Chapter Title : യുഗം 7 [Achilies]

വസുവായിരുന്നു ഇന്നത്തെ കണി. നെറ്റിതടത്തിൽ കൈ വെച്ചപ്പോൾ ചൂടില്ല, ആശ്വാസം. പക്ഷെ വസൂ ഇപ്പോഴും എന്തോ അത്ഭുതം കണ്ടപോലെ കണ്ണും തുറിച്ചിരിപ്പുണ്ട്. പനിയും പിന്നെ പീരിയ്ഡ്സും പെണ്ണിന്റെ മുഖത്തെ തിളക്കത്തിനെ ഒന്ന് തട്ടീട്ടുണ്ട് എന്നാലും ശ്രീത്വം എങ്ങും പോയിട്ടില്ല. "എന്താടി തടിച്ചി നോക്കുന്നേ." കവിളിൽ പിച്ചി ഞാൻ ചോദിച്ചു. ഉടനെ ചിരി കൊണ്ട് നിറഞ്ഞ മുഖത്തിലെ തുളുമ്പിയ കണ്ണ് എന്നെ കാണിക്കാതിരിക്കാനെന്നോണം എന്റെ നെഞ്ചിലേക്ക് മുഖം പൂഴ്ത്തി രോമത്തിൽ വിരൽ കൂട്ടി തെരു പിടിപ്പിച്ചുകൊണ്ട് ആള് കിടന്നു. മുതുകിൽ പതിയെ തട്ടി ഞാനും. ചില നേരങ്ങളിൽ മൗനം വാക്കുകളേക്കാൾ വാചാലം ആവും അവളുടെ ഉള്ളിലെ പ്രണയം ഞാനും എന്റെ ഉള്ളിലെ പ്രണയം അവളും മൗനത്തിലൂടെ പങ്കു വെച്ചു. ഉച്ചക്ക് ഊണ് കഴിച്ചതോടെ ക്ഷീണമൊക്കെ മാറി വസൂ ഉഷാർ ആയി. വൈകീട്ട് കവലയിൽ ഒന്ന് ചുറ്റി തിരിച്ചു വന്ന എന്നെയും കാത്തു രണ്ടും ഉമ്മറത്തിരിപ്പുണ്ടായിരുന്നു ഗംഗയുടെ മുന്നിൽ പടിയിലിരിക്കുന്ന വസുവിന്റെ മുടി വാരിക്കെട്ടുകയായിരുന്നു അവൾ. ബൈക്കിൽ നിന്നിറങ്ങിയ എന്റെ കയ്യിലെ കവറിലേക്കായിരുന്നു രണ്ട് കൊതിച്ചികളുടെയും നോട്ടം വേറൊന്നുമല്ല കവലയിൽ പോയി വന്നാൽ ഞാൻ ബജ്ജി കൊണ്ട് വരുമെന്ന് രണ്ടിനുമറിയാം. കോലായിൽ കേറിയ എന്റെ കയ്യിൽ നിന്നും പൊതിയും തട്ടിപ്പറിച്ചു ഗംഗ അകത്തേക്ക് പോയി. പിറകെ വാല് പോലെ കുണുങ്ങി ചിരിച്ചു വസുവും. ഷർട്ട് ഊരി സോഫയിൽ ഇരുന്നപ്പോളാണ് ചൂണ്ടു വിരലിൽ ഉഴുന്നു വടയും കുത്തി അടുക്കളയിൽ നിന്നും വസൂ വന്നത്, നേരെ വന്ന് കനത്ത ചന്തി എന്റെ മടിയിൽ അമർത്തി ഇരുന്നു എന്റെ മീശയിൽ പിടിച്ചു ചുരുട്ടാൻ തുടങ്ങി.