തമി 3 [Maayavi] 638

അമ്മയെ കൂടാതെ ബാലഗണപതിയും കുഞ്ഞി കൃഷ്ണമുണ്ട്.ഗണേശന്റെ പ്രധാന വഴിപാട് മോധകമാണ്.മോധകം കൊടുത്താൽ ഗണേശൻ എന്തും നടത്തി തരും.പണ്ട് കണക്കുമാഷ് വരാണ്ടിരിക്കാനും കുരുത്തക്കേട് കാണിച്ചാൽ അമ്മ അടിക്കാണ്ടിരിക്കാനും കൊറേ മോധകം വാങ്ങി വെച്ചിട്ടുണ്ട്.ഗണേശന്റെ ശക്തിയോ അതോ കണക്കു മാഷിന്റെ പനിയോ എന്തോ അന്നു സാർ ക്ലാസ്സിൽ വന്നില്ല.പിന്നെ എപ്പോഴും മോധകം വാങ്ങി വെക്കൽ പതിവായി.

പിന്നെ കുഞ്ഞികൃഷ്ണൻ,ഒരു പിടി വെണ്ണ കൊടുത്താൽ ആള് നമ്മടെ പോക്കറ്റിലാകും.പണ്ട് കാണിച്ചുകൂട്ടിയ പൊട്ടത്തരങ്ങൾ ഓരോന്നും അയവിറക്കി വണ്ടി ഞങ്ങളെയും വഹിച്ചുകൊണ്ട് അമ്പലത്തിലെത്തി.

നല്ല തിരക്കുണ്ടെന്നു തോന്നുന്നു ഇഷ്ട്ടംപോലെ വണ്ടികൾ നിർത്തിയിട്ടിരിക്കുന്നു.പുൽതകിടിയിലേക്ക് വണ്ടി ഉതുക്കിയിട്ടു.കാറിൽ തന്നെ ചെറുപ്പും അഴിച്ചിട്ടു ഇറങ്ങി.കൈ രണ്ടും രണ്ടുവശത്തേക്കാക്കി മൂരി നിവർത്തി.എത്രയും നേരം വണ്ടി ഓടിച്ചതിന്റെ ക്ഷീണമാണോന്നു ചോതിച്ചാൽ അല്ല വെറും ഷോ! അത്രയുള്ളൂ.പിന്നിൽ രണ്ടു ഡോറും തുറന്നടയുന്ന ശബ്ദം കേട്ടു രണ്ടാളും ഇറങ്ങിയിട്ടുണ്ട്.അവരെ നോക്കണ്ട നേരെ നടന്നു.

കാലിലൂടെ തണുപ്പരിച്ചു കയറുന്നുണ്ട് നല്ല സുഖം!പുൽത്തകിടിയിൽ പറ്റിപിടിച്ചിരുന്ന ചെറു മഞ്ഞിൻ കണങ്ങൾ കാലിൽ മുതമിട്ടു ഒഴിഞ്ഞു മാറി.മുന്നിൽ വിശാലമായൊരു കുളമുണ്ട് അതിനു ശേഷമാണ് കോവിൽ.ആളുകളുടെ നല്ല തിരക്കുണ്ട്.കുഞ്ഞുകുട്ടികൾ മുതൽ പ്രായമായ അമ്മുമ്മമാർ വരെ ഹാജരായിട്ടുണ്ട്.

ആദ്യം കുളത്തിലെ വെള്ളം കൊടഞ്ഞിട്ട് വേണം കോവിലിനുള്ളിൽ കയറാൻ.ഞാൻ കയറുന്നില്ലല്ലോ അതോണ്ട് കുളത്തിന്‌ ചുറ്റും കെട്ടിയ കൈവരിയിൽ ഞാന്നു കൊണ്ട് സ്ത്രീ ജനങ്ങൾക്കായി കാത്തിരുന്നു.അധികം താമസിക്കാതെ ലെച്ചു എന്നെ പാസ്സ് ചെയ്തു കുളത്തിന്റെ കൽപ്പടവിൽ നിന്നും വെള്ളം തലയിൽ തളിച്ച് കയറി പോയി.ഞാൻ അവിടെ നിന്നിട്ടു പോലും മൈൻഡ് ആക്കിയില്ല.അടുത്താളുടെ വരവിനായി കാത്തിരുന്നിട്ട് കണ്ടതുപോലുമില്ല.തിരിഞ്ഞവിടെല്ലാം നോക്കിയിട്ടും ആളുടെ പൊടി പോലുമില്ല.ഇവളിതെവിടെ പോയി.ആ ആർക്കറിയാം!വീണ്ടും അവിടെല്ലാം വായി നോക്കി നടന്നു.എന്തോ ഒരു ബോറുപോലെ.വീണ്ടും കുളത്തിന്റെ കൈ വരിയിലെത്തി.ആ എന്തായാലും വന്നു,ഇനി കേറി തൊഴുത്തേക്കാം.മനസിലുറപ്പിച്ചു കുളത്തിലേക്കിറങ്ങി.നല്ല രീതിയിൽ വെള്ളമുണ്ട്.വലിയ കുളമാണ് അതിനു ഒത്ത നടുക്കായി ഒരു ശിവ പ്രതിമയും.ഗംഗാ ദേവിയുടെ ഉത്ഭവം കാണിക്കാൻ എന്നപോലെ തലയിൽ നിന്നും വെള്ളം കുളത്തിലേക്ക് വീഴുന്നുണ്ട്.എന്തോ ഇലക്ട്രിക് വർക്.പക്ഷെ അതൊരു കൗതുകം തന്നെയാണ്.പാന്റിന്റെ അടിവശം തെരുത്തുകെറ്റി വെള്ളം നിറഞ്ഞുനില്ക്കുന്നതിനു തോട്ടു താഴ വരെയുള്ള പടിക്കെട്ടിലിറങ്ങി. ഒരു മിനിറ്റ് നേരം വെള്ളത്തിൽ കാൽ അനക്കാതെ വെച്ചു.ചെറിയ പരൽ മീനുകൾ കാലിൽ ഇക്കിളി കൂട്ടുന്നു.നല്ല സുഖം.ഒരു കുമ്പിൽ വെള്ളം കോരി കൈയൊന്നു നനച്ചു പിന്നെ ഇച്ചിരി വെള്ളം തലക്കുമുകളിൽ തളിച്ച് വെള്ളത്തിൽ നിന്നും കയറി.നേരെ കോവിലിനു മുന്നിൽ പോയി നിന്നും തൊഴു കയ്യോടെ കാളിയമ്മേ വണങ്ങി.ചുറ്റമ്പലത്തിനുള്ളിലാണ് കാളിയമ്മ. ബാക്കിയെല്ലാരും പുറത്തുമാണ് കുടികൊള്ളുന്നത്.പുറത്തു നിന്നു തൊഴുതു അകത്തേക്ക് കയറി.കയറിയതും ഒരു ജനകൂട്ടം തന്നെയാരുന്നു അതിനുള്ളിൽ.ഞെട്ടിപ്പോയി.എത്രയും തിരക്കു പ്രതീക്ഷിച്ചിരുന്നില്ല.കൂട്ടത്തിൽ ഏതൊരു മൂപ്പിന്നു വന്നു ഷർട്ടുരാൻ പറഞ്ഞു.എന്തോ എത്രയും ആളുകളുടെ മുന്നിൽ എന്റെ ബോഡി പ്രദർശിപ്പിക്കാനൊരു ചമ്മൽ ആ മൂപ്പിന്നിന്റെ കൂർപ്പുച്ചു നോട്ടം കണ്ടപ്പോൾ മനസില്ലാ മനസോടെ ഷർട്ടൂരി.മുന്നോട്ടു നടക്കുമ്പോൾ കണ്ടു രസീതെടുക്കുന്ന കൂട്ടത്തിൽ ലെച്ചുനെ.ആളുടെ മുഖത്തൊരു ചിരിയുണ്ട്.