“”നീയെന്തൊക്കെയാ അഭി ഈ പറയണേ… നിനക്കെന്താ ഒരു കുറവ്വ്… കുറച്ച് നിറം കുറഞ്ഞതാണോ… മോനെ ചേർച്ച വേണ്ടത് ശരീരങ്ങൾ തമ്മിലല്ല, രണ്ട് പേരുടേം മനസ്സുകൾ തമ്മിലാണ്…”” എന്തോ വലിയ സംഭവം പറഞ്ഞപോലെ അവരെന്നെ നോക്കിയെപ്പോ, ഉഫ് മാസ്സ് തന്നെ!!! എന്ന് ഞാൻ പറയാൻ വന്നതാ, അപ്പോഴേക്കും ചേച്ചിയെ സമാധാനിപ്പിച്ചു അളിയൻ പിന്നേം എന്റടുത്തേക് വന്നു…. പിന്നെ എന്നേം വലിച്ചോണ്ട് കൂടി നിന്ന എല്ലാവരേം തട്ടിമാറ്റി,
“”നിനക്ക് ചോദിക്കാൻ ഉള്ളത് ചോദിക്ക്…”” ന്നും പറഞ്ഞെന്നെ അവളുടെ മുമ്പിൽ കൊണ്ടുവന്നു നിറുത്തി… ആദ്യം ഒന്ന് പകച്ചെങ്കിലും ഞാൻ പിടിച്ചുനിന്നു… എന്തായാലും എന്റെ മോന്തകണ്ട അവള് ഇത് സമ്മതിക്കില്ല എന്നാ നല്ല വിശ്വാസം എനിക്കുണ്ടായിരുന്നു… പിന്നെ ഒന്നും നോക്കീല… തല താഴ്ത്തി കസേരയിലിരിക്കുന്ന അവളോട് ഞാൻ,
“”ആരതി… നീ ഇവര് പറയുന്നതൊന്നും നോക്കണ്ട… നിനക്കി കല്യാണത്തിന് സമ്മതമല്ലല്ലോ…???”” എന്ന് പറഞ്ഞു ഇപ്പൊ കേട്ടോ എന്നാ മട്ടിൽ ഞാൻ ചുറ്റും നിന്ന എല്ലാവരേം ഒന്നുനോക്കി…
“”സമ്മതമാണ്….!!!! “”
“”ഏഹ് എന്താ???”” അവള് പറഞ്ഞത് ഞാൻ ശെരിക്കും കേട്ടെങ്കിലും അപ്പോഴത്തെ ഞെട്ടലിൽ ഞാൻ ഒന്നും കൂടി ചോദിച്ചു…
“”എനിക്ക് സമ്മതമാണ്…”” അങ്ങനെപറഞ്ഞ എങ്ങനാ… ഞാൻ കേട്ടത് തന്നെയാണോ എല്ലാരും കേട്ടത് എന്നറിയാൻ ഞാൻ അളിയനെ ഒന്ന് നോക്കിയപ്പോ കരയണോ ചിരിക്കണോ എന്ന ഭാവായിരുന്നു കണ്ടത്… തിരിച്ച് ആരതിയെ നോക്കിയപ്പോ അവൾ എന്നെ തന്നെ നോക്കിയിരിക്കുന്നു, ആ മുഖത്ത് ദേഷ്യമാണോ സങ്കടമാണോ എന്ന് മനസിലാവുന്നില്ല… എന്തായാലും സന്തോഷമല്ല, ഒരുതരം നിർവികാരതാ….
പിന്നെ എല്ലാം പെട്ടന്നായിരുന്നു… എന്നെ വേറെ മുറിയിൽ കൊണ്ടുപോയതും ഒരു മുണ്ടെടുത്ത പാന്റിന്റെ മോളിലൂടെ ചുറ്റി നേരെ മണ്ഡഭത്തിൽ ചെന്നിരുത്തി… നേരത്തെ എന്റെ ഷർട്ട്‌ മാറ്റാൻ നോക്കിയെങ്കിലും ഞാൻ സഹകരിക്കാത്തൊണ്ട് നടന്നില്ല… മുമ്പിലിരിക്കുന്ന ചിലർ ഏതാ ഈ മൈരൻ എന്ന രീതിയിൽ എന്നെ നോക്കിയപ്പോ പോയിനെടാ മയിരുകളെ എന്ന മട്ടിൽ ഞാൻ തിരിച്ചും നോക്കി…
കാര്യേങ്ങളെല്ലാം കൈ വിട്ടു പോയല്ലോ ഈശ്വര… ഇത് മുടക്കാൻ ഞാൻ ആവുന്നതും നോക്കിയതാ, പക്ഷെ വിജയിച്ചില്ല… ഞാൻ ഒരു ആഭാസൻ ആണ് ന്ന് പറഞ്ഞാലോ… എനിക്ക് പലസ്ത്രീ ബന്ധമുണ്ടെന്നൊക്കെ അങ്ങ് പറയാം, അല്ലെങ്കി വേണ്ട എന്റെ തള്ള എന്നേം കൊന്ന് ജയിലിൽ പോവും… തലേടെ മേളിൽ പൂവും പറിയും ഒക്കെ വീഴുന്നത് കണ്ട് സൈഡിൽ നോക്കിയെപ്പോ പൂജാരി എന്തോ രഹസ്യം പറയുന്നുണ്ട്… അടുത്ത് ചെന്നു നോക്കിയെപ്പോഴാ അത് രഹസ്യം പറയുന്നതല്ല മന്ത്രങ്ങൾ ചൊല്ലുന്നതാന്ന് മനസ്സിലായത്…
😌😌😮💨😮💨
നന്നായി വരട്ടെ
ഇവിടെ നേർത്തെ വന്ന കഥ പോലെ