?️ സ്വർഗ്ഗ ദ്വീപ് 10?️ [അതുല്യൻ] 531

അപ്പോഴേക്കും ഹെലികോപ്റ്റർ ദ്വീപിലേക്ക് തിരിച്ച് എത്തിയിരുന്നു. ആകെ തളർന്ന പോലെ ആദിത്യൻ പ്രധാന വീട്ടിലേക്ക് നടന്നു പക്ഷെ അവൻ മനസ്സ് കൊണ്ട് സന്തോഷിക്കുക ആയിരുന്നു. സ്വപ്നയിൽ നിന്ന് അവൻ പ്രതീക്ഷിച്ചതിനെ കാൾ കൂടുതൽ വിവരങ്ങൾ കിട്ടി. എൽദോ അവളെ ഭീക്ഷണിപ്പെടുത്തിയതിനും കാമ ആവശ്യങ്ങൾക്ക് വേണ്ടി ഉപയോഗിച്ചതും മാത്രം കാണിച്ചാൽ അയാൾക്ക് ശിക്ഷ വാങ്ങി കൊടുക്കാൻ പറ്റും എന്ന് ആദിത്യന് ഉറപ്പായിരുന്നു.

ഇപ്പോൾ ആദിത്യന് ദ്വീപിൽ മറ്റൊരു സുഹൃത്തിനെ കൂടി കിട്ടി. എൽദോ രണ്ട് മുഖം ഉള്ള ഒരു ചെന്നായ് ആണെന്ന് ആദിത്യന് മനസ്സിലായി. സേഫ് റൂം ഇവിടെ ഉണ്ടെന്ന് ഉറപ്പിക്കുക മാത്രമല്ല അത് എവിടെ ആണ് ഉള്ളത് എന്നും അതിലേക്ക് എങ്ങനെ കയറാം എന്നും സ്വപ്നയിൽ നിന്ന് മനസ്സിലായി. ഇപ്പോൾ അറിഞ്ഞ വിവരങ്ങൾ എത്രയും പെട്ടെന്ന് റോക്കിയെ അറിയിക്കണം മാത്രമല്ല എൽദോയെ പിന്തുടർന്ന് സേഫ് റൂമിലേക്ക് കയറാൻ ഉള്ള കോഡും കണ്ട് പിടിക്കാൻ പറയണം.

ആദ്യം മുറിയിലേക്ക് പോയി ഷവറിലോ ബാത്ടബ്ബിലോ ഒന്ന് കുളിക്കണം. പറ്റുമെങ്കിൽ പ്രിയയുമായി ഉണ്ടാവാൻ സാധ്യത ഉള്ള വഴക്ക് ഒഴിവാക്കണം.

‘സംഭവിച്ച് കൊണ്ട് ഇരിക്കുന്ന കാര്യങ്ങളെ കുറിച്ച് എനിക്ക് വേണമെങ്കിൽ പ്രിയയോട് പറയാം.’ ആദിത്യൻ ചിന്തിച്ചു. അവൻ കൂടുതൽ ചിന്തിച്ചപ്പോൾ അത് ചിലപ്പോൾ പ്രെശ്നം ആയേക്കാം എന്ന് അവന് തോന്നി. അത് അവളെ വിശ്വാസം ഇല്ലാത്തത് കൊണ്ട് അല്ല പക്ഷെ ഒരു രഹസ്യം കുറച്ച് പേർ അറിയുമ്പോൾ മാത്രമാണ് അത് ഒരു രഹസ്യമായി തന്നെ ഇരിക്കുക.

പിന്നെ മുറിയിൽ ഉണ്ടാകാൻ സാധ്യത ഉള്ള ഒളി ക്യാമറകളുടെ കാര്യം അവൾ അറിഞ്ഞാൽ അവളുടെ പെരുമാറ്റത്തിൽ ഉണ്ടാകുന്ന അസ്വാഭാവികത അത് ഒപ്പി എടുക്കാൻ സാധ്യത ഉണ്ട്. അതും അല്ലെങ്കിൽ ഓർക്കാതെ എന്തെങ്കിലും കാര്യങ്ങൾ തുറന്ന് പറഞ്ഞ് എല്ലാം കുളമാക്കാനും സാധ്യത ഉണ്ട്.

“ഹായ് ലക്ഷ്മി.” സ്യൂട്ടിലെ ലൗഞ്ചിലേക്ക് കയറിയപ്പോൾ അവിടെ ലക്ഷ്മി ഇരിക്കുന്നത് കണ്ട് ആദിത്യൻ ചോദിച്ചു. “കാര്യങ്ങൾ എല്ലാം എങ്ങനെ പോകുന്നു?.”

“കുഴപ്പമില്ല.” ലക്ഷ്മി ഒരു തണുപ്പൻ മട്ടിൽ മറുപടി പറഞ്ഞു. “ഞാൻ താങ്കളെ രാത്രി ഭക്ഷണത്തിന് ശേഷം കാണാം.” ഇത് പറഞ്ഞ് കൊണ്ട് ലക്ഷ്മി അവളുടെ ലാപ്ടോപ്പും എടുത്ത് കൊണ്ട് പ്രധാന വാതിൽ അടച്ച് പുറത്തേക്ക് പോയി.

ഇത് കണ്ട് ആദിത്യൻ ഒന്ന് മുരണ്ടു പിന്നെ അവൻ ആലോചിച്ചു താൻ സ്വപ്നയുമായി ഹെലികോപ്റ്ററിൽ പോയത് ഇവർ അറിയാൻ സാധ്യത ഉണ്ട്. അത് കൊണ്ട് താൻ അവളുടെ കൂട്ടുകാരിയെ വഞ്ചിക്കുക ആണെന്ന ദേഷ്യത്തിൽ ആയിരിക്കും അവൾ അങ്ങനെ പെരുമാറിയത്.

“പ്രിയ?.” ആദിത്യൻ വിളിച്ചു.

“ഞാൻ ഇവിടെ ബാത്‌റൂമിൽ ഉണ്ട് ആദിത്യ.” പ്രിയ അകത്ത് നിന്ന് വിളിച്ച് പറഞ്ഞു.

ആദിത്യൻ ബാത്റൂമിലേക്ക് പോയി. അവിടെ പ്രിയയെ കണ്ടപ്പോൾ ചോദിച്ചു. “നിനക്ക് സുഖം അല്ലെ?.”

“കുഴപ്പമില്ല നീ ഇവിടെ ഇരിക്ക്. നമുക്ക് സംസാരിക്കാൻ ഉണ്ട് ആദിത്യ.” പ്രിയ ഒരു ഭാവ വെത്യാസവും ഇല്ലാതെ പറഞ്ഞു. “നീ ജൂഡിന്റെ കൂടെ സംസാരിച്ച് നിന്നത് കൊണ്ട് അല്ല വൈകിയത് എന്ന് എനിക്ക് അറിയാം. നീ ഹെലികോപ്റ്ററിൽ ആയിരുന്നു എന്ന് എനിക്ക് അറിയാം. അത് ആരുടെ കൂടെ ആയിരുന്നു എന്നും എനിക്ക് അറിയാം.”

“ഞാൻ ഹെലികോപ്റ്ററിൽ സ്വപ്നയുടെ കൂടെ ആയിരുന്നു.” ആദിത്യൻ തല ആട്ടി കൊണ്ട് പറഞ്ഞു. അവൻ അവളോട് പറയാൻ വേണ്ടി തീരുമാനിച്ച കാര്യങ്ങൾ മനസ്സിൽ ഇട്ട് ആലോചിക്കാൻ തുടങ്ങി. അവന് അകെ പ്രാന്ത് പിടിക്കുന്നത് പോലെ തോന്നി. ആദിത്യൻ തല കുടഞ്ഞ് കൊണ്ട് പറഞ്ഞു. “അതെ സ്വപ്ന ഞാൻ ഇന്നലെ രാത്രി നിന്നോട് പറഞ്ഞതല്ലേ കഴിഞ്ഞ ദിവസം രാത്രി എന്റെ