ആദിത്യഹൃദയം 6 [അഖിൽ] 1109

ആദി ഓടുന്നതിനിടയിൽ വേഗത്തിൽ ഇരുവശത്തേക്കും നോക്കി തന്റെ ഒപ്പത്തിനൊപ്പം അവരും എത്തികൊണ്ടിരിക്കുന്ന കാര്യം ആദിക്ക് മനസിലായി…
പെട്ടന്നാണ് ആദിയുടെ കാലിൽ ഒരു വലിയ സിലമ്പം പോലത്തെ ഇരുമ്പ് വടി കൊണ്ടത്….
അടി തെറ്റിയ ആദി പെട്ടന്ന് തന്നെ ആമിയുടെ കൈ വിട്ടു നില തെറ്റി താഴേക്ക് ഉരുണ്ട് വീണു…
അപ്പോഴേക്കും ആ കറുത്ത വസ്ത്രധാരികൾ ആമിയെയും ആദിയെയും വൃത്താകൃതിയിൽ വളഞ്ഞു…
എല്ലാവരുടെ മുഖത്തു പുച്ഛം നിറഞ്ഞ ചിരി…. അവർ മുഖം മറച്ചത്കൊണ്ട് ആമിക്കും ആദിക്കും അത് കാണുവാൻ സാധിക്കുന്നില്ല..
ആദി വേഗം എഴുന്നേറ്റു ആമിയെ പിടിച്ച് തന്റെ പിന്നിൽ നിറുത്തി എന്നിട്ട് ചുറ്റും നിൽക്കുന്ന ആ കറുത്ത വസ്ത്രധാരികളെ നോക്കി നിന്നു….ആ ഒൻപത് കറുത്ത വസ്ത്രധാരികളും ആദിയെയും ആമിയെയും നോക്കി അവരുടെ ചുറ്റും നിന്നു….
പെട്ടന്ന് തന്നെ ഒരുത്തൻ ആദിയുടെ നേരെ ഓടി വന്നു പെട്ടന്ന് തന്നെ ആദി ആമിയുടെ കൈ വിട്ടു ആമിയാണെങ്കിൽ പേടിച്ചുകൊണ്ട് കണ്ണുകൾ കൂട്ടി അടച്ചു അവൻ അടുത്തെത്തിയതും ആദി അവന്റെ താടിയിൽ തന്നെ തന്റെ കൈകൊണ്ട് ഇടിച്ചു..
എന്നിട്ട് അവന്റെ തുണിയിൽ പിടിച്ച് മുന്നിൽ നിൽക്കുന്ന രണ്ടുപേരുടെ നേർക്ക് വലിച്ചെറിഞ്ഞു അതോടെ അവരും പെട്ടന്ന് വീണു…
പിന്നെയും ആ കൂട്ടത്തിലെ രണ്ട് പേർ ആദിയുടെ നേരെ ഓടി അടുത്തു…
അത് കണ്ടതും ആദി അവർക്ക് നേരെ ഓടി അടുത്ത് തന്റെ രണ്ട് കാലും ശക്തിയിൽ താഴെ കുത്തി മുകളിലേക്ക് ചാടികൊണ്ട് അവരുടെ നെഞ്ചിൽ ആഞ്ഞു ചവുട്ടി, ചവിട്ടിന്റെ ആഘാതത്തിൽ രണ്ടുപേരും പിന്നിലേക്ക് തെറിച്ചു വീണു….
ആദിയുടെ ഈ പ്രകടനം കണ്ട് ആരും പേടിച്ചിരുന്നില്ല എല്ലാവരുടെ മുഖത്ത് പുഞ്ചിരി മാത്രം….
ആദിയുടെ കൈയിൽ നിന്നും ഇടി കിട്ടിയ എല്ലാവരും വേഗം തന്നെ എഴുന്നേറ്റു…
എല്ലാവരും അവരുടെ സംഘത്തിന്റെ മേൽ നോട്ടം വഹിക്കുന്ന വ്യക്തിയെ നോക്കി….
പെട്ടന്ന് തന്നെ എല്ലാവരും കൂട്ടത്തോടെ ചിരിച്ചു…
കൂട്ടത്തിലെ ഒരുത്തൻ….

“ഇതാണോ ആ വീരശൂര പരാക്രമി….
ഞാൻ കുറച്ചുംകൂടെ പ്രതീക്ഷിച്ചു…. ”

അതുംകൂടെ പറഞ്ഞതോടെ വീണ്ടും അവിടെ കൂട്ടച്ചിരിയായി….

പെട്ടന്ന് തന്നെ ആ സംഘത്തിലെ പ്രധാനി ആദിയോട്

“ടാ കൊച്ചുചേർക്കാ നീ ആരാണ് എന്നാ നിന്റെ വിചാരം ഇവിടെയുള്ള ഒരുത്തന്റെ കൈക്കില്ല നീ.. കാണാണോ നിനക്ക്… ”

അതും പറഞ്ഞു കൊണ്ട് അയാൾ കൂട്ടത്തിലെ രണ്ടുപേരെ നോക്കി അത് നേരത്തെ ആദിയുടെ കൈയിൽ നിന്നും അടി കിട്ടിയവർ ആയിരുന്നു…
അവർ രണ്ടുപേരും കൂടെ ആദിയുടെ അടുത്തേക്ക് നടന്നു… അടുത്ത് എത്താറായതും അവർ പതിയെ നിന്നു എന്നിട്ട് അവരുടെ കൈയിലുള്ള ദൈ വാൾ ആദിയുടെ നേരെ എറിഞ്ഞു…
ആ ദൈ വാൾ ആദിയുടെ കാലിന്റെ അടുത്ത് കുത്തി നിന്നു…..
ആദിയെയും ഭയം കീഴ്പ്പെടുത്തി തുടങ്ങിയിരുന്നു….
ആദി പതിയെ തന്റെ അടുത്തുള്ള ദൈ വാൾ എടുത്തു എന്നിട്ട് മുന്നിൽ നിൽക്കുന്ന രണ്ടുപേരെയും നോക്കി….
അതിനുശേഷം ആമിയെ നോക്കി…..
ആമി ഭയത്തിന്റെ കൊടുമുടിയിൽ എത്തിയിരുന്നു…
അതുംകൂടെ കണ്ടപ്പോൾ ആദിയും തളർന്നു എന്നാൽ ഇവിടെ നിന്നും എങ്ങിനെയെങ്കിലും രക്ഷപെടണം എന്ന ചിന്ത മനസ്സിൽ കയറി തുടങ്ങി…
ആദി പതിയെ ആമിയിൽ നിന്നും അകന്നു മാറി ആദിയുടെ ചുറ്റും നിൽക്കുന്നവരുടെ മദ്യഭാഗത്തിൽ ചെന്നുനിന്നു….
എന്നിട്ട് തന്റെ കൈയിലുള്ള വാളിൽ ബലമായി പിടിമുറുക്കി എന്തിനും തയ്യാറെന്ന പോലെ അവരെ മാത്രം നോക്കികൊണ്ട് നിന്നു…

ആദിയുടെ മുന്നിലേക്ക് അവരും കയറി നിന്നു….