Chapter Title : വഴി തെറ്റിയ കാമുകൻ 16 [ചെകുത്താൻ]

യാത്രയാണ്... ഒരു ബിസിനസ് ട്രിപ്പ്‌... ജിസിസിയിലെ കാര്യങ്ങൾ ഏറ്റെടുക്കാൻ ഇനിയും വൈകിയാൽ ശെരിയാവില്ല... നടക്കുന്ന ചതി അത്ര വലുതാണ്... എല്ലായിടങ്ങളിലും നേരിട്ടുചെന്ന് മൊത്തം ഫയലുകൾ കലക്റ്റ് ചെയ്യണം... ഇന്ന് പോയാലെ ഉൽഘടനത്തിനു മുൻപെനിക്ക് തിരികെ ഏത്താൻ പറ്റൂ...

മ്മ്...

മൗനിയായ അവളുടെ കവിളിൽ തലോടി

എന്റെ സആദാ... നിനെവിട്ട് പോവാൻ ദുഃഖമില്ലാഞ്ഞിട്ടല്ല... കളവു നടക്കുന്നു എന്നറിഞ്ഞ ശേഷവും ഒന്നും ചെയ്യാതിരുന്നാലെങ്ങനെയാ... ആരും തിരിഞ്ഞുനോക്കാനില്ലാത്തതിനാലാണ് ഈ കളവു മുഴുവനും നടന്നത് ഇനിയുമിതങ്ങനെ വിട്ടാൽ പറ്റില്ല... എങ്ങനെ കട്ടാലും നമുക്ക് ആവശ്യത്തിലധികമുള്ളത് കിട്ടുന്നുണ്ട് പക്ഷേ കക്കുന്നതിൽ ഒരു പങ്ക് അത് ആരോരുമില്ലാത്തവർക്ക് കിട്ടേണ്ടതല്ലേ... അത് കട്ട് പോവുന്നു എന്നറിഞ്ഞിട്ടും അത് തടയേണ്ട ഞാൻ അതിന് കഴിയുമായിരുന്നിട്ടും എന്റെ സ്വാർത്ഥതക്ക് വേണ്ടി തടയാതിരിക്കുന്നത് ഞാനും ആ കളവിൽ പങ്കുചേരലല്ലേ...

മ്മ്...

നിനക്ക് സങ്കടമുണ്ടെന്നറിയാം എന്നും നിന്റെ മുന്നിൽ വരുമെന്ന് വാക്കുപറഞ്ഞതും മറന്നിട്ടില്ല നീ കൂടെ വന്നാൽ എന്റെ ശ്രെദ്ധ പാതിയും നിനിലായിപ്പോകും അതുകൊണ്ടാ നീ കൂടെ വരേണ്ടെന്നു പറഞ്ഞത്...

അവളെന്റെ നെറ്റിയിൽ ചുണ്ട് ചേർത്തു ചിരിയോടെ കണ്ണിലേക്കു നോക്കി

വാക്ക് പറഞ്ഞത് എന്നോടല്ലേ... അത് സാരമില്ല... പോയിട്ട് വാ... സമയം കിട്ടുമ്പോ വിളിക്കണം...

മ്മ്...

എപ്പോയാ പോവുന്നെ...

കുറച്ച് സമയംകൊണ്ട് ഇറങ്ങണമെന്ന് കരുതുകയാ...

മ്മ്... എങ്ങനെയാ പോവുന്നെ... ഒറ്റക്കാണോ...

മ്മ്... ഒറ്റക്ക്... ഫ്ലൈറ്റ് എടുക്കുകായാ... ഡ്രൈവ് ചെയ്തുപോയാൽ ഓരോ സ്ഥലത്തും ഒരുപാട് ടൈം വേസ്റ്റ് ആവും...

അതാ നല്ലത്... ഒറ്റക്ക് ഡ്രൈവ് ചെയ്തു പോയാൽ എനിക്കൊരു സമാധാനമുണ്ടാവില്ല...

മ്മ്... ടെൻഷനാവണ്ട ഞാൻ പെട്ടന്ന് വരാൻ നോക്കാം...

റെസ്റ്റൊക്കെ എടുത്ത് ജോലി ചെയ്താൽ മതി അല്ലാതെ പെട്ടന്ന് തിരികെ വരാൻ കരുതി രാത്രിയും പകലും നോക്കാതെ ജോലിചെയ്തു ക്ഷീണിക്കണ്ട...

മ്മ്... ഫയൽസ് ചെക്ക് ചെയ്യാനും ഹെല്പ്പിനും ഓരോ സ്ഥലത്തും ക്വാളിഫൈഡ് ആയ വലിയൊരു ടീമിനെ അപ്പോയിന്റ് ചെയ്തിട്ടുണ്ട്... അല്ലാതെ ഞാനൊറ്റക്ക് ചെയ്താൽ അതൊന്നും ഈ കൊല്ലം തീരില്ല... വലിയൊരു അഴിച്ചുപണിതന്നെ വേണ്ടിവരുമെന്നാണ് എനിക്ക് തോന്നുന്നത്...

മ്മ്... പാക്ക് ചെയ്തോ...

കാര്യമായ പാക്കിങ് ഒന്നുമില്ല ജസ്റ്റ്‌ ഒരു അഞ്ച് ജോഡി ഡ്രെസ്സ് മാത്രം ബാഗേജ് കൂടിയാൽ