Chapter Title : വഴി തെറ്റിയ കാമുകൻ 16 [ചെകുത്താൻ]

ഷൂട്ട്‌ ചെയ്തു പന്ത് ലക്ഷ്യം കണ്ടതും ആർപ്പു വിളിയോടെ ജേഴ്സിയാൽ മുഖം മറച്ചു കൈകൾ വിടർത്തി ഓടി വരുന്ന മുബാറക്കിനെ എടുത്തുയർത്തി സന്തോഷം പങ്കുവെച്ച ശേഷം ഇനി നമുക്കൊരു ഗോൾ വേണമെന്നില്ല ഇനി വേണ്ടത് ഡിഫൻസ്‌ ആണ് ഇനി അവരൊരു ഗോൾ തന്നാൽ തിരികെ കൊടുക്കാൻ സമയമില്ല എന്ന ടീം ക്യാപ്റ്റൻ അമീനിന്റെ തീരുമാനത്തെ ശിരസാ വഹിച്ചു ഡിഫൻസ്‌ ശക്തമാക്കി ഓരോരുത്തരെയും മാർക്ക്‌ ചെയ്തു കളി തീരാൻ അല്പസമയം മാത്രം ബാക്കിനിൽക്കേ ഡിഫൻസിൽ ശ്രെദ്ധ ചെലുത്തിയ ഞങ്ങൾക്ക് നേരെ അറ്റാക്കിൽ ശ്രെദ്ധ ചെലുത്തിയ അവരുടെ വലയിലേക്ക് ഞങ്ങളുടെ വിജയമുറപ്പിച്ചുകൊണ്ട് ഹമദ് ഞങ്ങൾക്കായി മൂന്നാമത്തെ ഗോൾ അടിച്ചുകയറ്റി ഇനി അവർ ജയിക്കില്ല എന്ന ബോധ്യമുണ്ടെങ്കിലും മൂന്നേ ഒന്നെന്ന ലീഡ് നിലനിർത്താൻ വേണ്ടി ഞങ്ങൾ ശ്രെമിച്ചുകൊണ്ടിരുന്നു കളി കഴിഞ്ഞു റിയാൽ കൈയിൽ വാങ്ങി

ആമീൻ : ഫുഡ്‌ കഴിക്കാൻ പോയാലോ...

എല്ലാരും സമ്മതം പറഞ്ഞു നാല് ടീമും (ഞങ്ങൾക്ക് മുൻപ് കളി കഴിഞ്ഞിരിക്കുന്നവരെ കൂടെ വിളിച്ചു) അവിടെനിന്നും തിരിച്ചു

അബ്‌ദുല്ല : ഉസ്മാൻ ശെരിക്കും ഞെട്ടുമല്ലേ...

അവന് ഓർമ തന്നെ ഇല്ല...

അർധരാത്രിയായതിനാൽ ഇടവിട്ട് ചില വണ്ടികൾ മാത്രം ശ്രെദ്ധയോടെ പോവുന്ന റോഡിലൂടെ വാഹനങ്ങൾ റോഡ് സ്പീഡിനനുസൃഥമായി നീങ്ങിയത് കൂടെയുള്ള പല വാഹനങ്ങൾക്കും കൂടെ ഓടി എത്താൻ കഴിയില്ലെന്നും ക്യാമറ അടിച്ചാൽ അവർ ഫൈൻ അടക്കേണ്ടിവരും എന്നതിനാൽ അവർ ക്യാമറ അടിപ്പിക്കില്ല എന്നതും അറിയുന്നതിനാൽ മാത്രമാണ് അത്യാവശ്യം വലിയ ഇരുൾ നിറഞ്ഞ ഫാം ഹൌസ് ഗേറ്റിന് മുന്നിൽ വണ്ടികൾ ചെന്നുനിന്നതും ഒരാൾ വന്നു ഗേറ്റ് തുറന്നു വണ്ടികൾ വരിവരിയായി അകത്തേക്ക് കയറി വണ്ടികളിൽ നിന്നും എല്ലാവരും ഇറങ്ങി

ഉസ്മാൻ : എന്താ ബിലാൽ ഇവിടെ ലൈറ്റൊന്നുമില്ലേ

ബിലാൽ ജോലിക്കാരനെ നോക്കി ഇതെന്താ ലൈറ്റിടാത്തത് എന്ന് ചോദിച്ചതും അയാൾ ലൈറ്റിടാനായി പോയി ഓരോരുത്തരും വണ്ടിയിൽ നിന്നും സ്‌നോസ്പ്രേയും പേപ്പർ ബ്ലാസ്റ്റും ഒക്കെ കൈയിലാക്കി ലൈറ്റ് ഓൺ ആയതും ചുറ്റിലും ബലൂണുകളും പേപ്പറുകളും കൊണ്ടലങ്കരിച്ചത് കണ്ട് എന്തെന്നറിയാതെ നിൽക്കുന്ന ഉസ്മാനെ ഞെട്ടിച്ചുകൊണ്ട് ശബ്ദത്തോടെ കളർ പേപ്പറുകൾ ഉസ്മാനു മേൽ വീണു "ഹാപ്പി ബർത്ത്ഡേ ഉസ്മാൻ"