Chapter Title : വരുണിന്റെ പ്രയാണങ്ങൾ 2 [Baadal]

ബാസ്റ്റിൻ അങ്കിൾ!!! ഒതുക്കു കല്ലിൽ നിന്നുകൊണ്ട് ഇറയത്തെ തൂണിൽ ഒരു കൈ കുത്തികൊണ്ട് ഊന്നിനിന്ന് കൊമ്പൻ മീശ പിരിച്ച് തന്നെ നോക്കുന്ന ബാസ്റ്റിൻ അങ്കിളിനെ കണ്ടു അവന്റെ മുഖം പെട്ടെന്ന് വല്ലാതായി. അവൻ എന്തോ പിടിക്കപ്പെട്ടത് പോലെ തോന്നി.
" മോനേ അച്ഛൻ ഇല്ലെടാ? "
വരുൺ ഒന്നു മിടിയിറക്കി... എന്നിട്ട് പറഞ്ഞു; "ഇല്ല ".
" എന്നോട് വരാൻ പറഞ്ഞിരുന്നു".
അയാൾ ഫോണിൽ ഏതോ നമ്പർ തിരഞ്ഞെടുത്തു വിളിക്കുന്ന അതിനായി ചെവിയോടു ചേർത്തു.
" ശ്ശെ.. ലൈൻ പോകുന്നും ഇല്ലല്ലോ... "
" അച്ഛൻ കുറച്ചു നേരത്തിനുള്ളിൽ വരും എന്നാ എന്നോട് നേരത്തെ വിളിച്ചപ്പോൾ പറഞ്ഞത്... " അതും പറഞ്ഞു കൊണ്ട് അയാൾക്ക് ഇറയത്തേക്ക് കയറി. അയാളുടെ പുറപ്പാട് അകത്തേക്ക് വരാനാണ് എന്ന് കണ്ടപ്പോൾ വരുൺ കുറച്ചു പുറകോട്ട് മാറി. എല്ലാ ആഭിജാത്യത്തോയും അകത്തേക്ക് കടന്നു വന്ന അയാൾ മുറിയാകെ ഒന്നു നോക്കിയതിനുശേഷം സ്വീകരണമുറിയിലെ സോഫയിൽ അമർന്നു.
വരുൺ: " അങ്കിളിന് കുടിക്കാൻ...? "
ബാസ്റ്റിൻ: " ഒന്നും വേണ്ട... "
തുടർന്നും അവിടെത്തന്നെ ശങ്കിച്ചു ശങ്കിച്ചു നിൽക്കുന്ന വരുണിനോട് ആയി അയാൾ പറഞ്ഞു:" നീയും കൂടി ഇരിക്ക്... "
വരുണും ഓപ്പോസിറ്റ് സോഫയിൽ ഇരുന്നു.
"അ... എങ്ങനെയുണ്ടായിരുന്നു നിന്റെ പരീക്ഷ ഒക്കെ?" അയാൾ കുശലാന്വേഷണത്തിന് തുടക്കമിട്ടു.
" കുഴപ്പമില്ലായിരുന്നു അങ്കിളേ..."
" കുഴപ്പമില്ലായിരുന്നു എന്നോ? അപ്പോൾ അത്ര നന്നായില്ല എന്നല്ലേ..? "
" അതല്ല... നന്നായിട്ട് തന്നെ എഴുതി അങ്കിളേ... "
അവരുടെ സംസാരം അങ്ങനെ വേറെ പല കാര്യങ്ങളും ഒക്കെയായി പുരോഗമിച്ചു. വരുൺ ഒന്ന് റിലാക്സ്ഡ് ആയി... " ഭാഗ്യം... അങ്കിളിന് തന്നെ ഒരു സംശയവുമില്ല"... വരുൺ വിചാരിച്ചു...
അപ്പോളാണ് അയാളൊരു സംസാരം എടുത്തിട്ടത്..." ഒരു മോഷണം നടന്നെടാ... "
വരുൺ: " എവിടെ അങ്കിളിന്റെ വീട്ടിലോ? "
ബാസ്റ്റിൻ:" വീട്ടിലല്ല... എന്റെ ഒരു എസ്റ്റേറ്റിൽ... സ്റ്റേഷനിൽ പോകുമ്പോൾ അച്ഛനെയും കൂട്ടി കൊണ്ട് പോകാമെന്നു വച്ചാ... അച്ഛനെയും കൂട്ടി പോയാൽ അവർക്ക് കേസ് എടുക്കാൻ ഒരു താൽപര്യം കാണും... "
വരുണിന് ഉഗ്വേദമായി; ഇനി