അവള്‍ ശ്രീലക്ഷ്മി 4 [Devil With a Heart] 460

.

.

.

.

.

അന്ന് വെറുതെ ഫോണിൽ കുത്തിക്കൊണ്ടിരുന്ന് എപ്പോഴോ ഉറങ്ങിപോയി…പിന്നീടാരോ സംസാരിക്കുന്നത് കേട്ടാണ് ഞാൻ ഉണർന്നത്… ജാനിയമ്മയോടും അമ്മയോടും കൂടെയായി ചിരിച്ചു സംസാരിച്ചിരുന്ന ആളിനെ കണ്ടപ്പോ ഞാൻ ഞെട്ടി പണ്ടരമടങ്ങിപ്പോയി!! അനു!!!

“…അനൂ നീയെന്ത ഇവിടെ…ഔ….യ്യോ???!!!” പെട്ടെന്നത് ചോദിച്ച് എണീറ്റപ്പോ കാലിലെ വേദന കാരണം ഞാൻ നിലവിളിച്ചുപോയി..

“..എന്തുവാടാ കാണിക്കുന്നെ നീയ്…വയ്യാണ്ട് കിടന്നാലും ഒന്ന് അടങ്ങി കിടക്കരുത്..”അമ്മയുടെ വക ആയിരുന്നു അത്

അവർ മൂന്നും എന്റെയടുത്തേക്ക് വന്ന് നിന്നു

“കുഴപ്പമൊന്നുമില്ലലോ അല്ലേടാ…?”അനു ചോദിച്ചു

“..നീയെന്താ ഇവിടെ….അവളെവിടെ….ശ്രീയെവിടെ…?”

ശ്രീ ഒന്ന് കൂൾ ആയിട്ടിരിക്കാണ് ഇപ്പൊ ഇവിടെ ഇവളെ കണ്ടാൽ ചിലപ്പോ സീൻ മാറുമെന്നായി എന്റെ പേടി..

“…ഹഹ ഇവനെന്താ അമ്മേ..ഇങ്ങനെ..” അനു ചിരിച്ചിട്ട് അമ്മയോടായി ചോദിച്ചു..അമ്മയുമതിന് ചിരിച്ചുകൊണ്ട് നിക്കുന്നു

“അനൂ എടി…അവളെവിടെ…അവള് വരുന്നേന് മുന്നേ നീ പോകാൻ നോക്ക്…ഇപ്പൊ എനിക്ക് കൊറച്ചു ജീവൻ ബാക്കിയൊണ്ട് അവളിപ്പോ നിന്നെയെങ്ങാനം കണ്ടാൽ ആ ബാക്കിയുള്ളത് കൂടെ അവളങ്ങ് എടുക്കും…”ഞാൻ ആകെ അങ്കലാപ്പിലായി അനുവിനോടായി കിടന്നു ബഹളം വെച്ചു പറഞ്ഞു

അനു അപ്പോഴും വെറുതെ ചിരിച്ചുകൊണ്ട് നിക്കുകയാണ്..

ഇവളിത്‌ എന്ത് ഭാവിച്ചാണോ , കാര്യം ഞാൻ ഇവളും ശ്രീയും തമ്മിലുള്ള ഉടക്ക് തീർത്തുകൊടുക്കാമെന്ന് പറഞ്ഞെങ്കിലും ഈ അവസ്ഥയിൽ എനിക്കൊന്നും ചെയ്യാൻ പറ്റില്ല!! ഊമ്പിയല്ലോ ആണ്ടവാ…