“എന്താ മധുവേട്ടാ…?”…
ദീപു ചിരിയോടെത്തന്നെചോദിച്ചു..
അത് കേട്ട് മധു അവന്റെ അടുത്തേക്ക് വന്നു..
“എന്താടാ പട്ടീ നീയെന്റെ മോളേ ചെയ്തേ… ?”..
കരുത്തുറ്റ ദേഹം നിറയെ വിയർപ്പുമായി
നിന്ന് മധു മുരണ്ടു… ദീപു അന്തം വിട്ടു.. ഇത്തരം ഒരു ഭാവം ഇത് വരെ അയാളിൽ കണ്ടിട്ടില്ല..
“ചോദിച്ചത് കേട്ടില്ലേടാ നീ… എന്താ എന്റെ മോളുമായി നിനക്ക് ബന്ധം… ?’’..
അടുക്കളയിലെ സംഭവം ഇയാൾ കണ്ടെന്ന് ദീപൂന് മനസിലായി..ആദ്യം ഒന്ന് പേടിച്ചെങ്കിലും പിന്നെ അവന് പേടിയൊന്നും തോന്നിയില്ല..
“എന്താ മധുവേട്ടാ പ്രശ്നം… ?”..
ചിരിച്ച് കൊണ്ട് തന്നെയാണ് ദീപു ചോദിച്ചത്..
“പ്രശ്നം എന്താന്ന് നിനക്കറിയില്ലേ… ?..
അടുക്കളയിൽ വെച്ച് എന്താടാ പട്ടീ എന്റെ മോളെ നീ ചെയ്തത്… ?”..
തല്ലാനെന്നവണ്ണം മധു കയ്യൊന്ന് കുടഞ്ഞു..ഇയാളോടൊന്ന് കിട്ടിയാൽ താൻ കറങ്ങി വീഴുമെന്ന് ദീപൂനറിയാം..
“മധുവേട്ടനെന്താ കണ്ടത്… ?”..
സൗമ്യനായിത്തന്നെയാണ് ദീപു ചോദിച്ചത്..
“ ഞാനെല്ലാം കണ്ടെടാ… എല്ലാം കണ്ടു..
എന്റെ മോളെ നശിപ്പിക്കാൻ നോക്കിയാ വെട്ടിക്കീറും പട്ടീ…”..
മധു നിന്ന് വെളിച്ചപ്പാട് തുള്ളി..ദീപൂനൊരു പേടിയും തോന്നിയില്ല..
“അങ്ങിനെയാണെങ്കിൽ ആദ്യം നിങ്ങളെയല്ലേ വെട്ടിക്കീറേണ്ടത്… ?”..
ദീപൂന്റെ ചോദ്യത്തിൽ മധുവൊന്ന് പകച്ചു.. താൻ കലിതുള്ളിയിട്ടും ഇവൻ പേടിക്കാത്തതിൽ അയാൾക്കൊരു പന്തികേട് തോന്നി..
ഡിയർ സ്പൽബു താങ്കളെ പോലെ എഴുതാൻ താങ്കൾ മാത്രം. എന്തൊരു എഴുതാണിത്തെന്റിഷ്ടാ.കലക്കി.അടുത്ത പാർട്ടിനു വേണ്ടി അക്ഷമയോടെ കാത്തിരിക്കുന്നു.
സസ്നേഹം