എല്ലാമെല്ലാമാണ് 6 [Jon snow] [Climax] 304

അമ്മ : ” നിങ്ങള് പോയാൽ പിന്നെ ഞങ്ങൾക്ക് ആരാ ഉള്ളതെന്ന് ഓർത്തോടാ നീ….. കുരുത്തം കെട്ടവനെ ”

മജീദ് : ” ഹാ ഇവിടെ നിന്ന് കരയാതെ പെട്ടെന്ന് പോകാൻ നോക്ക് സീതേ. ചെല്ല് അവനെ വിളിച്ചു കാറിൽ കയറ്റ് ”

അമ്മ ഉടനെ എന്നെയും മീരയെയും കയ്യിൽ പിടിച്ചു വലിച്ചു കൊണ്ടുപോയി കാറിൽ കയറ്റി. അമ്മ കണ്ണൊക്കെ തുടച്ചു മീരയെ കെട്ടിപിടിച്ചു. അവൾ അമ്മയെ കരഞ്ഞുകൊണ്ട് നോക്കുകയാണ്.

അമ്മ : ” എന്നെ വിട്ട് പോകാൻ ഞാൻ നിന്നെ സമ്മതിക്കില്ല. ”

അമ്മ അവളെ തോളിലേക്ക് തലചായ്പിച്ച് തലോടി.

ബഷീറിക്ക അച്ഛന്റെ അടുത്ത് ചെന്നു.

ബഷീർ : ” എടോ പിള്ളേരുടെ മനസ്സ് മനസിലാക്കി അവരുടെ ഇഷ്ടത്തിന് കാര്യങ്ങൾ ചെയ്തു കൊടുക്കണം അല്ലാതെ നമ്മുടെ ഇഷ്ടത്തിന് അവരെ നിർബന്ധിക്കാൻ പാടില്ല.”

അച്ഛൻ : ” താനാരാ ”

ബഷീർ : ” ഞാൻ ആരോ ആവട്ടെ. ”

അച്ഛൻ : ” അതല്ല എന്നാലും….. ”

ബഷീർ : ” ഞാൻ ബഷീറ് . ഇത് ജോയല് ഇത് മനു. ”

അച്ഛൻ : ” അപ്പൊ നിങ്ങളാണല്ലേ ഈ ഒളിച്ചോട്ടത്തിന് സഹായിച്ചത് ”

ജോയൽ : ” അതെ അങ്കിൾ……. ഞാൻ ആണ് ഈ ഐഡിയ പറഞ്ഞത് ”

അച്ഛൻ : ” ഓഹോ….. അടിച്ചു കണ്ണ് ഞാൻ പൊട്ടിക്കും. അവനോ ബുദ്ധിയില്ല. നിനക്കെങ്കിലും വെളിവ് പറഞ്ഞു കൊടുത്തൂടെ ”

ജോയൽ ഞെട്ടിപ്പോയി.

ബഷീർ : ” അല്ല ഞങ്ങൾ പിന്നെ….. പ്രണയിക്കുന്നോര് ഒന്നിക്കട്ടെ…… ”

അച്ഛൻ : ” ഒലക്ക…… എടൊ തനിക്ക് പ്രായം ചെന്ന പിള്ളേര് ഇല്ലേ. തനിക്ക് എന്നോട് ഒന്ന് വന്നു പറഞ്ഞുകൂടായിരുന്നോ ”

ബഷീർ(ആത്മഗതം) : ” പുല്ല് ഏത് നേരത്താണോ….. ”

ജോയൽ : ” അങ്കിൾ ഇപ്പൊ കുഴപ്പം ഒന്നുമില്ലല്ലോ. ”

അച്ഛൻ : ” ആ ഉവ്വ…… ”

ബഷീർ അച്ഛന്റെ അടുത്തേക്ക് നീങ്ങി ചെന്നു. അച്ഛന്റെ ചെവിയിൽ പറഞ്ഞു
ബഷീർ : ” സാറെ അറിയപ്പെടുന്ന ഗുണ്ടയാണ് അയൽവക്കം ഒക്കെ കാണുന്നുണ്ട് വില കളയരുത് പ്ലീസ് ”

ബഷീർ(ഉറക്കെ) : ” അപ്പൊ എല്ലാം പറഞ്ഞതുപോലെ. സാർ സമ്മതിച്ചു. സാർ ധൈര്യമായി പോണം. ഞമ്മളുണ്ട് കൂടെ. സാർ പോണം സാർ ”

അച്ഛൻ അയാളെ അന്തം വിട്ടു നോക്കി. അയ്യേ ഇതാണോ ഗുണ്ട എന്നായിരുന്നു ആ നോട്ടത്തിന്റെ അർത്ഥം.

അച്ഛനും മജീദിക്കയും കൂടെ വന്നു വണ്ടിയിൽ കയറി.