🏝️ സ്വർഗ്ഗ ദ്വീപ് 8🏝️ [അതുല്യൻ] 525

ഇത് കേട്ട് ആദിത്യൻ ആശ്ചര്യത്തോടെ പറഞ്ഞു. “ഇവിടെ അദ്ദേഹം ഒന്ന് പണിതിട്ട് ഉണ്ടാവും എന്ന് ഞാൻ വിചാരിച്ചു. അദ്ദേഹത്തിന് അടഞ്ഞ മുറിയിൽ ഇരിക്കാൻ പേടി വല്ലതും ഉണ്ടായിരുന്നോ.”

“എനിക്ക് അറിയില്ല.” എൽദോ തോൾ കൂച്ചി കൊണ്ട് പറഞ്ഞു. “പക്ഷെ ഇവിടെ അങ്ങനെ ഒരു മുറി ഇല്ല എന്ന് എനിക്ക് ഉറപ്പ് പറയാൻ പറ്റും മാസ്റ്റർ ആദിത്യ.”

“ഓഹ് എന്നാൽ ശെരി.”

“വേറെ എന്തെങ്കിലും സഹായം താങ്കൾക്ക് ആവശ്യം ഉണ്ടോ മാസ്റ്റർ ആദിത്യ?.”

“ഇല്ല വേറെ ഒന്നും ഇല്ല. ഒരു നിമിഷം . . . . പ്രിയ പറഞ്ഞു അവളുടെ ബാത്റൂമിലെ ഷവറിന്റെ എന്തോ പാർട്ട് വരാൻ വേണ്ടി നിങ്ങൾ കാത്തിരിക്കുക ആണെന്ന്.”

“താങ്കൾക്ക് എന്തോ തെറ്റ് പറ്റിയത് ആണെന്ന് എനിക്ക് തോനുന്നു മാസ്റ്റർ ആദിത്യ.” ഒരു അമ്പരപ്പോടെ എൽദോ പറഞ്ഞു. “എന്റെ അറിവിൽ താങ്കളുടെ സ്യൂട്ട് റൂമിലെ ഒരു സാധനത്തിനും ഒരു തകരാറും ഇല്ല.”

“ആണോ?.” ആദിത്യൻ ചോദിച്ചു. അപ്പോൾ പ്രിയ തന്റെ ബാത്റൂം ഉപയോഗിക്കാൻ വേണ്ടി ഒരു കളവ് പറഞ്ഞത് ആണോ? അവൻ ചിന്തിച്ചു.

“എനിക്ക് ഉറപ്പാണ് മാസ്റ്റർ ആദിത്യ. എന്തായാലും ഞാൻ മെയ്ന്റനെൻസ് ആൾക്കാരെ കൊണ്ട് ഒന്ന് കൂടി ഇപ്പോൾ തന്നെ നോക്കിക്കാം.”

“അതിന്റെ ആവശ്യം ഇല്ല.” ആദിത്യൻ തല കുടഞ്ഞ് കൊണ്ട് പറഞ്ഞു. “പ്രിയ വേറെ എന്തോ പറഞ്ഞത് ഞാൻ കേട്ടതിൽ ഉള്ള കുഴപ്പം ആയിരിക്കും.”

“അങ്ങനെ ആണെങ്കിൽ കുഴപ്പം ഇല്ല മാസ്റ്റർ ആദിത്യ.” എൽദോ തല ആട്ടി കൊണ്ട് പറഞ്ഞു.

“നന്ദി എൽദോ. എനിക്ക് അത്രയും അറിഞ്ഞാൽ മതി.”

“ഇന്ന് താങ്കൾക്ക് നല്ലൊരു ദിവസം ആയിരിക്കട്ടെ സാർ.” എൽദോ മറുപടി പറഞ്ഞു.

“നിങ്ങൾക്കും.” ആദിത്യൻ പുറത്തേക്ക് പോകുമ്പോൾ പറഞ്ഞു. പ്രിയ തന്റെ ബാത്‌റൂമിൽ കുളിക്കാൻ വേണ്ടി കള്ളം പറഞ്ഞു എന്ന കാര്യം ആദിത്യന്റെ മുഖത്ത് ഒരു പുഞ്ചിരി വിടർത്തി. പിന്നീട് അവളുടെ ബാത്റൂം ഒന്ന് കയറി നോക്കണം എന്ന് അവൻ മനസ്സിൽ കുറിച്ചു. അവന്റെ ശ്രെദ്ധ എൽദോ ദ്വീപിൽ ഒരു സേഫ് റൂം പോലും ഇല്ല എന്ന് പറഞ്ഞ കാര്യത്തിലേക്ക് തിരിച്ച് പോയി. റോക്കി പേപ്പർ കഷണത്തിൽ എഴുതിയത് വച്ച് നോക്കുമ്പോൾ ഇവിടെ ഒന്ന് ഉണ്ടായിരിക്കേണ്ടത് ആണ്. ആലോചിച്ചപ്പോൾ അത് തന്നെ ആണ് ശെരി എന്ന് ആദിത്യന് തോന്നി.

“മനു വർമ്മ അങ്ങനെ ഒന്ന് ഇവിടെ പണിതില്ല എന്ന് വിശ്വസിക്കാൻ പറ്റുന്നില്ല.” അവൻ പുറത്തേക്ക് പോകുമ്പോൾ സ്വയം പറഞ്ഞു. റോക്കിയെ ഉച്ചക്ക് കാണുമ്പോൾ ഇതിനെ കുറിച്ച് സംസാരിക്കണം എന്ന് അവൻ മനസ്സിൽ കുറിച്ചു.

ആദിത്യൻ ലൗജിലേക്ക് എത്തിയപ്പോൾ അഡ്വക്കേറ്റ് പ്രഭാകരൻ അവന് വേണ്ടി കാത്തിരിക്കുക ആയിരുന്നു. നടന്ന് കൊണ്ട് സംസാരിക്കാം എന്ന് പറഞ്ഞ് കൊണ്ട് അവർ പുറത്തേക്ക് ഇറങ്ങി നടന്നു.

“നമ്മൾ ആദ്യം കണ്ടപ്പോൾ ഞാൻ താങ്കളുടെ വക്കീൽ ആണോ എന്ന് എന്നോട് ചോദിച്ചിരുന്നു.” അയാൾ ആദിത്യനോട് പറഞ്ഞു,