ഭാഗ്യദേവത

Bhagyadevatha | Author : Pavam Payyan

രാവിലെ മുറ്റത്ത് എന്തോ ബഹളം കേട്ട് ഷമീർ കണ്ണ് തുറന്നു, ഇതാരാ രാവിലെ മനുഷ്യനെ ഉറങ്ങാൻ സമ്മതിക്കാത്തത്.. മനസ്സിൽ പിറുപിറുത്ത് കൊണ്ട് അവൻ മുറ്റത്തെക്ക് നടന്നു. ഉമ്മ ആണ് ആഴ്ച പിരിവിനു വരുന്ന തമിഴനും ആയിട്ട് ആണ് രാവിലത്തെ ഗുസ്തി, പൈസ എടുത്തിട്ട് കുറച്ചു ആയി 3 ആഴ്ച ആയി ഒന്നും അടക്കുന്നുമില്ല.. ഇത്തയ്ക്ക് പ്രസവത്തിന് ഉള്ള ചിലവിന് വേണ്ടി വാങ്ങിയതാണ്. ഞാൻ ഷമീർ 19 വയസ്സ് കോട്ടയം പാലയിലെ ആണ് വീട്,വീട്ടിൽ ഞാനും ഉമ്മയും വാപ്പയുടെ ഉമ്മയും ആണ് താമസം..

പിതാവ് ഉമ്മയെ ഉപേക്ഷിച്ചു വേറെ കെട്ടി ഇപ്പോൾ ആ ഭാര്യയുടെ കൂടെ ആണ് താമസം. ഞാൻ ഒരു ചെറിയ സൂപ്പർമാർക്കറ്റിൽ നിൽക്കുന്നു, ശമ്പളമൊക്കെ വളരെ കുറവാണ് എന്നാലും ബുദ്ധിമുട്ട് കാരണം നിന്ന് പോകുന്നു.. ഉമ്മ ഒരു ലോട്ടറികടയിൽ നിൽക്കുകയാണ് ഇടയ്ക്ക് പാചകത്തിന് സഹായി ആയും പോകാറുണ്ട് അരയ്ക്കാനും പൊടിക്കാനുമൊക്കെ. ഞങ്ങൾക്ക് രണ്ട് പേർക്കും കിട്ടുന്ന തുച്ഛമായ വരുമാനം കൊണ്ട് ആണ് ജീവിച്ചു പോകുന്നത്,

വാടക വീട്ടിൽ ആണ് സ്വന്തമായി ഒരു വീട് എന്ന സ്വപ്നം എനിക്കുമുണ്ട്. റോഡിൽ നിന്ന് ഒരു ഇടവഴി കയറി ഒരു റബ്ബർ തോട്ടത്തിൽ കൂടി വരണം അതിന്റ സൈഡിൽ ആണ് വീട് അടുത്ത് അങ്ങനെ വേറെ വീടുകൾ ഇല്ല.രാത്രി ആയാൽ അവിടേക്ക്അ അങ്ങനെ ആരും വരുകയും ഇല്ല. ഒരു ചെറിയ റൂമും ഹോൾ അടുക്കളയൊക്കെ ഉള്ള ഒരു ചെറിയ ഓടിട്ട വീട് ആണ്..റൂമിൽ ഒരു ചെറിയ കട്ടിൽ ഉണ്ട് അതിൽ വാപ്പുമ്മ കിടക്കും ഒരാൾക്കു മാത്രം കിടക്കാൻ പറ്റുന്ന കട്ടിൽ ആണ്, അതുകൊണ്ട് ഉമ്മ താഴെ കിടക്കും ഞാൻ ഹാളിൽ ഒരു കട്ടിലിൽ.

ഒരു നല്ല മഴ പെയ്താൽ അത്യാവശ്യം ചോർച്ചയൊക്കെ ഉണ്ട്.. അത് കൊണ്ട് മഴ പെയ്‌താൽ ചോരാത്ത ഒരു ചെറിയ വീട് സ്വന്തമായ് വേണമെന്ന് ആണ് ആഗ്രഹം. ഇങ്ങനെയൊക്കെ ആണ് വീട്ടിലെ കാര്യങ്ങൾ, ഇന്നലെ കടയിൽ നിന്ന് വന്നപ്പോൾ കുറച്ചു താമസിച്ചു.. നല്ല തിരക്ക് ഉണ്ടായിരുന്നു. ഞാൻ ഉൾപ്പെടെ 4 സ്റ്റാഫ്‌ ഉണ്ട് കടയിൽ പാക്കിങ് വേറെ സ്റ്റാഫ്‌ ഉണ്ട് കുറച്ചു പ്രായം ചെന്ന അമ്മമാർ ആണ് അവർ എല്ലാം പാക്ക് ചെയ്തു വെച്ചു 6 ആകുമ്പോൾ പോകും.ഞാൻ ഒഴിച്ച് ബാക്കി 3 പേര് ലേഡീസ് ആണ്. ഒന്ന് ലക്ഷ്മി ചേച്ചി ഉമ്മയുടെ കൂട്ടുകാരി, ചേച്ചി മുഖേന ആണ് ഞാൻ ആ കടയിൽ വന്നത് ജോലിക്ക്.. ബാക്കി രണ്ട് പേര് അനിതയും ശ്യാമയും അവർ 8 മണി ആകുമ്പോൾ പോകും ചേച്ചി 9നും. ബില്ലിംഗ് മുതലാളിയും ചിലപ്പോൾ വൈഫ് ആണ് ഇരിക്കുന്നത്..