നിബി അയലത്തെ അച്ചായത്തി [Dipin] 1241

” അല്ല അവൾക്ക് മോർണിംഗ് ആണ്, രാവിലെ ഏഴുമണിക്ക് പോയിക്കാണും ” ചേട്ടൻ പറഞ്ഞു

ശേഷം ഞാനും ബൈ പറഞ്ഞു എന്റെ കാറിനടുത്തേക്ക് പോയി, ജോലിക്ക് പുറപ്പെട്ടു. പതിവ് പോലെ തിരക്കുള്ള ദിവസം ആയിരുന്നത് കൊണ്ട് വൈകുന്നേരം ആയതു ഞാൻ പോലും അറിഞ്ഞില്ല, മറ്റൊന്നിനെ പറ്റിയും ചിന്തിക്കാൻ പോലും സമയവും കിട്ടിയില്ല . കാറിൽ തിരിച്ചു റൂമിലേക്ക് പോകുമ്പോൾ മുഴുവൻ നിബി മാത്രം ആയിരുന്നു മനസ്സിൽ.

വീട്ടിലെത്തി കുളിച്ചു വന്നപ്പോഴേക്കും ചേച്ചി ചായ തന്നു , ചേച്ചി നൈറ്റ് ഡ്യൂട്ടിക്ക് പോകേണ്ടുന്നത് കൊണ്ട് ഭക്ഷണം ഉണ്ടാക്കുന്ന തിരക്കിൽ ആയിരുന്നു.ഞാൻ ചായയും കുടിച്ചു കൊണ്ട് ചേച്ചിക്ക് പിന്നാലെ അടുക്കളയിലേക്ക് കയറി. ” ഡാ നാളെ തൊട്ടു ഒരാഴ്ച നിനക്ക് നല്ല പണിയുണ്ട് ” ചേച്ചി പറഞ്ഞു

” എന്ത് പണി ” വിയർപ്പിന്റെ അസുഖം ഉള്ള ഞാൻ പണി എന്ന് കേട്ടതും വേവലാതിയോടെ ചോദിച്ചു.

” നാളെ മുതൽ ചേട്ടനും നൈറ്റ് ആണ്, അതുകൊണ്ട് ഉറച്ച ഞനാണ് രണ്ടാളും ഡ്യൂട്ടിയിൽ ആകും, പിള്ളേരെ നീ ഒറ്റക്ക് നോക്കേണ്ടി വരും രാത്രിയിൽ ” ചേച്ചി പറഞ്ഞു

” അയ്യോ, വല്ലാത്ത പണി ആയിപ്പോയല്ലോ, ഞാൻ ഇല്ലാരുന്നേൽ എന്ത് ചെയ്തേനെ ” അവന്മാരെ എങ്ങനെ നോക്കും എന്ന അങ്കലാപ്പോടെ ഞാൻ പറഞ്ഞു.

” നീ ഉള്ളതുകൊണ്ട ഡ്യൂട്ടി എടുത്തേ, പണ്ട് ആരുന്നേൽ ഞങ്ങൾ പരസ്പരം ടൈം നോക്കിയേ എടുക്കാറുള്ളരുന്നു. ഇപ്പൊ സ്റ്റാഫ് ഷോർട്ടജ് ആണ് എല്ലാരും റിസൈന്‍ ചെയ്തു യു ക്കെ ക്കും ക്യാനഡാക്കും ഒക്കെ പോകുവാണ്.” ചേച്ചി പറഞ്ഞു

” ചുരുക്കി പറഞ്ഞാൽ എനിക്ക് പണിയാണ് , ഇടങ്ങൾ ഒന്നും എന്നെ അനുസരിക്കില്ലെന്നേ ” ഞാൻ പറഞ്ഞു.

” പിന്നെ ഇത് കേട്ടാൽ തോന്നും ഞങ്ങളെ മാമൻ എടുത്തോണ്ട് നടക്കുവാന്ന്. മാമൻ ഇല്ലേലും ഞങ്ങൾ ഒറ്റയ്ക്ക് നിക്കും , കിടന്നുറങ്ങാൻ എന്തിനാ കൂട്ട്” 10 വയസ്സ് ഉള്ളുവെങ്കിലും 100 വയസ്സിന്റെ നാക്കുള്ള മൂത്ത കുരിപ്പ് പറഞ്ഞു. അത് കേട്ട് അവനു സപ്പോർട്ടായി ഇളയ കുരിപ്പും എത്തി.