിലോമീറ്റർ അകലെ ടൗണിലുള്ള ഒരു തുണിക്കടയിലെ അഞ്ചാറ് കവറുകൾ നീലാണ്ടൻ എടുത്തുകൊണ്ടുവന്നു.വക്കച്ചൻ അതുവാങ്ങി റൂമിലേക്ക് കൊണ്ടുപോയി.
"തിന്നാനെന്തേലുമൊണ്ടോടീ......"വക്കച്ചൻ സരളയെ നോക്കി.
"ആ...... കപ്പേം മീനുമൊണ്ട്....." അവൾ പറഞ്ഞു.
"നിങ്ങള് കഴിച്ചോ........" വക്കച്ചൻ വീണ്ടും ചോദിച്ചു.
"ഇല്ല.....നിങ്ങടെ കൂടെ കഴിക്കാമെന്നുവച്ചു......" സരള പറഞ്ഞു.
"ഈ.....പത്തുമണിവരെ.......?"വക്കച്ചൻ ദേഷ്യംകൊണ്ട് ചുവന്ന മുഖം തിരിച്ച് അവളെ നോക്കി.
"ഞാനെന്ത് ചെയ്യാനാ അച്ചായൻ്റെ റാണിയാ പറഞ്ഞത് അവള് പറഞ്ഞത് ചെയ്തില്ലെങ്കി അച്ചായനെന്നെ കൊല്ലൂലേ......." സരള പറഞ്ഞു.
കൊച്ചുത്രേസ്യയുടെ പേര് പറഞ്ഞതും അയാളുടെ മുഖം ശാന്തമായി.
"ഇച്ചായാ......" കൊച്ചുത്രേസ്യ റൂമിൽ നിന്നും വിളിച്ചു.അയാൾ റൂമിലേക്ക് കയറിച്ചെന്നു.
"ഇച്ചായാ....ഞാനൊരു കാര്യം പറയട്ടെ....." അവൾ അയാളുടെ കണ്ണുകളിലേക്ക് നോക്കി ചോദിച്ചു.
"നീ.....പറയെടീ....." അയാൾ അവളെ ചേർത്തുപിടിച്ചു.
"ഇച്ചായന് പാത്തുമ്മേടെ മോളെ വേണോ....." അവൾ ചോദിച്ചു.
"വേണോ....വേണ്ടേ..... നീ പറ......" അയാൾ ചോദിച്ചു.
"ഇച്ചായാ....അവളൊരു കല്ല്യാണം കഴിക്കുമ്പം അവളുടെ ജീവിതത്തിലെ കറുത്ത അദ്ധ്യായമായി എൻ്റിച്ചായൻ മാറണ്ട. കാശൊണ്ടെങ്കി അവളെ കെട്ടിക്കാനൊള്ള കാശ് കൊടുക്ക്. അവള് കൊച്ചുപെണ്ണല്ലേ......"അവൾ പറഞ്ഞു.
"ആ.....അങ്ങനെയെങ്കി അങ്ങനെ......" അയാൾ അവളുടെ ചുണ്ടിൽ ഒരുമ്മ കൊടുത്തു.വക്കച്ചന് കൊച്ചുത്രേസ്യ പറഞ്ഞാൽപ്പിന്നെ അപ്പുറമില്ല.
അയാൾ ഹാളിലേക്കിറങ്ങി.
"ടീ...സരളേ....പാത്തുമ്മയോട് ആ കാശ് കൊടുത്ത് മോളെ കെട്ടിച്ചുവിടാൻ പറ പോരാത്തത് ഞാനും കൊടുക്കാം.സ്ഥലത്തിൻ്റെ കാര്യം നമുക്ക് പിന്നീട് ആലോചിക്കാം....." വക്കച്ചൻ പറഞ്ഞു. സരളക്ക് മനസ്സിലായി കൊച്ചുത്രേസ്യ ഇത് പറയാനാണ് അയാളെ അകത്തേക്ക് വിളിച്ചതെന്ന്.അൽപ്പം കഴിഞ്ഞ് കൊച്ചുത്രേസ്യ അടുക്കളയിലേക്ക് ചെന്നു.
"മിടുക്കീ..... നീ...അച്ചായനെ പാവാടത്തുമ്പിൽ കെട്ടിയിട്ടല്ലേ......." സരള അവളുടെ ചന്തിയിൽ ഒരു നുള്ളുകൊടുത്തു.
"ഹോ..... എന്തൊരു നുള്ളാ നുള്ളുന്നത്....." അവൾ ചന്തി തടവിക്കൊണ്ട് പറഞ്ഞു.
സരളയും കൊച്ചുത്രേസ്യയും ചോറും കപ്പയും മീനും മേശയിൽ നിരത്തി.
"വാടാ.....നീലാണ്ടാ......" വക്കച്ചനും ചാക്കോയും നീലാണ്ടനും കഴിക്കാനിരുന്നു.
"നിങ്ങള് കഴിക്കുന്നില്ലേ....." സൈഡിൽ മാറിനിന്ന കൊച്ചുത്രേസ്യയോടും സരളയോടും വക്കച്ചൻ ചോദിച്ചു.
"ഞങ്ങള് പിന്നിരുന്നാപ്പോരേ......." കൊച്ചുത്രേസ്യ ചോദിച്ചു.വക്കച്ചൻ ദേഷ്യത്തിൽ അവളെ നോക്കി.
"അയ്യോ...ഞങ്ങളിരിക്കാം....ഇങ്ങനെ നോക്കിപ്പേടിപ്പിക്കല്ലേ......." അവൾ ചിരിച്ചുകൊണ്ട് വക്കച്ചനടുത്തിരുന്നു.അവളും സരളയും കഴിക്കാനിരുന്നു.അവർ