Chapter Title : യശ്വന്ത്പുർ എക്സ്പ്രെസ്സിലെ സേലംകാരി

ആ കോളേജിൽ കൊണ്ടുവന്നത്. അതുകൊണ്ടുതന്നെ എന്റെ ഏജന്റ് ആദ്യമായി എന്നെയാണ് അവളുടെ വീട്ടുകാർക്കും അവൾക്കും പരിചയപ്പെടുത്തി കൊടുത്തത്. എന്ത് ആവശ്യത്തിനും ഇവനോട് പറഞ്ഞാൽ മതി എന്ന് സ്വന്തം ഏട്ടനെ പോലെ കരുതുന്ന പുള്ളി പറഞ്ഞപ്പോൾ എനിക്കും നിഷേധിക്കാൻ ആയില്ല. അഡ്മിഷൻ വാങ്ങിയ ശേഷം ഓരോ കാര്യത്തിനും അവൾ എന്നോടാണ് പറയാറ്. സീനിയർ ആണെന്നുള്ള അതിർവരമ്പ് അവൾക്ക് എന്നോട് ഉണ്ടായിരുന്നില്ല. പക്ഷേ അതിൽ അസ്വാഭാവികത ഒന്നും ഞാൻ കണ്ടതുമില്ല. ഒറ്റയ്ക്കുള്ള ഒരു മലയാളി പെൺകുട്ടി എന്നുള്ള നിലയ്ക്ക് എല്ലാം ചെയ്തു കൊടുക്കുമായിരുന്നു.

തുടർന്നങ്ങോട്ട് അവധിദിവസങ്ങളിൽ നാട്ടിലേക്ക് വരുമ്പോൾ അവൾ എന്നോടൊപ്പം വരും. തിരിച്ചു പോകുമ്പോഴും അങ്ങനെതന്നെ. എന്നാൽ അതൊക്കെ അവളുടെ വീട്ടുകാർക്കും അറിയാം. തികച്ചും അപ്രതീക്ഷിതമായി ചില പ്രശ്നങ്ങൾ എനിക്ക് നേരിടേണ്ടി വന്നു, എൻക്വയറി വന്നു കോളേജ് മാനേജ്മെന്റ് എന്നെ ടി സി തന്ന പറഞ്ഞുവിട്ടു. നിസ്സാരമായ പ്രശ്നമല്ല എങ്കിലും പോലീസ് കേസും മറ്റും ആകാതെ ഞാൻ അവിടുന്ന് രക്ഷപ്പെട്ടു എന്ന് വേണം  കരുതാൻ. അന്ന് ഞാൻ കോളേജ് നിർത്തി വരാൻ നിൽക്കുന്ന അവസരത്തിൽ ആണ് ഈ പെൺകുട്ടി എന്നോട് ഇഷ്ടമാണ് എന്ന് ആദ്യമായി പറയുന്നത്. കോളേജ് നിർത്തി വരുന്ന അവസരത്തിൽ എനിക്ക് അവളോട് മറുപടി ഒന്നും പറയുവാൻ സാധിച്ചില്ല. തൽക്കാലം ഞാൻ നാട്ടിലേക്ക് പോകട്ടെ ബാക്കി കാര്യങ്ങൾ പിന്നീട് സംസാരിക്കാം എന്നു മാത്രമാണ് ഞാൻ അവളോട് മറുപടി പറഞ്ഞത്. അങ്ങനെ ഞാൻ നാട്ടിൽ എത്തി, ഇഷ്ടപ്പെട്ടു ജോയിൻ ചെയ്ത എൻജിനീയറിങ് പാതിവഴിയിൽ നിർത്തേണ്ടി വന്നത് എന്നെ  മാനസികമായി ഒരുപാട് തളർത്തിയിരുന്നു. ആദ്യമൊക്കെ വീട്ടിൽ തന്നെ അടച്ചു മൂടിയിരുന്നു.