Chapter Title : വിനോദവെടികൾ 5 [ഒലിവര്‍]

ഷിയാസ് വിഷമം ഭാവിച്ചു.
അത് കണ്ടപ്പോള്‍ എനിക്ക് വീണ്ടും ഫീലായി. അയ്യേ, ഈ ചെക്കൻ എന്നെപ്പറ്റി ഇങ്ങനൊക്കെയാണോ ധരിച്ച് വച്ചേക്കുന്നത്? അവന്റെ ആതിഥ്യം സ്വീകരിച്ച് ഞാൻ അകത്തേക്ക് കേറി. അറ്റകുറ്റപ്പണികൾ നടത്താത്തതിന്റെ കുറവ് അവന്റെ വീട് വിളിച്ചുപറയുന്നുണ്ട്. കഴുക്കോലിൽ ഒരിടത്ത് വൈക്കോല് തൂങ്ങിക്കിടക്കുന്നു. അണ്ണാൻ കൂട് കൂട്ടിയതിന്റേതാണെന്ന് തോന്നുന്നു.
“ ഉമ്മയെവിടെ….” ഞാന്‍ കാപ്പി ഊതിക്കുടിച്ചുകൊണ്ട് ചോദിച്ചു.
“ വാ കാണിക്കാം…” ഷിയാസ് ഞങ്ങളെ അടുത്ത മുറിലേക്ക് കൂട്ടിക്കൊണ്ടു പോയി.
അവിടെ കിടക്കയിൽ ഒരു സ്ത്രീ അവശയായി കിടക്കുന്നത് കണ്ട് ഞാനൊന്ന് അമ്പരന്നു.
“ ഇതാണെന്റെ ഉമ്മ. ഖദീജ. സ്ട്രോക്ക് വന്ന് ഒരു വശം തളർന്നതാ… ഇപ്പോള്‍ ഒന്ന് സംസാരിക്കുന്നത് പോലും കഷ്ടിയാ…”അവന്റെ വാക്കുകളില്‍ നിരാശ നിഴലിച്ചുനിന്നു.
“ അറിഞ്ഞില്ലായിരുന്നെടാ… സാരമില്ല… ദൈവം ഇഷ്ടപ്പെടുന്നവരെയാ കൂടുതല്‍ പരീക്ഷിക്കുക… അങ്ങനെ കരുതിയാല്‍ മതി.” ഞാൻ പറഞ്ഞു. അല്ലാതെ എന്ത് പറയാന്‍.
“ ങ്ഹാ… അതൊക്കെ അങ്ങനെ കിടക്കും ടീച്ചറെ… ഞങ്ങള് ഇവന്റെ പിറന്നാള് പ്രമാണിച്ച് ഇവിടായിരുന്നു കൂടിയത്. മുറത്ത് നല്ലൊന്നാന്തരം കപ്പ വേവിച്ച് വച്ചിട്ടുണ്ട്… ടാ… നീ വന്നൊന്ന് നോക്കിയേ.. ടീച്ചർക്ക് കൊടുക്കാനുള്ളതല്ലേ?”
“ എനിക്കൊന്നും വേണ്ടടാ… വിശപ്പില്ല. വെറുതെ എന്തിനാ ബുദ്ധിമുട്ടുന്നെ…” ഞാൻ തളർന്ന സ്വരത്തിൽ പറഞ്ഞു.
“ അങ്ങനെ പറയല്ല് ടീച്ചറേ… ടീച്ചർ ഇവിടെ ആദ്യമായിട്ട് വന്നിട്ട് അത്താഴപ്പട്ടിണി കിടന്നാൽ ക്ഷീണം എനിക്കാ… ടീച്ചറ് ദേ… ആ ബാഗൊക്കെ അവിടെ വച്ച് മുഖമൊക്കെ ഒന്ന് കഴുക്… ഞങ്ങള് ദാ…. ശടേന്ന് പറഞ്ഞിങ്ങ് വരാം…” അതും പറഞ്ഞ് അവന്മാർ രണ്ടുപേരും പുറത്തേക്ക് പോയി.
ഞാൻ കട്ടിലില്‍ കിടന്ന