Chapter Title : യക്ഷി 4 [താർക്ഷ്യൻ]

വേണം. ഞാൻ മറന്നു”.. ആദ്യം കഴിക്ക് എന്നിട്ട്.

ഞാൻ വേഗം ചറപറാ കഴിച്ചു തീർത്തു. എന്നിട്ട് ഓടിപ്പോയി കൈയും വായേം ഒക്കെ കഴുകി വന്നു. പിന്നെ ഒരു ഉൾവിളി പോലെ പിന്നെയും ഓടിപ്പോയി ബ്രഷ് ചെയ്‌തു വന്നു. പിന്നെയും തിരിച്ച് പോയി മൗത് വാഷ് കൂടി ഇട്ടു വന്നു. ഇതൊക്കെ കണ്ട് മമ്മി താടിക്ക് കൈയും കൊടുത്ത് ഇങ്ങനെ ഇരിക്കുകയാണ്.

“വൃത്തിക്കാരൻ എന്ന് പറഞ്ഞപ്പോൾ ഞാൻ ഇത്രയും ഓർത്തില്ല” മമ്മി ചിരിച്ചുകൊണ്ട് പറഞ്ഞു.

“ഇച്ചരെ വൃത്തി കിടന്നോട്ടെ നല്ലതല്ലേ... അല്ല മമ്മി കഴിക്കുന്നില്ലേ”.. ഞാൻ ചോദിച്ചു.

മമ്മി: കഴിക്കണം പക്ഷെ ആയില്ല. ആവുമ്പോൾ കഴിക്കും.

ഞാൻ: എന്റെ സർപ്രൈസ്..?

മമ്മി: ശെടാ കിടന്നു പിടക്കാതെ.. തരാന്നെ... അത് തന്നിട്ടേ ഞാൻ പോകു… നേരം ആയില്ല.

ഞാൻ: നേരവും കാലവും കാത്തിരുന്നാൽ അവര് വരും മമ്മി.. ഞാൻ ക്ലോക്കിലേക്ക് നോക്കികൊണ്ട് സങ്കടത്തോടെ പറഞ്ഞു.

മമ്മി: അവര് വരാൻ ഒരുപാട് വൈകും മോനൂ..

ഞാൻ: “ഏഹ്..? അവര് വിളിച്ചു പറഞ്ഞോ”..!? എന്റെ ആവേശം കൂടി

മമ്മി: ഇല്ല !

ഞാൻ: പിന്നെ ??

മമ്മി: എനിക്ക് അറിയാം..!

ഞാൻ: പിന്നെ… ലക്ഷ്മി ടീച്ചറെ അറിയാലോ..? വേഗം വരും എന്ന് പറഞ്ഞാൽ വന്നിരിക്കും.

മമ്മി ചെറുതായിട്ട് ഒന്ന് പുഞ്ചിരിച്ചു. എന്നിട്ട് പറഞ്ഞു: “ലക്ഷ്മിക്ക് കടക്കാൻ കഴിയാത്ത ലക്ഷ്മണ രേഖകൾ ഉണ്ട് മോനൂ..!!

ഞാൻ അന്തം വിട്ടു. ഇന്നേവരെ അമ്മയെ പേരെടുത്ത് വിളിക്കുന്നത് ഞാൻ കേട്ടിട്ടില്ല. മാത്രവുമല്ല ഇതെന്താ ഇങ്ങനെ ഒക്കെ ഒരു ഹൊറർ വർത്താനം. കേട്ടിട്ട് എനിക്ക് തന്നെ പേടി ആകുന്നു. ഇനി പേടിച്ച് വല്ലതും ചോർന്നു പോയാൽ അടിയിൽ ആണെങ്കിൽ തടയാൻ ഒന്നും ഇട്ടിട്ടില്ല താനും…

മമ്മി എന്നെത്തന്നെ ഒരു വല്ലാത്ത ഭാവത്തോടെ നോക്കി നിക്കയാണ്. എന്നിട്ട് പതിയെ പറഞ്ഞു: “മമ്മി ഒരു കാര്യം പറഞ്ഞാൽ മോനു കേൾക്കുമോ”..?

അത് കേട്ട് എന്റെ ഹൃദയമിടിപ്പ് കൂടി. ഏതെങ്കിലും അറിയാത്ത ഒരാൾ ഇത് ചോദിച്ചാൽ കണ്ണും പൂട്ടി യെസ് പറയാം പക്ഷെ ഇത് ചോദിക്കുന്നത് സോഫിയ സേവ്യർ ആണ്. ‘അൺഎക്‌സ്‌പെക്ടഡ് ‘ എന്ന