Chapter Title : ❤️വൃന്ദാവനം 4 [കുട്ടേട്ടൻ]

മീര പറഞ്ഞു.
മീര, ഞാനൊന്നു ചോദിക്കട്ടെ. നിനക്ക് സ്വാതിയെക്കുറിച്ചൊക്കെ എങ്ങനെയറിയാം-സഞ്ജു ചോദിച്ചു.
മോനേ കുട്ടാ സഞ്ജൂ- അവന്‌റെ മുക്കിലേക്കു വിരൽ തൊട്ടുകൊണ്ട് അവൾ പറഞ്ഞു. ഞാനിവിടെനിന്നു പോയെങ്കിലും പിന്നീടുള്ള നിന്‌റെ ജീവിതത്തിലെ എല്ലാ കാര്യങ്ങളും ഞാനറിയുന്നുണ്ട്. എനിക്കതിനൊക്കെ ഇവിടെ സോഴ്‌സുണ്ട്.നീ വിചാരിച്ചു ഞാനൊന്നും അറിയില്ലാന്ന് അല്ലേ..ഞാനറിഞ്ഞിട്ടുണ്ട്. നീയ് കോളജിൽ നടത്തിയ അടി മുതൽ ക്രിക്കറ്റ് കളിച്ച് കപ്പ് നേടിയതുവരെ എല്ലാം അറിയുന്നുണ്ട്-മീര പറഞ്ഞു.
സഞ്ജു ഞെട്ടിപ്പോയി. അപ്പോൾ ആരോ ഇവൾക്കുവേണ്ടി ഇവിടെ ചാരപ്പണി ചെയ്യുന്നുണ്ട്. അതാരായിരിക്കും.
ആരാ ആ വിവരങ്ങളൊക്കെ തരുന്നത്-നിഷ്‌കളങ്കമായി സഞ്ജു ചോദിച്ചു.
മോൻ തൽക്കാലം അതറിയേണ്ട കേട്ടോ-മീര അവന്‌റെ കവിളത്തു മൃദുവായി അടിച്ചുകൊണ്ടു പറഞ്ഞു.സഞ്ജു മിണ്ടാതെയിരുന്നു. ആരോ ഒരാൾ തന്നെ നിരീക്ഷിച്ച് അവൾക്ക് വിവരങ്ങൾ കൊടുക്കുന്നുണ്ടെന്ന് അവനു മനസ്സിലായി. പക്ഷേ അതാര്. എത്ര ശ്രമിച്ചിട്ടും ആ ഒരാൾ ആരെന്ന് അവൾക്കു മനസ്സിലായില്ല.

വിളക്കുവയ്ക്കുന്ന സമയത്താണ് സഞ്ജുവും മീരയും തിരികെ വീട്ടിലെത്തിയത്.
ദീപം ദീപം എന്നു പറഞ്ഞുകൊണ്ട് നന്ദു വിളക്കുമായി വരുന്ന സീനായിരുന്നു അത്. വിളക്ക് വരാന്തയിൽ നിലത്തു വച്ച ശേഷം അവൾ നിവർന്നപ്പോൾ കണ്ടത് മീരയെയും സഞ്ജുവിനെയും. അവൾക്കു മുഖം കൊടുക്കാതെ മുഖം വെട്ടിച്ച് മീര അകത്തേക്കു പോയി.
സഞ്ജു നന്ദുവിനെ നോക്കുകയായിരുന്നു. ചുവന്ന പട്ടുപാവാടയും ദാവണിയുമായിരുന്നു അവളുടെ വേഷം. കുളികഴിഞ്ഞതിന്‌റെ അടയാളമായി മുടി പിന്നോട്ടുവച്ചു തോർത്തുകൊണ്ടു കെട്ടിയിട്ടുണ്ടായിരുന്നു അവൾ. മീര മാസെങ്കിൽ ക്ലാസ് നന്ദിത തന്നെ.
വിളക്കിലെ എണ്ണ തന്‌റെ മുൻവശത്തെ മുടിയിൽ തേച്ചുകൊണ്ട് നന്ദിത സഞ്ജുവിന് അരികിലേക്കു നടന്നു വന്നു. മനോഹരമായ സുഗന്ധം അവൾ വന്നപ്പോൾ സഞ്ജുവിലേക്കു പ്രവഹിച്ചു.
വിളക്കുവയ്ക്കും മുൻപ്