സ്വർഗ്ഗ ദ്വീപ് 5 [അതുല്യൻ] 430

“അവിടെ ജോലി ചെയ്തിരുന്ന സെക്യൂരിറ്റികളെയും കണ്ട് പിടിച്ചു”, പ്രിയ പറഞ്ഞു.

“ആദിര സ്ട്രിപ്പ് ക്ലബ്ബിൽ നിന്ന് എപ്പോൾ വിട്ട് പോയി”, ആദിത്യൻ ചോദിച്ചു.

“അവൾ ആറുമാസങ്ങൾക്ക് മുൻപ് അവിടെ നിന്ന് പോയി. അതിന് ശേഷം അവളുടെ സമ്പാദ്യത്തിൽ നിന്ന് ജീവിച്ച് പൊന്നു.”

“അവളുടെ കൂടെ ജോലി ചെയ്തിരുന്നവരുടെ വായടക്കാൻ മനു വർമ്മ എന്താണ് ചെയ്തത്?”, ആദിത്യൻ ചോദിച്ചു.

“അവൾ ജോലി ചെയ്തിരുന്നതിൽ പണത്തിന് വേണ്ടി എന്തും ചെയുന്നതായ മയക്ക് മരുന്നിന് അടിമകളായ പെൺകുട്ടികൾക്ക് അവരുടെ തന്നെ വീഡിയോ കാണിച്ച് കൊടുത്ത് അവരെ ഒരു റീഹാബിലിറ്റേഷൻ സെന്ററിൽ ആക്കി അവർക്ക് ജോലിയും നൽകി. പഴയ ഉടമസ്ഥനെ പോലീസ് അൻപത്കിലോ കഞ്ചാവുമായി പൊക്കി. അവനിപ്പോൾ ജെയിലിൽ സുഖവാസത്തിൽ ആണ്. അവിടെ ജോലി ചെയ്തിരുന്നതിൽ അഞ്ച് സെക്യൂരിറ്റി ഗാർഡുകൾ ഇപ്പോൾ സാമ്പിയായ്യിൽ സെക്യൂരിറ്റി ഉപദേഷ്ടാവായി ജോലി ചെയുന്നു. മറ്റൊരാൾ അഫ്ഗാനിസ്ഥാനിൽ ജോലി ചെയുന്നു. പിന്നെ അവിടെ ഉണ്ടായിരുന്ന വേറൊരു സെക്യൂരിറ്റി ഗാർഡിന് പുറത്തേക്ക് പോകാൻ താല്പര്യം ഇല്ലാത്തത് കൊണ്ട് അയാൾക്ക് ഒരു കൺസ്ട്രക്ഷൻ കമ്പനി അവന്റെ അനിയന്റെ കൂടെ തുടങ്ങാൻ ഉള്ള സഹായങ്ങൾ നൽകി. അവർക്ക് അടുത്ത് തന്നെ അവരുടെ കമ്പനി നിലനിർത്തി കൊണ്ട് പോകാൻ ഒരു ബിൽഡിങ് മെയ്ന്റനെൻസിന് വേണ്ടിയുള്ള കുറച്ച് വർഷത്തേക് ഉള്ള ഒരു ഉടമ്പടി നമ്മുടെ കമ്പനി ഒപ്പ് വയ്ക്കും”.

“ബാക്കി ഉണ്ടായിരുന്ന ഡാൻസർമാരുടെ കാര്യമോ?”, ആദിത്യൻ ചോദിച്ചു.

“കുറച്ച് സ്കോളർഷിപ്പുകളും സാമ്പത്തിക സഹായവും അവർക്ക് നൽകി. ചിലരുടെ കുടുംബക്കാരുടെ ആശുപത്രി ചിലവുകളും വഹിച്ചു. ചിലവർക്ക് ജോലിയും നൽകി. അതിൽ ഒരുത്തി ആദിരയുടെ കൂടെ താമസിച്ചിരുന്ന അഞ്ജലി. അവൾ മിണ്ടാതെ ഇരിക്കണമെങ്കിൽ ഒരു പോർഷെ വാങ്ങി കൊടുക്കണം എന്ന് പറഞ്ഞു. അത് കൊണ്ട് കാരറ്റിന് പകരം ഞങ്ങൾക്ക് കാരറ്റ് കയറിൽ കെട്ടിതൂക്കിയിട്ടിരുന്ന വടി കാണിക്കേണ്ടി വന്നു.”

“വടി കാണിക്കേണ്ടി വന്നു എന്നോ?. എന്താണ് നിങ്ങൾ അത്കൊണ്ട് ഉദ്ദേശിക്കുന്നത്?”, ആദിത്യൻ ചോദിച്ചു.

“ഇങ്ങനെ ഉള്ളവരുമായി നമ്മൾ ഒരു ബിസിനസ്സിന് സംസാരത്തിന് പോകുമ്പോൾ സാധാരണ സമയം കളയാൻ ഇല്ലാത്തത് കൊണ്ട് നമ്മൾ തുറന്നതും എന്നാൽ അടഞ്ഞതുമായ ഒരു വ്യവസ്ഥയും ആയിട്ടാണ് പോവുക. നമ്മൾ ആദ്യം അവരെ കാരറ്റ് കാണിക്കും അവർ അതിന്റെ നേരെ ആണ് പോകുന്നതെങ്കിൽ നല്ല സ്വഭാവത്തിന് ഒരു സാമ്പത്തിക സമ്മാനവും ലഭിക്കും. അതല്ല വടിയുടെ നേരെ ആണ് പോകുന്നത് എങ്കിൽ അവർ ജീവിതകാലം മുഴുവൻ നമ്മുടെ നിരീക്ഷണത്തിൽ ആയിരിക്കും. അവർക്ക് കാരറ്റും വടിയും കിട്ടും.”

“എനിക്ക് ബിസിനസ്സ് ലോകത്തെ കാരറ്റും വടിയും അറിയാം. കമ്പനികളിൽ കിട്ടുന്ന സ്ഥാനക്കയറ്റം പോലെ ആണ്. ഇതിൽ കാരറ്റ് ശമ്പള കൂടുന്നത് ആണെങ്കിൽ വടി പണിയെടുപ്പിച്ച് കൊല്ലും എന്നുള്ളത് ആണ്. ഞാൻ ചോദിക്കുന്നത് ഏത് രീതിയിൽ ഉള്ള വടിയാണ് അവൾക്ക് കാണിച്ചത് എന്നാണ്?”, ആദിത്യൻ ഈർഷ്യയോടെ ചോദിച്ചു.

“അവളെ ഒരു രാത്രി അവളുടെ ബെഡ്‌റൂമിൽ നിന്ന് നമ്മുടെ ഒരു ഏജന്റ് വിളിച്ച് എഴുനെല്പിച്ചപ്പോൾ അവളുടെ മുറിയിൽ ആഞ്ഞുറ്കിലോ അരിപ്പൊടി നല്ല പ്ലാസ്റ്റിക് കവറുകളിൽ അവൾക്ക് ചുറ്റും നിരന്ന് കിടക്കുക ആയിരുന്നു. ആ പ്ലാസ്റ്റിക് ബാഗുകൾ കണ്ടാൽ മയക്ക് മരുന്ന് ആണെന്ന് തോനിക്കുമായിരുന്നു.”

ആദിത്യൻ തല ആട്ടി ബാക്കി തുടരാൻ ആംഗ്യഭാഷയിൽ അനുവാദം നൽകി.

“അവളുടെ കട്ടിലിൽ അവളെ എങ്ങനെ ആണ് മയക്കി കിടത്തിയത്