Chapter Title : യവനസുന്ദരി [Lee child]

യാത്ര ചെയ്യാനുണ്ടായിരുന്നു. എൻ്റെ കുടിലിൽ കുറച്ച് നേരം വിശ്രമിക്കുക. കുളിക്കണമെന്നുണ്ടെങ്കിൽ പുഴയിൽ കുളിക്കാം. വിശക്കുന്നുണ്ടെങ്കിൽ, ഇന്ന് രാവിലെ ഞാൻ പറിച്ച കുറച്ച് പഴങ്ങൾ കുടിലിനകത്തുണ്ട്. താങ്കൾക്കത് കഴിക്കാം. എന്നിട്ട് സന്ധ്യക്ക് മുൻപ് തയ്യാറായി നിൽക്കണം. നമ്മൾ വിവാഹിതരാകും," പ്രണീത പറഞ്ഞു.

"എന്ത്?" അമ്പരപ്പോടെ അഗസ്ത്യൻ ചോദിച്ചു.

"നമ്മൾ വിവാഹിതരാകണം, പ്രഭോ... ഭാവി രാജാവിനെ ഒരു വേശ്യാപുത്രൻ എന്ന് മുദ്രകുത്താൻ താങ്കൾ ആഗ്രഹിക്കില്ലല്ലോ? പക്ഷേ വിഷമിക്കേണ്ട. നമ്മൾ കൃത്യം ഒരു വർഷത്തേക്ക് മാത്രമേ വിവാഹിതരായിരിക്കുകയുള്ളൂ. ഈ സമയത്തിനുള്ളിൽ ഞാൻ താങ്കൾക്ക് ഒരു കുഞ്ഞിനെ, താങ്കളുടെ രാജ്യത്തിന് ഒരു പിന്തുടർച്ചാവകാശിയെ നൽകും... നമ്മളുടെ കുഞ്ഞുമായി താങ്കൾ ഈ കാട്ടിൽ നിന്ന് പുറത്തുപോയാൽ, നമ്മൾ ഭാര്യാഭർത്താക്കന്മാർ അല്ലാതായിത്തീരും," പ്രണീത പറഞ്ഞു.

പ്രണീത പറഞ്ഞതെല്ലാം അഗസ്ത്യൻ അംഗീകരിച്ചു. നദിയിൽ കുളിച്ചതിന് ശേഷം ഫ്രഷ് പഴങ്ങൾ കഴിക്കാമെന്ന് തീരുമാനിച്ചുകൊണ്ട് അദ്ദേഹം കുടിലിലേക്ക് മടങ്ങി. തൻ്റെ കുതിരയ്ക്കും അദ്ദേഹം കുറച്ച് പഴങ്ങൾ കൊടുത്തു. പ്രണീത വീണ്ടും ധ്യാനത്തിലേക്ക് മടങ്ങി.

സന്ധ്യയായപ്പോൾ അവൾ അദ്ദേഹത്തെ പുറത്തേക്ക് വിളിച്ചു. പ്രണീത ഉണ്ടാക്കിയ ചെറിയ തീയിനെയാണ് അഗസ്ത്യൻ പുറത്തിറങ്ങിയപ്പോൾ കണ്ടത്.

അഗസ്ത്യൻ ഒരു മുണ്ട് ധരിച്ചു

പ്രണീത രാവിലെ ധരിച്ച കാവി സാരിയിൽത്തന്നെയായിരുന്നു. അവർ പരസ്പരം അടുത്തു.

പ്രണീത അഗസ്ത്യൻ്റെ കൈകളിൽ പിടിക്കുകയും, ഒരുമിച്ച് അവർ അഗ്നിയെ വലംവെക്കാൻ തുടങ്ങി. പ്രണീത വിശുദ്ധ മന്ത്രങ്ങൾ ഉരുവിടുകയായിരുന്നു. അവളുടെ അക്ഷരസ്പുദമായ മന്ത്രോചാരണം അഗസ്ത്യനെ അത്ഭുതപ്പെടുത്തി….. അവർ തീയിനെ ഏഴ് തവണ വലംവെച്ചു. പിന്നീട്, അഗസ്ത്യൻ അവളുടെ മനോഹരമായ സ്വർണ മുടിയിൽ …. സുമംഗലി രേഖയിൽ സിന്ദൂരം ചാർത്തി.

അങ്ങനെ അവർ വിവാഹിതരായി….