💞ആയിരം കണ്ണുമായി 11 [Fang leng] 18

അഖിൽ : ടാ…

രോഹിത്ത് : ഇനി ഇത് പറഞ്ഞു നിങ്ങൾ തമ്മിൽ വഴക്ക് വേണ്ട… അഖില് കിടന്നോ..

റോണി : അതാ നല്ലത് ഇതൊക്കെ ആണുങ്ങൾക്ക് പറഞ്ഞിട്ടുള്ള പണിയാ..അല്ലാതെ പാവാടകൾക്ക് പറഞ്ഞിട്ടുള്ളതല്ല… എന്തൊക്കെ കാണണം ചോറ് വാങ്ങിച്ചുകൊണ്ടുവരുന്നു മീൻ ഇട്ടുകൊടുക്കുന്നു വാരികൊടുക്കാത്തത് ഭാഗ്യം…

അഖിൽ : മൈരേ വാ അടക്കിയില്ലെങ്കിൽ ഫിറ്റാണെന്നൊന്നും ഞാൻ നോക്കില്ല…

റോണി : ഒന്ന്‌ പോയേടാ ഒരു നൊണ്ടിച്ചിയെ കണ്ടിട്ടാ അവന്റെ ഒരു നന്മമരം കളി…

അടുത്ത നിമിഷം ബെഡിൽ നിന്ന് ചാടി എഴുനേറ്റ അഖിൽ റോണിയുടെ കുത്തിന് പിടിച്ചു പെട്ടെന്ന് തന്നെ ബാക്കിയുള്ളവർ അവനെ പിടിച്ചു മാറ്റി…

രോഹിത്ത്‌ : അഖിലെ ഒന്ന്‌ അടങ്ങ് അവന് വട്ടാണ്…

റോണി : ആർക്കാടാ വട്ട്… ആവളുടെ കൂടെ നമുക്കിട്ട് പണിത ഇവനെയാണോ നീ സപ്പോർട്ട് ചെയ്യുന്നെ..

അഖിൽ : ആരാടാ ആദ്യം പണിതെ… ചെറ്റത്തരം കാണിച്ചത് നീയൊക്കെ തന്നെയല്ലേ… അവളെപറ്റി ഇനി എന്തെങ്കിലും പറഞ്ഞാൽ സത്യമായും റോണി നിന്നെ ഞാൻ കൈ വെക്കും…

റോണി : ഇനിയും പറയുമെടാ… അവള് ഞങ്ങൾക്കിട്ട് അങ്ങനെയാ പണിഞ്ഞിട്ടുള്ളെ ആ മറ്റേ മോള് കാരണം ഞങ്ങൾ കോളേജിൽ നിന്ന് പുറത്താകേണ്ടതായിരുന്നു…

അഖിൽ : അങ്ങനെയാണെങ്കിൽ നീയൊക്കെ ഇപ്പോഴും എങ്ങനെയാടാ കോളേജിൽ നിൽക്കുന്നെ… നിന്നോടൊക്കെയുള്ള സ്നേഹം കൊണ്ടാണ് ടിസി തരാത്തത് എന്നാണോ കോപ്പുകളെ നീയൊക്കെ കരുതുന്നെ… അവള് പരാതി പിൻവലിച്ചത് കൊണ്ടാ നീയൊക്കെ ഇപ്പോഴും പഠിക്കുന്നെ… നിന്നെയൊന്നും പറഞ്ഞുവിടണ്ട എന്ന് അവള് പറഞ്ഞത് കൊണ്ടാ അവളെ വീണ്ടും വീണ്ടും ദ്രോഹിക്കാൻ നീയൊക്കെ കോളേജിൽ ഇപ്പോഴും ഉള്ളത്…അവള് പറഞ്ഞത് കൊണ്ടാണ് റോണി നീ ഇപ്പോഴും എന്റെ കയ്യിൽ നിന്ന് വാങ്ങാതെ ഇങ്ങനെ നിന്ന് സംസാരിക്കുന്നെ… പക്ഷെ ഇനി അവളെയോ അവളുടെ കാലിനെയോ പറ്റി ഒരക്ഷരം മിണ്ടിയാൽ അവള് പറഞ്ഞതൊക്കെ ഞാൻ അങ്ങ് മറക്കും… ഒരു കുറവും ഇല്ലാത്ത നമ്മളൊക്കെ ഇതുവരെ എന്താടാ ഉണ്ടാക്കിയിട്ടുള്ളത് അവള് ചെയ്യുന്നതിന്റെ ഒരംശമെങ്കിലും നമ്മുക്കൊക്കെ ചെയ്യാൻ പറ്റുമോ… അവൻ ഉണ്ടാകാൻ വന്നേക്കുന്നു