Chapter Title : വഴി തെറ്റിയ കാമുകൻ 15 [ചെകുത്താൻ]

തുറന്നകത്തേക്ക് കയറിയ എന്നെ നോക്കുന്ന അവർക്കരികിൽ ചെന്ന് ക്ലോസറ്റിൽ നിന്നും അവരെ കൈകളിൽ എടുത്തു

പല്ല് തേക്കണ്ടേ...

മ്മ്... ബ്രെഷ് താഴെയാ...

അവരെയുമെടുത്തു പുറത്തേക്കിറങ്ങി

പാത്തൂസേ...

അവരെന്റെ മുഖത്തേക്ക് നോക്കി

അവളൊരു പാവമാ... ദേഷ്യത്തിൽ എന്തൊക്കെയോ കാണിക്കുന്നതാ... അത്രക്ക് അനുഭവിച്ചെന്റെ പെണ്ണ്... ഒരു തെറ്റും ചെയ്യാത്ത നിന്നെ ശിക്ഷിക്കുന്നത് ന്യായമല്ലെന്നറിയാം... ഏത് ശിക്ഷ വേണേലും എനിക്ക് തന്നോ... അവളെ ശപിച്ചേക്കല്ലേ...

അവർ ചിരിയോടെ എന്നെ നോക്കി

എനിക്കൊരു ദേഷ്യവുമില്ല അവളോടും നിന്നോടും...

സത്യം...

മറുപടിയായി കവിൾ ചേർത്തുവെച്ച നെഞ്ചിൽ അമർത്തിയൊരു മുത്തമായിരുന്നു മറുപടി അവരെ എടുത്തുകൊണ്ടു താഴെക്ക് നടക്കെ അവരെന്റെ മുഖത്ത് തന്നെ നോക്കി കിടപ്പുണ്ട് സ്റ്റെപ്പിറങ്ങി ചെല്ലേ മുകളിലേക്ക് വരാൻ നിൽക്കുന്ന അഫിയെ കണ്ടു ചിരിയോടെ അവളെനെ നോക്കി

കണ്ടില്ലേ ചെക്കാ... നീ കയറിയിറങ്ങിയാൽ ഇതാ അവസ്ഥ... ഇത്രയില്ലേലും എന്നെ എടുത്തോണ്ട് നടക്കേണ്ടി വന്നില്ലല്ലോ...

പോടീ... കുരിപ്പേ...

അവൽക്കരികിലെത്തിയതും അവൾ അവരുടെ തലയിൽ തലോടി

നല്ല പോലെ വേദനയുണ്ടോ...

അവർ അവളെ നോക്കെ അവളവരുടെ നെറ്റിയിൽ ചുണ്ട് ചേർത്തു

സാരോല്ല പല്ല് തേച്ചു വാ... ചായകുടിച്ചിട്ട് ഞാൻ മെഡിസിൻ തരാം... (എന്നെ നോക്കി) മര്യാദക്ക് എടുതൊണ്ട് നടന്നോ നിലത്തെങ്ങാനും വെച്ചാ കടിച്ചു ഞാനെടുക്കും

അവരെ കൊണ്ടുപോയി പല്ല് തേപ്പിച്ചു തിരികെ കൊണ്ടുവന്ന് ഡൈനിങ് ചെയറിലിരുത്തി തേങ്ങാ ചട്ണിയിൽ കുതിർത്ത ദോശ അഫിക്ക് വായിലേക്ക് വെച്ചുകൊടുത്ത് അടുത്ത കഷ്ണം എടുക്കെ എന്നെനോക്കുന്ന അവരെ കണ്ട് അവർക്ക് നേരെ ദോശ നീട്ടിയതും അവരുടെ കണ്ണിൽ നിന്നും കണ്ണീര് ഒഴുകിയിറങ്ങി

കഴിക്ക്...

അവർ തുറന്ന വായിലേക്ക് ദോശവെച്ചുകൊടുത്ത ശേഷം ഞാനും കഴിക്കാൻ തുടങ്ങിയപ്പോഴും അവരെന്തോ ഓർത്തിരിക്കുന്നത് കണ്ട് അഫി എന്നെ നോക്കിയതും ഞാൻ കണ്ണടച്ചു കാണിച്ചു ഞങ്ങൾ കഴിച്ചു കഴിഞ്ഞപ്പോഴും പ്ളേറ്റിൽ കയ്യും കുത്തി ഏതോ ലോകത്ത് എന്തോ ആലോചിച്ചിരിക്കുന്ന അവരെ കണ്ട് അവരുടെ പ്ളേറ്റെടുത്തതിൽ നിന്നും അവർക്ക് വാരികൊടുക്കുമ്പോഴും ഇടയ്ക്കിടെ അവരുടെ കണ്ണിൽ നിന്നുംനീർതുള്ളികൾ ഉറ്റിവീണുകൊണ്ടിരുന്നെങ്കിലും പറയേണ്ടതാണെങ്കിൽ അവർ പറയട്ടെ എന്നോർത്തു ഞാൻ കാരണം ചോദിക്കാൻ പോയില്ല

കയ്യും വായും കഴുകിച്ചവരെ സോഫയിലിരുത്തി ടീവി ഓൺ ചെയ്തു റിമോട്ട് കൈയിൽ