💞ആയിരം കണ്ണുമായി 11 [Fang leng] 35

 

ഇത് കേട്ട ശ്രുതി അഖിലിനെ ഒന്ന്‌ നോക്കിയ ശേഷം കഴിക്കാൻ തുടങ്ങി

 

കുറച്ച് സമയത്തിന് ശേഷം അഖിൽ തന്റെ പാത്രത്തിൽ ബാക്കി ഉണ്ടായിരുന്ന പൊരിച്ചമീൻ ശ്രുതിക്ക് ഇട്ടുകൊടുത്തു

 

ശ്രുതി : ഇതെന്തിനാ എന്റെ പാത്രത്തിൽ ഇടുന്നെ

 

അഖിൽ : നിന്റെ മീൻ തീർന്നല്ലോ

ശ്രുതി : എന്നു പറഞ്ഞ് മര്യാദക്ക് എടുക്ക്

 

അഖിൽ : എനിക്ക് മതിയായി…

 

ശ്രുതി : വെറുതെ പറയല്ലേ അഖിലെ

 

അഖിൽ : സത്യമായും മതിയായി…ലക്ഷ്മി ഉണ്ടായിരുനിന്നെങ്കിൽ അവൾക്ക് കൊടുത്തേനെ ഇപ്പോൾ നീയല്ലേ ഉള്ളു ഒന്ന്‌ സഹായിക്ക് വെറുതെ വേസ്റ്റ് ആക്കാൻ പറ്റില്ലല്ലോ..

 

ഇത് കേട്ട ശ്രുതി കഴിക്കാൻ തുടങ്ങി…

 

അഖിൽ : നീ ഒറ്റ മോളാ അല്ലേ ശ്രുതി…

 

ശ്രുതി : അതെ…

 

അഖിൽ : അതെന്താ നീ അനിയത്തിയും അനിയനും ഒന്നും വേണ്ട എന്ന് പറഞ്ഞോ

 

ശ്രുതി : ഞാൻ പറഞ്ഞിട്ടില്ലേ … അച്ഛനും അമ്മക്കും നല്ല താമസ്സിച്ച ഞാൻ ഉണ്ടായെ…കുഞ്ഞുങ്ങൾ ഉണ്ടാകുമെന്ന് അവർ കരുതിയിരുന്നില്ല… എനിക്ക് അനിയനും അനിയത്തിയുമൊക്കെ വേണമെന്ന് നല്ല ആഗ്രഹം ഉണ്ടായിരുന്നു പക്ഷെ നടക്കില്ലല്ലോ… അല്ല നീയും ഒറ്റ മോൻ അല്ലേ നീ നിന്റെ വീട്ടിൽ അങ്ങനെ മതി എന്ന് പറഞ്ഞോ

 

 

അഖിൽ : ആര് പറഞ്ഞു ഞാൻ ഒറ്റ മോൻ ആണെന്ന്… എനിക്ക് ഒരു അനിയത്തി കൂടി ഉണ്ട്.. പക്ഷെ അച്ഛന്റെ രണ്ടാം ഭാര്യയിൽ ആണെന്ന് മാത്രം ഞാൻ അവളെ കണ്ടിട്ട് കൂടിയില്ല

 

ശ്രുതി : അവരൊക്കെ ഇപ്പോൾ എവിടെയാ

 

അഖിൽ : ആർക്കറിയാം… വിദേശത്ത്‌ ആയിരിക്കും