ചായം പുരട്ടാത്ത ജീവിതങ്ങൾ [മന്ദന്‍ രാജാ] 447

നയനയെ സ്‌കൂൾ മാറ്റി.

എല്ലാം ആ ഒരു കത്ത് കാരണം .

പിന്നീടവളെ കാണുന്നത് പ്രീഡിഗ്രിക്ക് പഠിക്കുമ്പോഴാണ്

താൻ ഫോർത്ത് ഗ്രൂപ്പും അവൾ സെക്കൻഡ് ഗ്രൂപ്പും

അന്നത്തെ സംഭവത്തിൽ അടക്കാനാവാത്ത ദേഷ്യമുണ്ടായിരുന്നു . പക്ഷെ അവൾ കണ്ടതേ ഓടി വന്നു .

എങ്ങനെയോ അപ്പന്റെ കയ്യിൽ ആ ലെറ്റർ കിട്ടിയതാണെന്നും അവൾ കൊടുത്തതല്ല എന്നും ഒക്കെ പറഞ്ഞു സോറി പറഞ്ഞു . സ്‌കൂളിൽ എത്തിയപ്പോഴാണ് മീന ടീച്ചർ വാലന്റൈൻ ഡേക്ക് കത്തെഴുതിച്ചതാണെന്നും നയനയുടെ പേര് വെച്ച് പലരും എഴുതിയിട്ടുണ്ടെന്നും അപ്പനറിഞ്ഞത് എന്നും അവൾ പറഞ്ഞു . എന്നാലും ഒരു മുൻകരുതലെന്ന പോലെ നയനയെ സ്ക്കൂൾ മാറ്റി . ഒപ്പം വാലന്റൈൻ ഡേ എന്ന പുരോഗമന വാദികളുടെ ആഘോഷം സ്‌കൂളിലെത്തിച്ചതിനു മീന ടീച്ചറെ ജോലിയിൽ നിന്നും പിരിച്ചു വിട്ടു .

പിന്നീട് നയനയുമായി അടുത്തു . അവളായിരുന്നു പ്രണയം പറഞ്ഞത് .

വെറുമൊരു സാങ്കല്പിക കത്ത് കൊണ്ട് തന്നെ ഇത്ര പുകിൽ ഉണ്ടായെങ്കിൽ അവളോടുള്ള പ്രണയം പൂവിടുമെന്ന് ഓർക്കാനേ വയ്യായിരുന്നു . അതവളോട് പല തവണ പറഞ്ഞിട്ടുണ്ട് . എന്നിട്ടും അവൾ അതി തീവ്രമായി പ്രണയിച്ചു ..അവൾ അല്ല … ഞങ്ങൾ .

പ്രീഡിഗ്രി കംപ്ലീറ്റ് ആക്കി അവൾ ഹയർ സ്റ്റഡീസിന് കാനഡക്ക് പോയി , ഒരു വർഷം നാട്ടിൽ കിട്ടുന്ന ജോലികളൊക്കെ ചെയ്തിട്ട് അവളുടെ നിർബന്ധപ്രകാരം താൻ ബി കോമിന് ചേർന്നു . ഡിഗ്രി അവസാന വർഷമായപ്പോഴേക്കും അപ്പൻ കുടിച്ചു കുടിച്ചു ജീവിതം വെടിഞ്ഞിരുന്നു .

കൃഷിപ്പണി ചെയ്തും പശുവിനെ വളർത്തിയും പഠിപ്പിക്കുന്ന അമ്മക്കൊരു ഭാരം ആകണ്ടന്ന് കരുതി താൻ പഠിത്തം നിർത്തിയതാണ് . കാനഡയിൽ പാർട്ട് ടൈം ജോലി ചെയ്തു കിട്ടുന്ന തുക തന്റെ പേർക്ക് നയന അയച്ചു തന്നിരുന്നു , അത് കൊണ്ട് താൻ പീജിക്ക് ചേർന്നു .

പീജിക്ക് പഠിക്കുമ്പോൾ നയന തന്നെയാണ് ക്ലബ്ബിലെ സെക്രട്ടറി മാധവേട്ടന്റെ പഴയ നോക്കിയയലേക്ക് വിളിച്ചു പറഞ്ഞു ഒരു മൊബൈൽ ഫോൺ മേടിക്കാനുള്ള കാശിട്ടുണ്ടെന്ന് പറയുന്നതും .

പിന്നെ തങ്ങളുടെ സ്വകാര്യതകൾ മാധവേട്ടനെ ബുദ്ധിമുട്ടിച്ചില്ല

പീജി കഴിഞ്ഞ് അലഞ്ഞു നടന്ന ഒരുപാട് നാളുകൾ . ഒരു ജോലി എന്നുള്ള മോഹം സാക്ഷാത്കരിച്ചു കാണുവാൻ അമ്മയും നിന്നില്ല

ക്ലബ്ബും ചില്ലറ രാഷ്ട്രീയവുമായി നാട്ടിൽ തന്നെ ,
ഒടുവിൽ ഒരു ലോക്കൽ നേതാവിന്റെ കാരുണ്യത്തിൽ നാട്ടിൽ പഞ്ചായത്തിൽ താത്കാലിക ജോലിയിൽ കേറിയ സമയം

നയന കോഴ്സ് കംപ്ലീറ്റ് ചെയ്ത് നാട്ടിൽ വരുന്നതും ഒന്നിച്ചാണ് .

സർക്കാർ ജീവനക്കാരനെ എതിർക്കില്ല എന്നുള്ള ഉറച്ച ബോധ്യത്തോടെ നയനയുടെ നിർബന്ധപ്രകാരം അവറാച്ചൻ മുതലാളിയുടെ വീട്ടിൽ കയറി ചെന്നത് മാത്രം ഓർമയുണ്ട് .

പിന്നീടവളെ കാണുന്നതും മിണ്ടുന്നതും അവരുടെ വലിയ മതിലിനിപ്പുറം കവിളൻ മടലിൽ മടൽ ചവിട്ടി നിന്നാണ് . നയനയുടെ പാസ്‌പോർട്ടും മൊബൈലും ഉൾപ്പടെ എല്ലാം അവറാച്ചൻ മുതലാളി കൈക്കലാക്കി അവളെ വീട്ടു തടങ്കലിൽ ആക്കിയിരുന്നു .

നയന ക്യാനഡക്ക് മടങ്ങി ,

നാട്ടുകാരിൽ നിന്നുള്ള മുഖം രക്ഷിക്കൽ മാത്രമല്ല , രണ്ട് മാസം കഴിഞ്ഞ് വിവാഹം കഴിഞ്ഞ് ചിരിയോടെ നിൽക്കുന്ന നയനയുടെ ഫോട്ടോ