യുവജനോത്സവം

Yuvajanolsavam | Author : Vinod

മാറിലെ മദനാംഗ രാഗം കുതിർന്നും
മകര മഞ്ജിരമുതിർന്നും
മല്ലികാ പുഷ്പശര.....

എന്റെ ഏറ്റവും ഇഷ്ടഗാനം പാടി തീരുന്നതിനു മുൻപേ നിലക്കാത്ത കയ്യടി ഓടിറ്റോറിയത്തെ അക്ഷരാർത്ഥത്തിൽ പിടിച്ചുലച്ചു എന്ന് തന്നേ പറയാം. പാട്ട് തീർന്നു പിന്നിലൂടെ പുറത്തെ വാതിലിൽ എത്തുമ്പോൾ ആൺകുട്ടികളേക്കാൾ കൂടുതൽ തിക്കിത്തിരക്കുന്ന പെൺപടയെ ആണ് കണ്ടത്. കൂടുതലും അപരിചിത മുഖങ്ങൾ.

അവരുടെ നീണ്ട കൈകൾ തന്റെ ഒരു സ്പർശനത്തിന് കൊതിക്കുന്ന പോലെ... വിനോദ്... വിനോദ് ചിര പരിചിതമെന്നപോലെ അവർ ആർത്തു വിളിക്കുന്നു. ഒരു വിധം പുറത്തിറങ്ങിയപ്പോൾ കയുയർത്തി എത്തി വലിഞ്ഞു രണ്ടു മുഖങ്ങൾ ദുർഗയും വാത്സല ടീച്ചറും. ഞാൻ ഒരുവിധം അവർക്കരുകിൽ എത്തി.

പെട്ടെന്നാണ് അത് ശ്രദ്ധിച്ചത് അവരുടെ കണ്ണുകൾ നിറഞ്ഞു തുളുമ്പുന്നു. ദുർഗ ടീച്ചർ എന്റെ കൈയിൽ എത്തിപ്പിടിച്ചു വലിച്ചു അവരിലേക്ക് അടുപ്പിച്ചു. വത്സല ടീച്ചർ തലയിൽ തഴുകി. ദുർഗ എന്നെ പിടിച്ചു വലിച്ചു വേഗം വാ വേഗം വാ എന്ന് പറഞ്ഞു കൈയിലെ പിടിമുറുക്കി തിരക്കിൽ നിന്നും എന്നെ മോചിപ്പിച്ചു എന്ന് പറയാം.

അവർ ബാഗിൽ നിന്നും ഒരു ഫ്ലാസ്ക് എടുത്തു നല്ല ചൂട് കട്ടൻചായ ഒരു സ്റ്റീൽ ഗ്ലാസിൽ പകർന്നു എനിക്ക് നീട്ടി. വത്സല ടീച്ചർ സത്യത്തിൽ കിളിപോയപോലെ എന്നെ നോക്കി നിൽക്കുകയാണ്. രണ്ടുപേരും കൂടി അടുത്തുള്ള ഒരു തണൽമരത്തിന്റെ ചുവട്ടിലേക്കു എന്നെയും ചേർത്ത് പിടിച്ചു നടന്നു. തിക്കിലും തിരക്കിലും പെട്ടു ഞാൻ വിയർത്തു കുളിച്ചു എന്നുതന്നെ പറയാം.

വത്സല ടീച്ചർ ഒരു ടവൽ കൊണ്ട് എന്റെ മുഖവും കഴുതും തുടക്കുന്നു. എന്റെ കുട്ട സമയത്തിനു എത്താൻ പറ്റുമോ എന്ന ആശങ്കയായിരുന്നു. എങ്ങിനെയോ നിന്റെ നമ്പർ വിളിക്കുമ്പോൾ ഹാളിൽ കടന്നു ഞങ്ങൾ. അല്പം കൂടി വൈകിയിരുന്നെങ്കിൽ ഞങ്ങൾക്ക് വല്ലാത്ത നഷ്ടം ആകുമായിരുന്നു ദുർഗ ടീച്ചർ പറയുകയാണ്. മോനെ വല്ലതും കഴിച്ചു അല്പം വിശ്രമിക്കാൻ നോക്കാം.

4 മണിക്ക് ശാസ്ത്രീയ സംഗീതം ആരംഭിക്കും എന്നാണ് കേട്ടത്. നേരെ തൊട്ടടുത്തുള്ള ആനന്ദ ഭവനിൽ പോയി. കൈ കഴുകി ഊണ് കഴിക്കാൻ ഇരുന്നു. അപ്പോഴൊണ് അവരും ഒന്നു ശ്വാസം വിടുന്നത് എന്ന് തോന്നി.

3 താളി മീൽസ് ഓർഡർ ചെയ്തു. എങ്ങിനെ ഉണ്ടായിരുന്നു ടീച്ചറേ? ഞാൻ വത്സല ടീച്ചറിനോട് ചോദിച്ചു. എന്റെ മോനെ ഒരു രക്ഷയുമില്ല ദൈവം നിന്റെ ഉള്ളിലൊണ് എന്ന് ഞങ്ങൾക്ക് മനസിലായി. ദാസേട്ടൻ ഇത് കേട്ടാൽ നിന്റെ കാൽക്കൽ വീണേനെ. പോ ടീച്ചറെ...

ഇതിന്റെ ക്രെഡിറ്റ് മുഴുവൻ ദുർഗ ടീച്ചറിനാണ്. ടീച്ചറാണ് ഇത് സെലക്ട് ചെയ്തത്. കുറഞ്ഞത് 10 ദിവസം ടീച്ചർ എന്നെ ഉറക്കെ സംസാരിക്കാൻ പോലും സമ്മതിച്ചിട്ടില്ല. ഇത് പറയുമ്പോൾ ദുർഗ ടീച്ചറിന്റെ കണ്ണുകൾ നിറയുന്നത് ഞാൻ ശ്രദ്ധിച്ചു. ഊണ് കഴിച്ചു ഇറങ്ങി സ്കൂളിലേക്ക് നടക്കുമ്പോൾ ദുർഗ ടീച്ചർ ആരെയോ ഫോൺ ചെയ്തു.ദാ ഞങ്ങൾ എത്തി എന്ന് പറഞ്ഞു.

അപ്പോഴാണ് മത്സര ഫലം അന്നൗൻസ് ചെയ്യുന്നത് കേട്ടത്. ലളിത ഗാനം ഒന്നാം സമ്മാനം വിനോദ് വി എസ് ഗവണ്മെന്റ് മോഡൽ സ്കൂൾ......
വിത്ത്