Chapter Title : വഴി തെറ്റിയ കാമുകൻ 14 [ചെകുത്താൻ]

ഡൽഹിക്ക് വണ്ടിയെടുക്കാൻ പോയിരിക്കുകയാ...

ഓരോരുത്തരെയും പരിചയപെടുത്തി എല്ലാരോടും ചിരിക്കുമ്പോഴും അഫിയുടെ മുഖത്ത് തെളിച്ചമില്ല

ഇതാണ് ഞാൻ പറഞ്ഞ ചെക്കൻ...

എല്ലാരും ആദിയെ നോക്കി

അവൾ മുകളിലുണ്ട്... പൊയ്ക്കണ്ടോളു...

ആദി എഴുനേറ്റ് മുകളിലേക്ക് നടന്നു ഞാനും വീട്ടുകാരും അങ്ങേരോടും വീട്ടുകാരോടും സംസാരിക്കുമ്പോഴും അഫിയും ചെക്കന്മാരും നിസ്സഹായരായി ഇരിപ്പുണ്ട്

സ്റ്റെപ്പിലൂടെ ഓടുന്ന ശബ്ദം കേട്ട് എല്ലാരും സ്റ്റെപ്പിലേക്ക് നോക്കെ ആദി ഓടി വന്നേനെ ഇറുക്കെ കെട്ടിപിടിച്ചു

ഡാ...

ഇറുക്കെ പിടിച്ചതല്ലാതെ മിണ്ടാതെ നിൽക്കുന്ന അവനെ തട്ടി

ഡാ... നിനക്ക് പെണ്ണ് കാണണ്ടേ...

വേണ്ട...

നിനക്കിഷ്ടമായില്ലേ... എങ്കി വേണ്ടെന്നു പറഞ്ഞേക്കട്ടെ...

പെണ്ണിന്റെ ഉപ്പ : എന്താ ചെക്കനും പെണ്ണിനും ഇഷ്ടമായില്ലേ... എങ്കി ഇത് വേണ്ട അല്ലേ... എന്താ മോളേ...(സ്റ്റെപ്പിനടുത്തു കണ്ണീരൊലിപിച്ചു നിനൽക്കുന്ന ഫാരിയെ നോക്കി)

ഒറ്റകുതിപ്പിനവൾ അങ്ങേരുടെ നെഞ്ചിലെത്തി കെട്ടിപിടിച്ചു പൊട്ടികരയെ അവളെ ചേർത്തുപിടിച്ച് മുതുകിൽ തലോടി കൊണ്ട് നിൽക്കുമ്പോഴും ആദി എന്നെ ഉടുമ്പ് പിടിക്കും പോലെ പിടിച്ചു നിൽപ്പുണ്ട്

കാര്യമറിയാതെ എല്ലാരും നോക്കി നിൽക്കെ ഏന്റെ കൈയിലെ തൊലി പറിയും പോലെ അഫിയുടെ നഖം കയ്യിലമർന്നു

ചെക്കന്മാരെല്ലാരും സന്തോഷത്തോടെ രണ്ടാളെയും നോക്കി നിൽപ്പുണ്ട്

ഡാ... വിടെടാ...

അവന്റെ പിടി മുറുകി

അഫി ഇടയ്ക്കിടെ കൈയിലെ തൊലി പരിക്കുമ്പോലെ നുള്ളിയെടുക്കുന്നുണ്ട് വിടെടാ ഇവളെന്റെ തൊലിയിപ്പോ പൊളിച്ചടുക്കും

അവനെ മാറ്റി അഫിയുടെ കൈയിൽ പിടിച്ചു വെക്കുമ്പോഴും അവളുടെ കണ്ണിൽ കണ്ണീർ നിറഞ്ഞു നിൽപ്പുണ്ട്

നുള്ളല്ലെടീ... നിനക്കിഷ്ടമായില്ലേൽ നമുക്ക് വേറെ പെണ്ണ് നോക്കാം...

അവളെനെ കൂർപ്പിച്ചു നോക്കി

എന്താ ഫാരീ നിനക്ക് ചെക്കനെയും ഇഷ്ടമായില്ലേ... ഇങ്ങനെ കരയണ്ട നമുക്ക് വേറെ ചെക്കനെ നോക്കാം...

അവൾ മുഖമുയർത്തി എന്നെയും അവളുടെ ഉപ്പാനെയും നോക്കി

ഫാരി : എന്നാലും... ഇങ്ങനെ..

അവളുടെ ഉപ്പ : ആഹാ... ഇഷ്ടം തോന്നിയാൽ വീട്ടുകാരോട് പറയണം... അല്ലാതെ തമ്മിൽ പോലും പറയാതെ മനസിൽ വെച്ചുനടന്നു രണ്ടാളും എല്ലാരേം പൊട്ടന്മാരാക്കാൻ നോക്കിയില്ലേ അപ്പൊ നിങ്ങൾക്കിതു വേണം...

ഇത്ത : (ആദിയുടെ തോളിൽ തല്ലി) നിനക്കിവളെ ഇഷ്ടമായിട്ടാണോ ഇവൻ പറഞ്ഞപ്പോ ഒരെതിരും പറയാതെ കാണുക പോലും ചെയ്യാത്ത പെണ്ണിനെ കെട്ടാൻ സമ്മതിച്ചേ...

അതവിടെ നിൽക്കട്ടെ... ഇവർ