ചാന്ദ്നി ശ്രീധരൻ & അസ്സോസിയേറ്റ്സ് 2 [അർജ്ജുൻ ദേവ്] 2339

 

അപ്പോഴേയ്ക്കും ലാപ്ടോപ്പ്ബാഗുമായി ചാന്ദ്നിയിറങ്ങിവന്നു… എന്നിട്ട് നൂറാത്തയോടായി;

 

“”…ഡ്രീംസിൽനിന്നും വിളിച്ചിരുന്നു… ആരെങ്കിലുമങ്ങോട്ടുചെന്നാൽ ബിൽസും റെക്കോർഡ്സുമൊക്കെ തന്നേക്കാമെന്നുപറഞ്ഞു… വിഷ്ണുവിനെ പറഞ്ഞുവിട്ട് അതുകളക്റ്റുചെയ്യാൻ നോക്ക്..!!”””_ അതുംപറഞ്ഞ് അവളൊറ്റപ്പോക്കായ്രുന്നു…

 

“”…അടിപൊളി.! ഇവരങ്ങോട്ടുവിളിച്ച് കൊണച്ചില്ലായ്രുന്നേൽ അവര് ഫിനാൻഷ്യൽസുംറെഡിയാക്കി ഇവിടെക്കൊണ്ടുത്തരേം ചെയ്തേനെ… ഇതിപ്പോളമ്മാതിരി പട്ടിഷോകാണിച്ചേന് അവരു തിരിച്ച് വായിലടിച്ചുകൊടുത്തതാ… എന്നിട്ടാണെന്തോ മാസ്സുകാണിച്ചപോലെ ഇറങ്ങിപ്പോയത്… കഷ്ടം..!!”””_ മൊതലാളിച്ചിയുടെ വണ്ടി ഗേയ്റ്റുകടന്നതും ഞാനെഴുന്നേറ്റുനിന്നങ്ങട് പട്ടിത്താറ്റുതുടങ്ങി…

 

എന്റെ ഡയലോഗും ആക്ഷനുമൊക്കെ കണ്ടപ്പോൾ നൂറാത്തയ്ക്കു ചിരിപൊട്ടി…

 

എന്നാൽ കാര്യംപൂർണ്ണമായി വ്യക്തമായില്ലേലും ഏകദേശധാരണവെച്ച് കണക്കുകൂട്ടി സേറയുമിരുന്ന് ചിരിയ്ക്കുന്നുണ്ടായ്രുന്നു…

 

“”…കണ്ണാ… നീപോയാ റെക്കോർഡ്സിങ്ങെടുത്തിട്ട് വാടാ… ദാ… വണ്ടീടെ കീയുമെടുത്തോ..!!”””_ അങ്ങനെയിരുന്നു ചിരിയ്ക്കുന്നതിനിടയിൽ ഇത്ത ചാവിയെന്റെനേരേ നീട്ടിക്കൊണ്ടുപറഞ്ഞു…

 

“”…പോവുവൊക്കെ ചെയ്യാം… പക്ഷെ എനിയ്ക്കിതെവിടെയാന്ന് വലിയപിടുത്തമില്ല..!!”””_ ചുമ്മാതൊന്നു പുറത്തേയ്ക്കിറങ്ങാല്ലോന്നു കരുതി വണ്ടീടെ കീ മേടിച്ചുകൊണ്ട് ഞാൻപറഞ്ഞു…

 

“”…ഓഹ്.! അങ്ങനൊരു പ്രശ്നമുണ്ടല്ലേ..?? നീയൊരു കാര്യംചെയ്യടാ… ഒന്നു മാപ്പ്നോക്കി പോയിട്ടുവാടാ… എനിയ്ക്കു കുറച്ചുവർക്ക് പെന്റിങ്ങുണ്ട്… അല്ലായ്രുന്നേ ഞാമ്പോയേനെ..!!”””_ മുഖംചുരുക്കി ഇത്ത

തന്റെനിസ്സഹായത വെളിപ്പെടുത്തി…

 

“”…അതു സീനില്ലതാത്താ… ഞാന്നോക്കാം..!!”””_ എന്നതിനു മറുപടികൊടുക്കുമ്പോഴാണ് സേറ ചാടിയിടയ്ക്കുവീണത്…

 

“”…ഇത്രയ്ക്കൊക്കെ കഷ്ടപ്പെടേണ്ട കാര്യമുണ്ടോ നൂറാത്താ..?? സ്ഥലമെനിയ്ക്കറിയാം… അപ്പൊ ഞാങ്കൂടെ പോയാപ്പോരേ..??”””_ പുള്ളിക്കാരി ചെയറീന്നെഴുന്നേറ്റ് ഞങ്ങൾടടുത്തേയ്ക്കു വന്നു…

 

“”…ഏയ്‌.! അതൊന്നും ശെരിയാവില്ല… എന്നിട്ടുവേണം രണ്ടിനേംകൂടി പറഞ്ഞുവിട്ടൂന്നുപറഞ്ഞ് മാഡമെന്റടുക്കെ പിന്നേംചാടാൻ..!!”””_ നൂറാത്തയവളെ മുളയിലേനുള്ളി…

 

“”…ഒന്നുപോ ഇത്താ… അതൊന്നും മാഡമറിയൂല… നമ്മളുപോയിട്ട് പെട്ടെന്നിങ്ങുവരൂലേ… അല്ലേലുമിവൻ മാപ്പുനോക്കി എവിടേലുമൊക്കെ ചെന്നുകേറിക്കൊടുക്കുന്നേലും നല്ലതല്ലേ ഞാനുംകൂടെപ്പോണെ… പ്ളീസ്..!!”””_ കൂടെവിടൂലാന്നുകണ്ടതും പെണ്ണ് കെഞ്ചലായി… എന്നിട്ടവളെ സപ്പോർട്ടുചെയ്യാനായി എന്നെക്കണ്ണുകാണിയ്ക്കുവേം ചെയ്തു; ഒന്നുപറയെടാന്ന ഭാവത്തിൽ…

 

“”…എങ്കിപ്പിന്നെ ഇവളൂടെവരട്ടിത്താ… എടുത്തുതരുന്ന റെക്കോർഡ്സൊക്കെ കറക്ടാണോന്നു നോക്കിയെടുക്കാനുമാളാവോല്ലോ..!!”””_ വരട്ടേന്നമട്ടിൽ കണ്ണുകൊണ്ട് കാണിച്ചങ്ങനെ ഇത്തയോടുപറഞ്ഞതും പുള്ളിക്കാരി മെല്ലെയൊന്നയഞ്ഞു…

 

“”…ആഹ്.! എന്നാ പോയിട്ടുവാ… പിന്നെ മാഡമെന്തിനേലും വിളിയ്ക്കുവാണേൽ ഓഫീസിലാണെന്നുതന്നെ പറഞ്ഞോണം..!!”””_ സമ്മതിയ്ക്കുന്നതിനൊപ്പം അങ്ങനെയൊരു കണ്ടീഷനുംകൂടിവെച്ചാണ് അവളെക്കൂടെ പറഞ്ഞുവിട്ടത്…

 

“”…മ്മ്മ്.! എന്താസ്നേഹം.! ഒരിത്തയുമനിയനും വന്നേക്കുന്നു..!!”””_ വണ്ടി ഗേയ്റ്റിനു പുറത്തെത്തീതും പിന്നിലിരുന്ന് സേറപിറുപിറുത്തു…

 

“”…എന്താന്ന്..??”””_ കാര്യംമനസ്സിലാകാത്തതുകൊണ്ട് സംഗതിയെടുത്തു ചോദിച്ചതും,

 

“”…അല്ല.! ഞാൻചോദിച്ചപ്പോൾ പോണ്ടാന്നുപറഞ്ഞത് നീപറഞ്ഞപ്പോൾ സമ്മതിച്ചതുകണ്ടില്ലേ… മ്മ്മ്.! നടക്കട്ടെ… നടക്കട്ടെ..!!”””_ ഒരാക്കിയചിരിയോടെ അതുമ്പറഞ്ഞവൾ എന്നോടുചേർന്നിരുന്നു…