Chapter Title : വഴി തെറ്റിയ കാമുകൻ 12 [ചെകുത്താൻ]

നിങ്ങളെ കൈയിൽ ഉണ്ടെന്നും അത് പുറത്ത് വന്നാൽ അവരുടെയെല്ലാം റിപ്യൂട്ടേഷനും മക്കളുടെ ഭാവിയും പോവും ഈ പ്രശ്നം ഇങ്ങനെ വിടുന്നതാവും നിങ്ങൾക്ക് നല്ലത് അവൻ അതിന്റെ കോപ്പി വേണ്ട സ്ഥലങ്ങളിൽ ഭദ്രമായി വെച്ചിട്ടുണ്ടെന്നും അവനോ വേണ്ടപ്പെട്ടവർക്കോ എന്തെങ്കിലും സംഭവിച്ചാൽ അത് മീഡിയക്കുകൊടുക്കുകയും സോഷ്യൽ മീഡിയ വഴി പ്രചരിപ്പിക്കുകയും ചെയ്യും എന്നുമാണ് അവൻ എന്നോട് പറഞ്ഞത് ഇപ്പൊ പെൺപിള്ളേരെ ഭാഗത്തുനിന്നും ഞങ്ങൾക്ക് കംപ്ലൈന്റ് കിട്ടാത്തത് കൊണ്ട് അതിന്റെ മേൽ ആക്ഷൻ ഒന്നുമുണ്ടാവില്ല അവനെ പ്രകോപിപ്പിക്കാതിരിക്കുന്നതായിരിക്കും നിങ്ങൾക്ക് നല്ലത് എന്ന് അവരെ ധരിപ്പിച്ചു അവര് കംപ്ലൈന്റ്റ് തിരികെ വാങ്ങി പോയിട്ടുണ്ട് എങ്കിലും സൂക്ഷിക്കണം

മ്മ്... നീ ഈ പറഞ്ഞ എം എൽ എ ഏതാ അതാ എനിക്ക് മനസിലാവാത്തെ...

അവൾ ഭരണകക്ഷിയിൽ പെട്ടത് തന്നെയാ പേര് ശ്രീ കല... സ്വന്തം മോൻ പെൺപിള്ളേരെ പീഡിപ്പിച്ചത് പറഞ്ഞിട്ടും ഒരു കുളിക്കവുമില്ല തള്ളക്ക് "അവനെന്തു ചെയ്താലും അവനെ തല്ലാൻ ഇവനാരാ... " എന്നാ തള്ളയുടെ ചോദ്യം അത് കേട്ടപ്പോ പിടിച്ചൊന്ന് പൊട്ടിക്കാനാ തോന്നിയെ... ഇവിടുന്ന് ട്രാൻസ്ഫർ വാങ്ങി പോവാൻ ഇഷ്ടമില്ലാത്തത് കൊണ്ടാണ് ആ തള്ളയെ ഞാൻ തല്ലാഞ്ഞത്...

മ്മ്...

ആലോചിച്ചുകൊണ്ടിരിക്കുന്ന എന്നെ നോക്കി

ഏട്ടനെന്താ ആലോചിക്കുന്നെ...

അവൾക്കൊരു പണി കൊടുക്കുന്നതിനെ പറ്റി ആലോചിച്ചതാ... സാരോല്ല അതിന് നമുക്ക് വഴിയുണ്ടാക്കാം...

തല്ലാനോ...

മ്മ്... കൈകൊണ്ടല്ല...

പിന്നെ...

നിക്ക്...

ഫോൺ എടുത്ത് ആദിയെ വിളിച്ചു

ആദീ...

പറയെടാ...

ഭരണ കക്ഷിയുടെ പാർട്ടി സെക്രട്ടറിയെ വിളിച്ച് നമ്മുടെ മണ്ഡലത്തിലെ എം എൽ എ സീറ്റ് നമുക്ക് തരുന്നോ എന്ന് ചോദിക്ക്...

അതവർ സമ്മതിക്കുമോ... അല്ലെങ്കിൽ നമ്മൾ നിർബന്തിക്കേണ്ടി വരും അല്ലാതെ... അവർ കാനിടെറ്റിനെ ഒക്കെ തീരുമാനിച്ചതല്ലേ ഈ സമയത്ത്...

നിർബന്തിക്കണ്ട... തരില്ലെന്നറിയാം... നമ്മൾ ചോദിച്ചില്ലെന്ന് വേണ്ട... നീ ജസ്റ്റ് വിളിച്ച് ചോദിക്ക്... അവർ സമ്മദിച്ചില്ലെങ്കിൽ പ്രതിപക്ഷത്തോടും ചോദിക്ക്... ഇല്ലെങ്കിൽ നമുക്ക് സ്വാതന്ത്ര സ്ഥാനാർഥിയെ നിർത്താം...

എടാ... അത്... രണ്ട് പാർട്ടിക്കാരും സീറ്റ് തരില്ല... പിന്നെ രണ്ട് ശക്തമായ മുന്നണികളോട് നമ്മൾ സ്വാതന്ത്ര സ്ഥാനാർഥിയെ മത്സരിപ്പിക്കുക എന്ന് പറഞ്ഞാൽ...

എന്തേ തോൽക്കുമെന്ന് പേടിയുണ്ടോ...

അത്...

എടാ നമ്മുടെ മണ്ഡലത്തിൽ എത്ര വോട്ടർമാരുണ്ട്...

ഒരുലക്ഷത്തി അറുപത്തി ഏഴാംയിരത്തി നാൽപത്തി അഞ്ച്...

ഭരണ കക്ഷിക്കല്ലേ കൂടുതൽ വോട്ടുള്ളത്...

അതേ...

മണ്ഡലത്തിൽ ഇത്രയും കാലം ഒരു പാർട്ടിയുടെയും കുപ്പായമിടാതെ നീ സഹായിച്ച വോട്ടർമാരുടെ എണ്ണം എൺപത്തി രണ്ടായിരം എങ്കിലും ഉണ്ടാവില്ലേ...

അതതിലും മേലേ കാണും...

അത് തന്നെ