Chapter Title : യുഗം 16 [Achilies] [Climax]

വസൂ ചിരിച്ചോണ്ട് പറഞ്ഞു.

"എപ്പോ പറഞ്ഞു…"

"ഇന്നലെ നീയും മീനുവും സംസാരിച്ചപ്പോൾ ഞാൻ വിളിച്ചിരുന്നു…..ഇന്ദിരാമ്മ ഇവിടെ വരാന്നു പറഞ്ഞിട്ടുണ്ട്. മിക്കവാറും രാവിലെ എത്തും."

"ഉവ്വ…...നിനക്ക് എന്നോടൊന്നു പറഞ്ഞൂടാരുന്നോടി ദുഷ്ടേ….ഇനി ഇന്ദിരാമ്മേടെ കയ്യിൽ നിന്നും ഞാൻ നേർച്ച വാങ്ങേണ്ടി വരില്ലേ…."

"ആഹ് വാങ്ങിച്ചോ…"

ആഹ് തെണ്ടി അതും പറഞ്ഞോണ്ട് ഇരുന്നു ചിരിച്ചു.

അവള് സാരി ഒക്കെ ചുറ്റി നിൽപ്പുണ്ട് ഏകദേശം റെഡി ആണ് ക്ഷീണം മാറി പെണ്ണിപ്പോഴാണ് ഒന്ന് നേരെ ആയത്.

പതിയെ എഴുന്നേറ്റു മൂരി നിവർത്തി ഒരു സുഖമുള്ള മന്നിപ്പിൽ ഞാൻ ഇരുന്നു.

"ഡാ ചെക്കാ വെറുതെ ഇരുന്ന് ചന്തി ചൂടാക്കാതെ അപ്പുറത്തേക്ക് പോരെട്ടോ ഞാൻ അങ്ങോട്ട് പോവുവാ...പിന്നെ വാതിലടച്ചേക്ക്."

അതും പറഞ്ഞു അവളിറങ്ങി പോയി.

ഞാൻ നേരെ ബാത്‌റൂമിൽ കയറി ഫ്രഷ് ആയി റൂമും പൂട്ടി അപ്പുറത്തേക്ക് ചെല്ലുമ്പോൾ കട്ടിലിലിരുന്നു ഗംഗ കുഞ്ഞിന് മുല കൊടുക്കുകയായിരുന്നു…
കുറച്ചു നേരം അത് നോക്കി നിന്ന എന്നെ പുരികം പൊക്കി എന്താ എന്നുള്ള അർത്ഥത്തിൽ പെണ്ണ് ചോദിച്ചു.
ഞാൻ ഉമ്മ എന്ന് കാണിച്ചു ചുണ്ടു കൂർപ്പിച്ചതും.
പോടാ എന്നു ചുണ്ടനക്കി കൈയോങ്ങി പെണ്ണ് ദേഷ്യം കാണിച്ചു.
അതിലും എനിക്കുവേണ്ടി അവൾ ഒളിപ്പിച്ച കള്ളപ്പുഞ്ചിരി നീട്ടിയിരുന്നു.

വസൂ എന്തൊക്കെയോ പായ്ക്ക് ചെയ്യുന്ന തിരക്കിൽ ആയിരുന്നു.
മീനുട്ടി ഞാൻ വന്നപ്പോൾ മുതൽ എന്നെ കടക്കണ്ണെറിഞ്ഞു നോക്കി ചിരിക്കുന്നുണ്ട് എങ്കിലും വസുവിന്റെ വാലേ തൂങ്ങിയെ പെണ്ണ് നിക്കൂ…
പെണ്ണിന് പ്രേമിച്ചു നടക്കുമ്പോൾ പോലും ഇത്ര നാണം ഉണ്ടായിരുന്നില്ലല്ലോ ദൈവമേ…

അപ്പോഴേക്കും ഹേമേടത്തി ബാത്‌റൂമിൽ നിന്നിറങ്ങി വന്നു.

"നമ്മുക്ക് എന്നാൽ ഇറങ്ങാം ഹേമേടത്തി…"

വസൂ