ഞാൻ ഒന്ന് ആന്റിയോട് ചോദിക്കട്ടെ എന്ന് ഞാൻ പറഞ്ഞു.
രാജിയോട് ഞാൻ പറഞ്ഞായിരുന്നു. നിന്റെ അഭിപ്രായം പറയാൻ വിമല ചേച്ചി പറഞ്ഞു.
ഞാൻ ഇന്ന് രാത്രി പറയാം എന്ന് ഞാൻ പറഞ്ഞു.
വിമല ചേച്ചി പോയി കഴിഞ്ഞപ്പോൾ അമ്മയോട് അഭിപ്രായം ചോദിച്ചു. അമ്മ പോയി ഒന്ന് കാണാം എന്ന് പറഞ്ഞു.
ഞാൻ വിമല ചേച്ചിയോട് പോയി കാണാം എന്ന് പറഞ്ഞു.
എങ്കിൽ നാളെ പോയാലോ എന്ന് വിമല ചേച്ചി ചോദിച്ചു.
മ്മ് പോകാം. അമ്മയുടെ കാര്യം എല്ലാം പറഞ്ഞിട്ടുണ്ടോ എന്ന് ഞാൻ ചോദിച്ചു.
അതക്കെ ഞാൻ പറഞ്ഞിട്ട് ഉണ്ട് എന്ന് ചേച്ചി പറഞ്ഞു.
അന്ന് പിന്നെ വേറെ ഒന്നും നടന്നില്ല. പിറ്റേന്ന് രാവിലെ ഞാൻ അമ്മയെയും എണീപ്പിച്ചു കുളിപ്പിച്ച് ഒരുക്കി ഞാനും കുളിച്ചു റെഡി ആയപ്പോൾ വീടിന് മുൻപിൽ ആന്റിയുടെ കാർ വന്നു നിൽക്കുന്നു.
ആന്റിയും വരുന്നുണ്ടോ എന്ന് ഞാൻ ചോദിച്ചു.
പിന്നെ വരാതെ. ഒന്നുവില്ലേലും നിന്റെ ഒരേ ഒരു ആന്റി അല്ലേടാ ഞാൻ എന്ന് ആന്റി പറഞ്ഞു.
കുറച്ചു കഴിഞ്ഞപ്പോ വിമല ചേച്ചിയും വന്നു.
പിന്നെ വീടും പൂട്ടി ഞങ്ങൾ പെണ്ണ് കാണാൻ പോയി.
വീട്ടിൽ നിന്നും ഒരു അര മണിക്കൂർ യാത്രയേ ഒള്ളൂ പെണ്ണ് കാണാൻ പോകുന്ന വീട്ടിലേക്ക്.
അവിടെ ചെന്നപ്പോൾ കണ്ടത് വലിയ വീട് ഒന്നും അല്ല. ഒരു പത്തു സെന്റോളം വരുന്ന സ്ഥലത്തു ചെറിയ ഒരു വീട്.
വീട്ടിൽ ചെന്ന് വണ്ടി നിർത്തി ഞാൻ അമ്മയെയും എടുത്തു ഞങ്ങൾ വീട്ടിലേക്ക് കേറി. ഞങ്ങളെ കാത്തു നിന്ന പോലെ ഒരു നാല്പതു വയസൊളം തോന്നുന്ന ഒരു സ്ത്രീ ഞങ്ങളെ വരവേറ്റു. അത് പെണ്ണിന്റെ അമ്മ ആണെന്ന് തോന്നുന്നു.
