പിന്നെ TV അവിടെയുള്ള ഭിത്തിയിൽ സ്വിച്ച് ബോർഡിനടുത് ഫിറ്റ്‌ ചെയ്തു….
മിക്സി അടുക്കളയിൽ കൊണ്ട് പോയി വെച്ചു….
റീനയ്ക്ക് മിക്സി ചെറിയ ആശ്വാസമായി തോന്നി… ആകെയുള്ള ചെറിയ ബുദ്ധിമുട്ട് അരയ്ക്കുന്നതായിരുന്നു…..
പണികളെല്ലാം കഴിഞ്ഞു പാപ്പി വന്നപ്പോഴേക്കും ഊണ് റെഡി ആയി കഴിഞ്ഞിരുന്നു…
പാപ്പി : നല്ല പസിയിറുക്ക്
റീന : ങേ
പാപ്പി : നല്ല വിശപ്പുയുണ്ടായിരുന്നു
റീന : ഞാൻ അധികം ഒന്നും ഒരുക്കിയില്ല…
പാപ്പി : അയ്യോ ഇതൊക്കെ ധാരാളം….
ഒരു തോരനും പപ്പടവും അച്ചാറും പിന്നെ പരിപ്പ് കറിയും……. എല്ലാം കൂട്ടി ഞെരിച്ചു പാപ്പി അസ്സലായി ഉണ്ടു…
റീന പാപ്പിയുടെ ആസ്വദിച്ചുള്ള കഴിപ്പ് നോക്കി നിന്നു
പാപ്പി : കഴിക്കുന്നില്ലേ…..
റീന : ഞാൻ പിന്നെ ഇരുന്നോളാം
പാപ്പി : അണ്ണൻ എപ്പോ വരും…
റീന : 5.30 ആവുമ്പോഴേക്കും എത്തും
പാപ്പി : ആഹ് വരട്ടെ
ഭക്ഷണം കഴിഞ്ഞു പാപ്പി രാജുവിന്റെ മുറിയിൽ പോയി വിശ്രമിച്ചു……
റീന ഭക്ഷണം കഴിച്ചു മുറിയിൽ പോയി മല്ലിയെ ഫോണിൽ വിളിച്ചു വിശേഷങ്ങൾ പങ്കു വെച്ചു….
നല്ലൊരു ഉറക്കം കഴിഞ്ഞു പാപ്പി എണീക്കുമ്പോൾ മുറ്റത് പിള്ളേരുടെ ബഹളം കേട്ടു….
ചെല്ലുമ്പോൾ പിള്ളേർ സാറ ചേച്ചിയുടെ വീട്ടിലിരുന്നു പാച്ചുവിന്റെ കൂടെ കളിക്കുകയായിരുന്നു….. പാപ്പി എഴുന്നേറ്റ് വരുന്നത് കണ്ട റീന സാറ ചേച്ചിയുടെ വീട്ടിൽ നിന്നു തിരിച്ചു വന്നു….
റീന : നല്ല ഉറക്കമായിരുന്നല്ലോ
പാപ്പി : ആ… രണ്ട് ദിവസം നല്ല ഓട്ടമായിരുന്നു….. ഉറങ്ങിയിട്ടില്ല…. ഇവിടെ എന്തു സുഖമാ കിടന്നുറങ്ങാൻ…. ബഹലങ്ങളില്ല… വളരെ ശാന്തം…
റീന : ഞാൻ ചായ എടുക്കട്ടെ….
പാപ്പി : വേണ്ട…..അണ്ണൻ വന്നിട്ടാകാം
റീന : മം…..
പാപ്പി അവിടെയിരുന്നു പിള്ളേരുടെ കളി കണ്ടിരുന്നു….
റീനയും അവിടെയിരുന്നു….
റീന : രവീണമോളും രഘുവും എന്ത് പറയുന്നു….
പാപ്പി : നിങ്ങള് പോയപ്പോൾ രവീണ വിഷമത്തിലായിരുന്നു…
റീന : പാവം…. ഒന്ന് യാത്ര പറയാനും പറ്റിയില്ല….
പാപ്പി : തങ്കച്ചി ഇവിടെ ഓക്കേ അല്ലെ…
Evde?
എല്ലാരും കൂടി ഓരോന്ന് പറഞ്ഞു ആശാന്റെ മൂഡ് കളഞ്ഞു ഇനി ഇത് തുടരുമോ ഇല്ലയോ എന്ന് കണ്ടറിയാം
ആശാനേ.. “ഏലക്ക 5” എത്താറായോ.. Waiting ആണ്..🙄😭😭