സുതാര്യമായ തടവറ 2 [ഒറ്റയ്ക്ക് വഴിവെട്ടി വന്നവൻ] 218

പക്ഷേ സാമിന്റെ ആ വന്യമായ ലഹരി അവൾക്ക് ഉപേക്ഷിക്കാൻ കഴിയുമായിരുന്നില്ല.

​നതാഷ: (വളരെ പ്രയാസപ്പെട്ട് ഒരു കള്ളച്ചിരി വരുത്തിക്കൊണ്ട്)
“മാത്യു… ഐ ആം സോ സോറി.

നിങ്ങൾക് ലഭിച്ച ഈ വിജയം എനിക്കും വലിയ സന്തോഷമാണ്.
പക്ഷേ… ഇന്ന് രാത്രി റേഡിയോ ഷോ മാറ്റിവയ്ക്കാൻ കഴിയില്ല.
ഒരുപാട് കമ്മിട്ട്മെന്റ്സ് ഉള്ളതല്ലേ… എനിക്ക് അത് മാറ്റി വെക്കാൻ കഴിയില്ല. പിന്നെ നിനക്കറിയാമല്ലോ, ആത്മഹത്യാ പ്രതിരോധ വാരമായത് കൊണ്ട് ഇന്ന് ലൈവ് കോളുകൾ ഒരുപാടുണ്ടാകും…”

​മാത്യു: (മുഖത്തെ ആവേശം പതുക്കെ കെട്ടടങ്ങി) “ഇന്ന് മാത്രമെങ്കിലും ഒന്ന് ഒഴിവാക്കിക്കൂടേ നതാഷാ? എനിക്ക് നിന്നോട് കുറെ കാര്യങ്ങൾ ഷെയർ ചെയ്യാനുണ്ട്.”

​നതാഷ: (അയാളുടെ കൈകൾ പതുക്കെ മാറ്റി) “വേണ്ട മാത്യു…
പ്രൊഫഷണൽ ലൈഫ് നമുക്ക് മാറ്റി വെക്കാൻ പറ്റില്ലല്ലോ.
നിങ്ങളുടെ സർജറി പോലെ തന്നെ ഇതും എനിക്ക് പ്രധാനമാണ്. നമുക്ക് ഈ വീക്കെൻഡ് ഉറപ്പായും പോകാം. പ്ലീസ്… നിങ്ങൾ വിഷമിക്കരുത്.”

​മാത്യു ഒന്നും മിണ്ടാതെ അടുക്കളയിലേക്ക് മടങ്ങി.
അയാൾ ഉണ്ടാക്കിയ ഭക്ഷണത്തിന്റെ ഗന്ധം ഇപ്പോൾ നതാഷയ്ക്ക് ഒരു ശിക്ഷ പോലെ തോന്നി.

അവൾ വേഗത്തിൽ മുകളിലെ നിലയിലേക്ക് ഓടി.
മുറിയിലെത്തി വാതിലടച്ച ശേഷം അവൾ ആ ചുവന്ന പാടുകളുള്ള തന്റെ കൈകളിൽ നോക്കി വിറങ്ങലിച്ചു നിന്നു.

​ഒരു വശത്ത് തന്നെ സ്നേഹിക്കാൻ തുടങ്ങുന്ന ഭർത്താവ്, മറുവശത്ത് തന്നെ ഭ്രാന്ത് പിടിപ്പിക്കുന്ന കാമുകൻ.!!

നതാഷ കണ്ണാടിയിൽ നോക്കി.

തന്റെ ആ സുതാര്യമായ തടവറയുടെ വാതിൽ ഇന്ന് രാത്രി അവൾക്ക് മുന്നിൽ കൂടുതൽ കഠിനമായി തോന്നിയെങ്കിലും, സാമിന്റെ ഹിമാലയൻ ബൈക്കിന്റെ ഗർജ്ജനം അവളുടെ ഉള്ളിൽ മുഴങ്ങിക്കൊണ്ടിരുന്നു.