Chapter Title : വസുന്ധരയുടെ മന്ത്രവാദം [സുനിൽ]

യക്ഷിക്കളത്തിലേയ്ക്ക് പതിക്കുന്നു....

കമ്മലോ മാലയോ വളയോ മറ്റ് ആട ആഭരണങ്ങളോ യാതൊന്നുമില്ല! ആ ചെമ്പട്ട് ഒഴികെ മറ്റ് വസ്ത്രങ്ങളും!!

അൽപ്പം നീണ്ട ആ മുഖത്ത് രക്തം തൊട്ടെടുക്കാവുന്ന തടിച്ച ചുണ്ടുകൾ!

നീണ്ട ഭംഗിയാർന്ന നാസിക.. കൊത്തി വലിക്കുന്നത് പോലുള്ള നോട്ടമുള്ള തീഷ്ണമായ കരിമഷി ഇളകിയ കാമോദ്ധീപകമായ വലിയ കണ്ണുകൾ....!

ആ മുഖത്ത് അലങ്കാരമായി ആകെ ഉള്ളത് മൂക്കിൽ നിന്നും മേൽപ്പോട്ട് ഗുരുതി കൊണ്ട് തള്ള വിരലാൽ തൊട്ട ഒരു ഗോപിക്കുറി മാത്രമാണ്!

നാലേക്കർ കാടുപിടിച്ച് കിടക്കുന്ന വലിയ വളപ്പിലെ അറയും നിരയും ഒക്കെ ഉള്ള പഴയ ഒരു നാലുകെട്ടാണ് ആഭിചാര കർമ്മി ആയ ഭൈരവസ്വാമിയുടെ ആശ്രമം. ഒരു യധാർത്ഥ ഭാർഗ്ഗവീ നിലയം!

തൊടിയിലെ സർപ്പക്കാവിനോട് ചേർന്ന കാളീക്ഷേത്രത്തിലെ പൂജാമണിയാണ് മുഴങ്ങിയത്!

ഭൈരവന്റെ പരികർമ്മി വേലായുധസ്വാമി ആണ് കാളീക്ഷേത്രത്തിലെ നിത്യപൂജകൾ!

ഭൂമിയ്ക്ക് അടിയിലെ അറയുടെ നടുവിൽ രണ്ടടി സമചതുരത്തിൽ ചുടുകട്ടകൊണ്ട് തിരിച്ച ഹോമകുണ്ധത്തിൽ നിന്ന് വമിക്കുന്ന കറുത്ത പുക രൂക്ഷഗന്ധം നിറഞ്ഞ മുറിയിൽ തങ്ങി നിൽക്കുന്നുണ്ട്!

ഹോമകുണ്ധത്തിന് അപ്പുറം മൃഗക്കൊഴുപ്പിൽ പൊട്ടി പൊട്ടി കത്തി നിൽക്കുന്ന അഞ്ച് തിരികൾ വീതം ഇട്ട മൂന്ന് നിലവിളക്കുകളും!

പത്മാസനത്തിൽ ഇരിക്കുന്ന ഭൈരവന് തൊട്ട് മുന്നിൽ ജ്വലിക്കുന്ന ഹോമകുണ്ധവും അതിന് പിന്നിൽ അഞ്ച് തിരികൾ കത്തുന്ന മൂന്ന് നിലവിളക്കുകളും!

വിളക്കുകൾക്ക് പിന്നിൽ നാരങ്ങാ മാലയും ചെമ്പരത്തി മാലയും ചാർത്തിയ ഒരു വലിയ കരി പിടിച്ച കൽവിളക്ക് പോലെ കറുത്ത ശൂലം കുത്തി നിർത്തിയിരിക്കുന്നു...

ഭൈരവന്റെ ഇടത് ഭാഗത്ത് ഹോമകുണ്ടത്തിന് വെളിയിൽ വലിയ ഓട്ടുകിണ്ടി കലശം കെട്ടിയ കാലുള്ള കിണ്ടിയ്ക്ക് മുകളിൽ ആലിലയുടെയും മാവിലയുടെയും മദ്ധ്യേ ചന്ദനവും കുങ്കുമവും തൊട്ട നാളികേരം തൂശനിലകൾ പൂജാപുഷ്പങ്ങൾ! മൂട് ചെത്തിയ രണ്ട് കരിക്കുകളും ഒരുകുപ്പി വാറ്റ് ചാരായവും!

ഭൈരവന് തൊട്ട് മുന്നിൽ കൈമണി, കർപ്പൂരത്തട്ട്, പിത്തള പാത്രത്തിൽ തെള്ളിപ്പൊടി, കൈവിളക്ക്!

ഇടത് വശത്ത് കാലുകൾ ബന്ധിച്ച ഒരു പൂവൻ കരിംകോഴി! വലത് വശത്ത് കൈ അകലത്തിൽ ഒരു മടവാൾ!

ഇടമുറിയാതെ ഭൈരവന്റെ ചുണ്ടിൽ നിന്നും ഉതിരുന്ന ഘോരമന്ത്ര പ്രവാഹത്തിലോ ഇടയ്ക്കിടെ മുഴങ്ങുന്ന കൈമണി നാദത്തിലോ ഇടയ്ക്കിടയ്ക്ക് ഹോമകുണ്ടത്തിലേയ്ക്ക് വീണ്