വിത്തുകാള 7 [Rathi Devan] 530

മൂത്രമൊഴിച്ചുകഴിഞ്ഞ് മഗ്ഗിലെ വെള്ളത്താൽ അവിടം കഴുകി അവൾ എഴുന്നേറ്റു. കോണകംവീണ്ടും കുത്താനുള്ളത് കൊണ്ട് കുറച്ചു സമയമെടുത്തു. കാലൽപം താഴ്ത്തി അവൾ തുടയിൽ ഒന്ന് തുടച്ചു. തുടയിലെ നനവ് തുടച്ചതാവും.പിന്നെ കോണക വാല് പിറകിൽ കുത്തി ഉറപ്പിച്ചു. ഒരു ചെറുപ്പക്കാരന്റെ കണ്ണുകൾക്ക് തന്റെ നഗ്നമായ കുണ്ടികളും തുടകളും വിരുന്നൂട്ടിയതറിയാതെ അവൾ അകത്തേക്ക് കയറി വാതിലടച്ചു.

വിനയൻ വീണ്ടും കട്ടിലിൽപോയി കിടന്നു.ഓർമ്മകൾ കുട്ടിക്കാലത്തേക്ക് ചിറകടിച്ചു. ഗൗരി അവന്റെ അയൽവാസിയാണ്. അവനെക്കാൾ മൂന്ന് വയസ്സ് മൂത്തത് . അവൾക്കിപ്പോൾ ഇരുപത്തി നാലു വയസ്സായി കാണും. വിനയൻ പെൺകുട്ടികളുമായി അകൽച്ച പാലിക്കാൻ വിശേഷിച്ച് കരണമൊന്നുമില്ല എന്ന് തുടക്കത്തിൽ പറഞ്ഞെങ്കിലും ചെറിയൊരു കാരണം ഉണ്ടായിരുന്നു.ആ കാരണം ഗൗരി ആയിരുന്നു.

ഗൗരിയുടെ അമ്മ ഇന്ദിര വല്യമ്മക്ക് രണ്ടു പെണ്മക്കളാണ്. ഗൗരിയും ഗിരിജയു. ഗിരിജ അവന്റെ അതെ പ്രായമാണ്. ചെറുപ്പത്തിലേ അവന്റെ കളിക്കൂട്ടുകാരായിരുന്നു രണ്ടു പേരും .അവന്റെ അമ്മയുടെ ഏറ്റവും വലിയ കൂട്ടുകാരിയാണ് ഇന്ദിര വല്യമ്മ .ആൺകുട്ടികൾ ഇല്ലാത്തതുകൊണ്ട് വിനയനെ അവര്‍ക്ക് വലിയ കാര്യമായിരുന്നു.

ഗിരിജക്ക് 5 വയസ്സുള്ളപ്പോൾ ഗൗരിയുടെ അച്ഛൻ മരിച്ചു പോയിരുന്നു.അതിനു ശേഷം അവർ ഭക്തി മാർഗ്ഗത്തിലാണ്. ഗൗരിയെ പോലെ തന്നെ സുന്ദരിയാണ് ഇന്ദിരാമ്മയും. അവരെ കൂടാതെ അവളുടെ അച്ഛന്റെ സഹോദരി നളിനിയും ഉണ്ടവിടെ . നളിനിയും തന്റെ അമ്മയേക്കാൾ മൂത്തതാണെങ്കിലും ഗൗരി വിളിക്കുമ്പോലെ ചെറിയമ്മേ എന്നാണ് വിനയനും വിളിക്കുന്നത്.

അവരുടെ ജീവിതം ഒരു വൻ ദുരന്തമായിരുന്നു. ചെറുപ്പത്തിൽ അവർ ഒരു കീഴ് ജാതിക്കാരനുമായി പ്രണയത്തിലായി .തീവ്രമായ പ്രണയം. അവരുടെ പ്രതാപിയായ അമ്മാവന്റെ കാതിൽ വിവരമെത്തി. ദുരൂഹ സഹചര്യത്തിൽ അവരുടെ കാമുകൻ മരണപ്പെട്ടു. വിവാഹമേ വേണ്ടെന്നായി അവർ. അതിനിടയില്‍ ഒരാലോചന വന്നു. അപ്പോൾ അവരുടെ ജാതകത്തിൽ കടുത്ത ചൊവ്വ ദോഷം .ഭർത്താവ് വാഴില്ല.

പിന്നയും വർഷങ്ങൾ കഴിഞ്ഞു. അവരുടെ കഥ കേട്ടറിഞ്ഞ ഒരു മാഷ് ജാതകമൊന്നും നോക്കാതെ അവരെ വിവാഹം കഴിക്കാനുള്ള താല്പര്യം അവരുടെ അമ്മാവനെ അറിയിച്ചു .എല്ലാവരുടേയും നിർബന്ധത്തിനു വഴങ്ങി അവർ സമ്മതിച്ചു. എന്നാൽ കല്യാണത്തിന് മൂന്ന് ദിവസം മുൻപ് അയാൾ പാമ്പു കടിയേറ്റു മരിച്ചു. പിന്നെ കല്യാണമെന്ന വാക്ക് കേൾക്കുന്നതെ അവർക്കിഷ്ടമില്ലാതായി. വെളുത്ത വസ്ത്രങ്ങളെല്ലാം ധരിച്ച് അവരും ആദ്ധ്യാത്മിക ജീവിതം നയിക്കാൻ തുടങ്ങി. ഇന്ദിരയും നളിനിയും നാത്തൂൻ മാരാണെങ്കിലും ഒരമ്മപെറ്റ മക്കളെക്കാൾ സ്നേഹവും യോജിപ്പും ആയിരുന്നു രണ്ടു പേരും തമ്മിൽ.