യോഗം

Yogam Remastered | Author : Ekalavyan

കണ്ണുകൾ തുറന്നപ്പോ ഞാൻ വീണ്ടും സ്ഥല കാല ബോധത്തിലേക്കെത്തി. അമ്മ പറയാറുണ്ട് ഉച്ചക്കുറങ്ങിയാ പിന്നെ ബോധം ഉണ്ടാവില്ലെന്ന്.

അല്ലെങ്കിലും എനിക്ക് ബോധം ഉണ്ടാവാറില്ല.

ഹണിമൂണിന്റെ നാലാമത്തെ ദിവസമാണ് ഇന്ന്. അതായത് അവസാനത്തെ.

ഹണിമൂൺ എന്ന് പറയുമ്പോ കരുതും ഫുൾ എന്ജോയ്മെന്റ് ആണെന്ന്. എന്നാ എന്റെ കാര്യത്തിൽ അങ്ങനെയല്ല.

മ്മ്.. ഞാൻ മാളവിക, മാളു ന്ന് വിളിക്കും അതിപ്പോ എല്ലാരും വിളിക്കും. പക്ഷെ കെട്ടിയവൻ മാത്രം ഇതുവരെ വിളിച്ചിട്ടില്ല. വിളിക്കാനും പോകുന്നില്ലെന്ന് എനിക്കറിയാം.

കല്യാണം കഴിഞ്ഞിട്ടിപ്പോ നാലഞ്ച് മാസത്തോളമായി. ഒന്ന് നേരാവണ്ണം സംസാരിച്ചിട്ടില്ല. നോക്കിയിട്ടില്ല.. ചിരിച്ചിട്ടില്ല..

എന്തിന് എന്നെ എടി ന്നു പോലും വിളിച്ചിട്ടില്ല.

ഇപ്പൊ ഗോവയിലാണ്. ഗോവയിലെ ഏതോ എ ക്ലാസ്സ്‌ ഹോട്ടൽ റൂം.

ഗ്ലാസിന്റെ ജനലിലൂടെ ഉച്ച സമയം കഴിഞ്ഞ മൂന്നു മണിയുടെ പ്രകാശം ബെഡിലേക്ക് വീഴുന്ന സുന്ദരമായ കാഴ്ചയുണ്ട്

പക്ഷെ എന്ത് കാര്യം.!

കട്ടിലിന്‍റെ മറ്റേ അറ്റത്ത് തന്നെ മുട്ടാതെ ഉറങ്ങുന്ന ഭർത്താവ്. ആളും നല്ല ഉച്ചമയക്കത്തിലാണ്.

ഞാൻ മെല്ലെ പുതപ്പ് മാറ്റി എണിറ്റിരുന്നു.

ഇട്ടിരുന്ന ചുരിദാറിന്റെ ഇറുക്കം കാരണം അത് ശരീരത്തിൽ വലിഞ്ഞു പിടിക്കുന്നത് പോലെ.

ചിന്തകൾ വീണ്ടും, കർട്ടന്റെ ഇടയിലൂടെ റൂമിലേക്കടിക്കുന്ന വെളിച്ചം പോലെ പടർന്നു.

ഈ ഹണിമൂൺ ദിവസങ്ങൾ കൊണ്ട് തന്നെ എനിക്ക് ജീവിതം ഒരു വിധം മടുത്തത് പോലെയായി.

ഇതിലും ഭേദം വീട്ടിൽ എന്നെ മൈൻഡ് ചെയ്യാത്ത അരുണേട്ടൻ തന്നെയായിരുന്നു.

വീട്ടിൽ ആകെ മിണ്ടുന്നൊരാൾ അമ്മായിയപ്പനാണ്. അദ്ദേഹത്തിന്റെ ഇഷ്ടപ്രകാരമാണ് അരുണേട്ടൻ ഈ കല്യാണത്തിന് സമ്മതിച്ചതെന്ന് പിന്നീടറിഞ്ഞപ്പോ എനിക്കൊരു നടുക്കമായിരുന്നു.

ആ ഇഷ്ടക്കേടാണ് ഈ നാലഞ്ചു മാസത്തോളം ഞാൻ അനുഭവിച്ചത്.

സത്യം പറഞ്ഞാ എനിക്ക് സങ്കടം വന്നു.

അന്നേ അറിഞ്ഞെങ്കിൽ ഈ കല്യാണം ഒഴിവാക്കാമായിരുന്നു. പക്ഷെ വീട്ടിലെ സ്ഥിതിയാണ് വില്ലനായത്. കൂടാതെ കല്യാണ പ്രായമെത്തിയ പെൺമക്കൾ നാട്ടുകാർക്കും വേവലാതി ഉണ്ടാക്കുമല്ലോ, ഏത്..!!

അതെന്റെ അച്ഛനെയും അലട്ടി.

ഇടത്തരം കുടുംബമായിരുന്നു എന്റേത്.

അച്ഛൻ സദാ കൂലിപ്പണിക്കാരൻ, അമ്മ വീട്ടമ്മ, പിന്നെയൊരു അനിയൻ.

എന്റെ സൗന്ദര്യം കണ്ട് കൊട്ടാരത്തീന്ന് ആൾക്കാർ വന്ന് കെട്ടികൊണ്ട് പോകുമെന്നാണ് അച്ഛന്റെ വിശ്വാസം. പാവം..!

അങ്ങനെ അരുണേട്ടന്റെ ആലോചന വന്നപ്പോ ഇരുപത്തിയഞ്ചിൽ എന്നെ പിടിച്ചങ്ങു കെട്ടിച്ചു.

കൊട്ടാരം തന്നെ, പക്ഷെ രാജാവിന് ഇഷ്ടമല്ലാത്ത രാജ്ഞ്ജിയെ പോലെ ഞാനെന്നു മാത്രം.

എന്നെ കണ്ട് പെരുത്ത് ഇഷ്ടമായിട്ടാണ് കല്യാണം നടന്നതെന്ന ഇപ്പോഴും അച്ഛന്റെ ചിന്ത. പാവം..!

മകന് ഇടത്തരം കുടുംബത്തിൽ നിന്ന് പെണ്ണ് മതിയെന്നത് അരുണേട്ടന്റെ അച്ഛന്റെ ആഗ്രഹമായിരുന്നു. അരുണേട്ടൻ അതിന് ബലിയാടായപ്പോൾ ഞാൻ ഇങ്ങനെയും ബലിയാടായി.

പക്ഷെ അമ്മായിഅപ്പന് എന്നെ നല്ല ഇഷ്ടമായിരുന്നു. ഇപ്പോഴും അതെ.

പക്ഷെ മകന് വേണ്ടി അദ്ദേഹം എന്നെ തിരഞ്ഞെടുത്ത്, എനിക്ക് തന്നെ പണി വാങ്ങി തന്നത് പോലെയായി.

അരുണേട്ടന് എന്നെ ഇഷ്ടപ്പെടാതിരിക്കാനും മാത്രം  എന്താ കാര്യമെന്ന് ഞാൻ കുറേ തവണ ആലോചിച്ചിരുന്നു. പക്ഷെ എന്ത് ചെയ്യാൻ.. ഉത്തരമൊന്നും മനസ്സിൽ വന്നില്ല.

എന്റെ യോഗം..!

ഈ ഹണിമൂൺ തന്നെ അച്ഛന്റെ ഇഷ്ടപ്രകാരമാണെന്ന് അറിഞ്ഞപ്പോ എന്റെ ഉള്ള