? ഗോലിസോഡാ ? 6 [നെടുമാരൻ രാജാങ്കം] 160

ഞാൻ പറഞ്ഞില്ലേ…..?? കാരണം മകനെ നല്ല വിശ്വാസമാണ്. അല്ലാ ഒന്നോർത്താൽ ഞാനവളെ കൊന്ന് കാണുമെന്ന് അമ്മ പേടിച്ചതിൽ തെറ്റ് പറയാനൊക്കില്ല. അത്രക്കുണ്ടായിരുന്നല്ലോ ഇന്നലത്തെ എന്റെ പെർഫോമൻസ്……!!

 

ചിരിയോടെ ഞാൻ പുറത്തേക്കിറങ്ങി. അമ്മ അകത്തേക്കും.

 

സോഫാ മേൽ എന്ത് ചെയ്യണമെന്നോർത്ത് ഇരുക്കുമ്പോഴാണ് ആരുടെയോ നിഴലനക്കം കണ്ടേ. തിരിഞ്ഞ് നോക്കുമ്പോ തന്തപ്പടിയാണ്. എന്റെയല്ല അവളുടെ……!!

 

എന്നെ കൊല്ലുന്നൊരു നോട്ടവും നോക്കി അയാളും കേറിയത് മുറിയിലേക്കാണ്. പിന്നെ എന്റെ പിതാവ് വന്നു, തങ്കി വന്നു, പിങ്കി വന്നു, എല്ലാരും പല ഭാവങ്ങളിലായി എന്നെ നോക്കീട്ടാണ് മുറിയിലേക്ക് കേറിയത്. ഇങ്ങനെ മുറിയിൽ കേറി അവളെ കാണാൻ മാത്രം അവളെന്താ അവിടെ ഇരട്ട പ്രസവിച്ച് കിടക്കുവാണോ…??

 

അങ്ങനെ കൊറേനേരം അവിടെ തന്നെയിരുന്നു. പിന്നെ റോഡിലോട്ട് ഇറങ്ങി.

 

“”””””””””ഒരു ലൈറ്റ്സ്…….!!””””””””””

 

എടുത്ത് ചുണ്ടോട് ചേർത്ത് തീ പകർന്നു.

 

“””””””””തരമേ……””””””””””

 

പരിചയക്കാരന്റെ കടയായത് കൊണ്ട് തന്നെ വേറെ ചോദ്യവും പറച്ചിലുമൊന്നും ഇല്ലായിരുന്നു. എരിയുന്ന സിഗരറ്റുമായി ഞാൻ നടന്നു ഒരു ലക്ഷ്യം ഇല്ലാതെ.

 

………….. ❤️❤️ ……………

 

പിന്നെ വീട്ടിലോട്ട് കേറുന്നത് തന്നെ ഉച്ചയോട് ആവുമ്പോഴാണ്. അത് വരെ എവിടെയൊക്കെ കറങ്ങി തിരിഞ്ഞൂന്നെനിക്ക് തന്നെയറിയില്ല. ഹാളിലൊന്നും ആരേം കണ്ടില്ല. ഞാൻ നേരെ മുറിയിലേക്ക് കേറി. എപ്പോഴോ മറന്ന് പോയ, ഒളിച്ചു പോയ ചിരി, സന്തോഷം എല്ലാം വീണ്ടും എന്നുള്ളിൽ നിറയുന്നത് ഞാനറിഞ്ഞു. നല്ല ഉറക്കത്തിലായിരുന്നു അവൾ. അത് നോക്കി കണ്ട് കൊറേ നേരം ശില പോലെ ഞാൻ നിന്നുപോയി. പിന്നീട് ആ ഉറക്കത്തെ ശല്യം ചെയ്യാതെ ഞാനും പോയി കിടന്നു.

 

“””””””””””എവിടാ പോയേ…….??””””””””””””

 

നടു ഒന്ന് നിവർത്തി ചെരിഞ്ഞു കിടക്കാനായി ആയുമ്പോഴാണ് ആ ചോദ്യം വന്നത്. ചിരിയോടെ ഞാൻ അവൾക്ക് അഭിമുഖമായി കിടന്നു.

 

“””””””””””മ്മ്…….!!””””””””””

 

പുരികമുയർത്തി ഞാൻ ഒന്നമർത്തി മൂളി.

 

“””””””””””ശ്ശോ, മനസ്സിലായി., വലിക്കാൻ പോയതാല്ലേ……??”””””””””””

 

മുഖം ചുളിച്ച് പറഞ്ഞവൾ കണ്ണ് നിറച്ച് എന്നെ നോക്കി. അതിന്റെ അർഥം മാത്രമെനിക്ക് മനസ്സിലായിരുന്നില്ല.