അമ്മയുടെ ഓണം
Ammayude Onam bY Ansiya
“ടാ അനൂപേ ഇന്നെങ്കിലും എനിക്കെന്റെ പൈസ കിട്ടണം….”
ഉണ്ണികുട്ടന്റെ ദയനീയ ചോദ്യം കേട്ട് അനൂപ് അവനെ തന്നെ കുറച്ചു നേരം നോക്കി നിന്നു….
“തരാടാ നിനക്ക് തരാനുള്ളതും നീ കൂടുതൽ ചോദിച്ചതും കൂട്ടി ഞാനൊരു അയ്യായിരം രൂപ തരാം….”
“നന്ദി ഉണ്ട് അനൂപേ ഒരുപാട്….”
അവന്റെ വാക്കുകൾ ഇടറിയിരുന്നു…. ഉണ്ണികുട്ടന്റെ തോളിൽ പിടിച്ച് അനൂപ് അവനെ തന്നിലേക്ക് അടുപ്പിച്ചു…..
“ഉണ്ണിക്കുട്ടാ അത് കൊണ്ട് അമ്മയ്ക്കും അനിയത്തിക്കും ഡ്രസ്സ് എടുക്കാൻ തികയുമോ…???
“ഉം… അനിയത്തിക്കൊരു രണ്ടായിരത്തി അഞ്ഞൂറ് മതിയാകും…. പിന്നെ അമ്മക്ക് ഒരു സാരി ബാക്കി കാശിന് വീട്ടിലേക്ക് കുറച്ചു സാധാനങ്ങളും വാങ്ങണം….”
ഇത്ര ചെറുപ്പത്തിൽ തന്നെ അവന്റെ അവസ്ഥ ഓർത്ത് അനൂപിന് സങ്കടം തോന്നി….. എ ടി എം ൽ നിന്നും അനൂപ് എടുത്ത് കൊടുത്ത കാശുമായി വീട്ടിലേക്ക് നടക്കുമ്പോൾ ഉണ്ണികുട്ടന്റെ മനസ്സ് സന്തോഷം കൊണ്ട് നിറഞ്ഞാടുകയായിരുന്നു..
മൂന്ന് കൊല്ലം മുമ്പ് അവന് പതിനാല് വയസ്സ് ഉള്ള സമയത്താണ് അച്ഛൻ ഒരു അസിസിഡന്റിൽ പെട്ട് മരിക്കുന്നത്.. അന്നവൻ പത്താം ക്ലാസ് പരീക്ഷ പാസ്സായിരിക്കുന്ന സമയം…. അനിയത്തി സുനിത അന്ന് ഏഴാം ക്ലാസിൽ ….
പ്രേമ വിവാഹം ആയതിനാൽ വീട്ടുകാരുമായി അകന്നു കഴിഞ്ഞിരുന്ന അവർ അച്ഛന്റെ മരണത്തോടെ തികച്ചും ഒറ്റപ്പെട്ടു…. പക്ഷെ ഉണ്ണിക്കുട്ടൻ തന്റെ ഉറ്റ സുഹൃത്തായ അനൂപിന്റെ ചേട്ടന്റെ കൂടെ കൂടി പെയിന്റിംഗ് പണിക്ക്… അത് കൊണ്ടിപ്പോൾ ആ പതിനേഴു കാരന്റെ ചുമലിൽ ആണ് ആ കുടുംബം… കഴിഞ്ഞ രണ്ടു മൂന്നു കൊല്ലം ഓണവും വിഷുവും ഒന്നും ആഘോഷിക്കാതെ അവർ കഴിച്ചുകൂട്ടി..
ഇക്കുറി അനിയത്തി പത്താം ക്ലാസ്സിൽ ആണ് അവളുടെ സ്കൂളിൽ രണ്ടു മൂന്നു ദിവസത്തെ ആഘോഷം ഉണ്ട്… അവൾ മാത്രം പഴയതെല്ലാം ഇട്ട് പോകുന്നത് ഓർക്കാൻ കൂടി അവന് കഴിഞ്ഞില്ല… വീട്ടിൽ ചെന്ന് കയറി ഉണ്ണിക്കുട്ടൻ
“സുനിതെ…. ” എന്ന് നീട്ടി വിളിച്ചു…
കുട്ടന്റെ വിളി കേട്ട് അവന്റെ അമ്മ സിന്ധു പുറത്തെക്ക് വന്നു….
“എന്തെ കുട്ടാ….???
“അമ്മെ സുനിത എവിടെ….??
Superrr iththathaa
Nice
Super
സൂപ്പറായിക്ക്ണ് ട്ടൊ