Chapter Title : വർഷയുടെ വസന്തങ്ങൾ 1 [ആദിദേവ്]

വിളി.

തിരിഞ്ഞ് നോക്കുമ്പോൾ മൃദുല.

“എന്താടി?”

“നീയെവിടെ പോകുവാ?”

“ഞാൻ ബാങ്കിൽ വരെ..വരുണേട്ടൻ പൈസ അയച്ചത് എടുക്കാൻ.”

“എടി.. എനിക്കൊരു രണ്ടായിരം രൂപ താടി. വൈകിട്ട് തിരിച്ചു വരുമ്പോൾ നിൻ്റെ കൈയിൽ തന്നെ തരാം.”

“മറക്കാതെ തരണേടി..”

“ഉറപ്പ്, വൈകിട്ട് തരും.”

മൂന്നു മണിയായപ്പോൾ മൃദുല തിരിച്ചു വന്നു, വർഷയെ വിളിച്ചു. സരസ്വതി ആണ് ഇറങ്ങി വന്നത്.

“എന്താടി മൃദുലെ?”

“വർഷ വന്നില്ലേ അമ്മേ?”

“ഇല്ല മോളേ, രാവിലെ പോയതാ. ഇതു വരെയും വന്നില്ല. ചിലപ്പോ വത്സലയുടെ അടുത്ത് കേറിക്കാണും.”

“അതെങ്ങനെ ശരിയാകും? അങ്കിളും ആന്റിയും അവിടില്ല, കുമളിക്കു പോയിരിക്കുവാ.”

“എന്നാൽ എനിക്കറിയില്ല മോളേ..നീയൊന്നു പോയി നോക്ക്.”

“ആ.. ഞാൻ പോയി നോക്കിട്ടു വരാം..”

മൃദുല വേഗം നടന്ന് വത്സലയുടെ വീട്ടിലേക്കു പോയി. ഗേറ്റ് പൂട്ടിയിട്ടിരിക്കുന്നു.

രണ്ടു പേരും ഇവിടില്ല. സരസ്വതി അമ്മയോട് അവർ പറഞ്ഞു കാണില്ല. ഇനി തിരിച്ചു പോകാം. അതും പറഞ്ഞു മൃദുല വീട്ടിലേക്ക് തിരിച്ചു നടന്നു.

വേഗം വീട്ടിലെത്താൻ വേണ്ടി അവൾ സണ്ണിച്ചൻ്റെ തേയില തോട്ടത്തിൽ കയറി. അത് വഴി കയറി പോയാൽ രണ്ടു വളവു കഴിഞ്ഞാൽ പിന്നെ സരസ്വതിയമ്മയുടെ വീടാണ്. വേഗത്തിൽ മൃദുലയോടി. കുറച്ചു ദൂരം ചെന്നപ്പോൾ ദൂരെ സണ്ണിച്ചൻ്റെ ഔട്ട്‌ ഹൌസ് കണ്ടു.

മൃദുല ഔട്ട്‌ ഹോസ്സിനു മുമ്പിലെത്തിയപ്പോൾ സണ്ണിച്ചൻ്റെ കാർ അയാളുടെ ഔട്ട്‌ ഹൌസിൽ നിർത്തിയിട്ടിരിക്കുന്നത് കണ്ടു. പക്ഷേ ഗേറ്റ് പൂട്ടിയിട്ടിരിക്കുന്നു. കാർ ഇവിടെ കൊണ്ട് വന്നിട്ടിട്ട് അയാൾ എവിടെ പോയി?

ഗേറ്റിനു മുകളിലുള്ള കൈയ്യാലയിൽ പിടിച്ച് മൃദുല അപ്പുറത്ത് ചാടി, വീടിനു മുറ്റത്തു കയറി. പക്ഷേ കാർ