Chapter Title : വേറൊരു ഒരുമ്പെട്ടവൾ!!!!!!.... [സിമോണ]

പറഞ്ഞപ്പോൾ എന്നാപ്പിന്നെ ഞാൻ കല്യാണമേ കഴിക്കുന്നില്ലെന്നു പറഞ്ഞ് നാൽപ്പതാം വയസ്സിലും ഒറ്റത്തടിയായി ജീവിക്കുന്ന വ്യക്തിയാണ് പുള്ളി... അല്പസ്വല്പം രാഷ്ട്രീയവും സാഹിത്യവുമൊക്കെ കയ്യിലുള്ളതിനാൽ പുള്ളിക്കാരന്റെ ലൈഫ് സ്റ്റൈലിനും അതുതന്നെയാവും നല്ലതെന്ന് എനിക്കും തോന്നാറുണ്ട്...

പലപ്പോഴും വീട്ടിൽ നിന്ന് ഒരു പോക്കുപോയാൽ ആഴ്ചകളോളം ഒരു വിവരവും ഉണ്ടാവില്ല മൂപ്പരെക്കുറിച്ച്... വിവാഹം കഴിഞ്ഞു വന്ന കാലത്ത് മൂപ്പരെ കാണാതാവുമ്പോ അമ്മയും രമേഷേട്ടനുമൊക്കെ ആധിയെടുത്തു നടക്കുന്നത് കണ്ടിട്ടുണ്ടെങ്കിലും ഇപ്പൊപ്പിന്നെ അതൊക്കെ ശീലമായിപ്പോയിരിക്കുന്നു എല്ലാര്ക്കും...

"ഏട്ടനെപ്പോഴാ വന്നിട്ട് കുറെ നേരായോ? ഇതിപ്പോ വീട്ടീന്നാണോ വരവ്?? അതോ വല്ലയിടത്തും കറക്കം കഴിഞ്ഞിട്ടോ???

എന്റെ ചോദ്യങ്ങൾ വഴിക്കും വഴിക്കും വരുന്നത് കേട്ട് രമേശേട്ടന്റെ മുഖത്ത് ഒരല്പം അസഹിഷ്ണുതാ മനോഭാവം തെളിഞ്ഞത് ഞാൻ കണ്ടു. പുള്ളിക്ക് സ്ത്രീകൾ ഒരുപാട് വേഗത്തിൽ സംസാരിക്കുന്നത് ഇഷ്ടമല്ല... ഒരുപാട് അധികവും...

"ഞാൻ ചായ എടുക്കാം ട്ടോ... "
ആ മുഖഭാവം മാറുന്നത് കണ്ടപ്പോൾ പിന്നെ സുധാകരേട്ടന്റെ മറുപടിക്കുവേണ്ടി കാത്തുനിൽക്കാൻ എനിക്ക് തോന്നിയില്ല. അത് സുധേട്ടനും മനസ്സിലായിക്കാണും. നമ്മടെ കെട്ട്യോനെ എന്നേക്കാൾ മുൻപേ കണ്ടുതുടങ്ങിയതാണല്ലോ പുള്ളി...

"രമ്യേ... സുധേട്ടനും കൂടി ചോറുവേണം.. രണ്ടു ദിവസം ഇനി ഏട്ടൻ കൂടി ഉണ്ടാവും ഇവിടെ. നാളെയാ എനിക്ക് തിരുവനന്തപുരം പോവേണ്ടത്.. നീ മറന്നുകാണും.. എനിക്കറിയാം...നിനക്ക് അല്ലെങ്കിലും സ്‌കൂളും പിള്ളേരുമൊക്കെയല്ലേ വലുത്.... ങ്‌ഹും!!!... ങ്‌ഹും!!!!.... "

പുച്ഛത്തോടെ എന്നെനോക്കി പറയുന്നതോടൊപ്പം രമേശേട്ടൻ രണ്ടുതവണ ശക്തിയിൽ ശ്വാസം വിട്ടു... ആ നാശം പിടിച്ച സേവ്യർ ഇപ്പൊ കാതോർത്തിരിക്കുകയാവും... അയാൾക്ക് നടന്നുപറയാൻ ഒരു കാര്യംകൂടിയായി..

രമേശേട്ടന്റെ സ്വഭാവം അറിയാവുന്നതിനാൽ സുധേട്ടൻ ഒന്നും മിണ്ടിയില്ല... പറഞ്ഞിട്ടു കാര്യമില്ലെന്നറിയാം... സുധേട്ടൻ എന്തെങ്കിലും പറഞ്ഞാൽ തിരിച്ചു പറയില്ലെങ്കിലും പുള്ളി പോയാൽ പിന്നെ അതോർത്തുവെച്ച് എന്നോട് വഴക്കിനുവരുമെന്ന് ഏട്ടന് നന്നായറിയാം... ഞാനും ഒന്നും മിണ്ടാതെ അടുക്കളയിലേക്ക് നടന്നു.

സന്ധ്യ കഴിഞ്ഞ് ഏതാണ്ട് ഏഴുമണിയോടടുത്തപ്പോൾ രമേശേട്ടൻ എന്നത്തേയും പോലെ ജംക്ഷനിലെ ചായക്കടയിലേക്ക് പോയി... അത് പതിവാണ്.. എട്ടരവരെ ഇനി ആ ചായക്കടയിലാണ് കമ്പനികൂടൽ.. മൂപ്പരുടെ അഞ്ചാറു ഫ്രണ്ട്സും ഉണ്ടാവും... ചില ദിവസങ്ങളിൽ രണ്ടെണ്ണം വീശിയിട്ടേ വരൂ... ആ ദിവസങ്ങളിൽ വന്നോണം വന്ന് സൈഡാവുകയും ചെയ്യും.... എന്തായാലും നാളെ രാവിലെ തിരുവനന്തപുരത്ത്