പിറ്റേ ദിവസവും രാവിലത്തെ പീരീഡ്കളിൽ ഒന്നിൽ മീനു ടീച്ചർ കയറി വന്നു. ഒന്നും മിണ്ടാതെ ബാഗും എടുത്തു ഞാൻ പുറത്തേക്ക് പോന്നു. കുറച്ചു നേരം സ്കൂളിന്റെ പരിസരത്തു ഒക്കെ ചുറ്റി കറങ്ങി കഴിഞ്ഞു ഞാൻ തിരിച്ചു വീട്ടിലേക്ക് പോയി. പാടം വഴി വീട്ടിലേക്ക് നടക്കുമ്പോ ഓലപ്പുരയിൽ ആരെങ്കിലും ഉണ്ടോ എന്ന് ഞാൻ നോക്കി. ആരും ഇല്ല.. എന്നാലും അവിടെ ഇരിക്കാൻ ഞാൻ മിനക്കെട്ടില്ല. സമാധാനമായി വീട്ടിൽ കേറി ഇരിക്കാമല്ലോ.
ബണ്ട് വഴി പിച്ചിക്കാവിലേക്ക് കേറിയ വഴിക്കാണ് പറമ്പിൽ നിന്നൊരു വിളി എനിക്ക് നേരെ വരുന്നത്. ആരും കാണില്ല എന്ന് കരുതി ആ വഴി വന്ന എനിക്ക് അക്ഷരാർദ്ധത്തിൽ ഒരു ഞെട്ടൽ ആയിരുന്നു ആ വിളി
‘നീ ഇന്ന് സ്കൂളിൽ പോയില്ലേ…?
ഗോപു ചേച്ചിയുടെ അമ്മ സന്ധ്യ പേരമ്മ ആയിരുന്നു..
‘ഉ.. ഉണ്ടായിരുന്നു.. എനിക്ക് വയ്യാഞ്ഞിട്ടു നേരത്തെ പോന്നതാ..’
അത് പറഞ്ഞിട്ട് ഞാൻ വേഗം വീട്ടിലേക്ക് നടന്നു.. കൂടുതൽ അവിടെ നിന്നാൽ ദേഹത്ത് വല്ലോം തൊട്ട് പനി ഉണ്ടോന്ന് നോക്കിയാൽ ഞാൻ കള്ളം പറഞ്ഞതാ എന്ന് അവർക്ക് മനസിലാകും.
എന്തായാലും നേരത്തെ വീട്ടിൽ വന്നിരിക്കുന്ന പരുപാടി ഇനി നടക്കുമെന്ന് തോന്നുന്നില്ല. എന്റെ ഭാഗ്യത്തിന് സന്ധ്യ പേരമ്മ അതാരോടും പറഞ്ഞില്ല. സന്ധ്യ പേരമ്മ ഇവിടെ മിക്കവരോടും മിക്കപ്പോഴും വഴക്ക് ആയിരിക്കുന്ന കൊണ്ട് ഇത് വേറെ ആരും അറിഞ്ഞില്ല. ഒരു കണക്കിന് ഞാൻ രക്ഷപ്പെട്ടു. പക്ഷെ ഇനി മുതൽ വേറെ എവിടെങ്കിലും പോയി സമയം കളയണം.. ആ ഓലപ്പുര തന്നെ ഇനി ശരണം എന്ന് ഞാൻ മനസ്സിൽ പറഞ്ഞു..
കുറച്ചു long story ആയത് കൊണ്ട് തന്നെ ഇടയ്ക്ക് ഗ്യാപ് വരുന്നത് ശോകം ആണെന്ന് അറിയാം. പക്ഷെ ഇവിടെ ഒരു ഓളം ഉണ്ടെങ്കിലേ തുടർച്ചയായി പാർട്ട് എഴുതി ഇടാൻ തോന്നൂ.
പുതിയ സൈറ്റ് വരുന്നതിന്റെ ഒരു ഓളം ഇപ്പൊ ഉണ്ടെന്ന് തോന്നുന്നു. അതിന് അനുസരിച്ചു ഉള്ള സപ്പോർട്ട് കൂടി തരണേ 🙏🏻